Danyel 4:17 - Hdi

¹⁷ Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 4:17 Referans Kwoze

Danyel 4:25

Ka slanaghatá inda tsa skwiha ya ta mgham Nevuhadnetsar.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

1Sam 2:8

Tsatsi ta sliʼanaftá pɗu ta kurvusaku ma rgitik, ta tsukwaptá sləpɗu ta maghdzək, ŋa nzanata kawadaga nda gwal dagaladagala, ta vlaŋ vla ta həŋ ka ŋa taŋ ta dughurukwa glaku. Guguɗiha haɗik ná, ŋa Yawe ya, ta həŋ fafta tsi ta ghəŋa haɗik.

1Kwa 1:28

Tsatsi ta zabaptá gwal ta nghə lu ka mnduha tsa lu, htu hta həŋ katakata ta nghə mnduha ma ghəŋa haɗik ya, ŋa ŋwisaganatá deghreʼ ta gwal dagala dagala.

Danyel 11:21

Dzaʼa lam la sana falaya mndu da vla ni, sana mndu ya dzaʼa kwal lu walaŋtá vlaŋta sgita mamgham mgham. Manda gatsuwa dzaʼa lama tsi ka klaghutá ga mgham ma fitika nzakwa haɗik ta ɗughwana ɗughwana.

Sabi 9:16

Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

1Mgh 21:25

Haɗ mndu ɗekɗek taɓta Ahav ta skwaptá ghəŋa ni ŋa maga ghwaɗaka skwi ta wa ira Yawe, kabga gagafta markwa taŋ Izabel wa.

Suna Yuhwana 4:8

Tsa skwiha fwaɗ nda hafu ma həŋ ya ná, mkuʼ mkuʼ zlambakha taŋ. Ka iri dzeʼdzeʼ wawa ta zlambakha taŋ nda vli nda ma huɗa ni tani. « Nda ghuɓa! Nda ghuɓa! Nda ghuɓa! Na nzakwa Mgham Lazglafta, ya nda mbra. Kagha manda ghalya, kagha ndanana, kagha guli dzaʼazlay ta kəma, » ka həŋ ta vaghay nda vagha, ka hanay nda hana, ta mnay.

1Tim 5:21

Ta ndəɓa dzvu yu ŋa gha ta kəma Lazglafta, nda *Yesu *Kristi, nda ya ta kəma duhwalha ni zabap Lazglafta. Sna sna ta tsa gwaɗa ya, yaha ka da laghu da ɗva ghəŋ. Yaha ka da gala mndu nda gala.

2Rus 28:22

Kulam nda tsa nzakwa ni ma ghuya ɗaŋwa ya, ka gɗatá tsa mgham Ahaz ya ta ɓlanaptá zlahuha Yawe.

La Ruma 13:1

Ka haniŋhana inda mndu ta ghəŋ mista ŋumna, kabga inda mndu ta ga mgham ná, Lazglafta ta vlaŋtá həŋ, Lazglafta ta fata ŋumna.

Danyel 4:2

Ma sana rviɗik tama, ta hanuta hana ɗa yu ta ghəzləŋa ɗa, ka faɗighata sana suni ta vlihatá zləŋ. Tsa skwi nghaŋ yu ya ná, kɓiɗif kɓa katakata.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.