Danyel 10:18 - Hdi

¹⁸ Ka ksəglihatá tsa mndu ya kay guli, ka vlihatá tsi ta mbraku.

Danyel 10:18 Referans Kwoze

Danyel 10:16

Ama ka ksaŋtá sana mndu ta gara vgha nda mnda səla ta wubisima ɗa. Ka gunglatá yu ta wi, ka gwaɗ yu ta gwaɗa. Ka yu nda tsa mndu ta sladu ta vata iʼi ya mantsa: « Rvera ɗa, ta ghudzaku yu katakata, dabga na suni na ná, ta haɗ mbraku ma iʼi wa.

Lukwa 22:43

Ka gi saha duhwalha Lazglafta daga ta luwa da vlaŋtá mbraku.

Danyel 8:18

Mantsa tama, ma tsa fitik ta gwaɗ Gabriyel ta gwaɗa nda iʼi ya, zlumbruhwa yu ghərmbəzla ta haɗik, ka ksihatá tsi ka sliʼiɗifta.

Kwalus 1:11

Dzaʼa mbray Lazglafta ta kaghuni nda mbrakwa ni dagala dər ma wati ma skwi, ŋa laviŋta ghuni ta sladata his his səla ka suʼa inda skwi nda rfu.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

Afisus 3:16

Tsaya ta kəl yu ka ndəɓa dzvu da tsi ka ksa tsi ta slna nda tsa mbrakwa ni dagala ya ma ŋuɗufa ghuni, ka vlaghunata tsi ta mbraku kahwathwata nda ma Sulkuma ni.

Slna gwal ghunay 18:23

Tahula nzɗavatani gerger ma luwa Aŋtakiya ta haɗika Siri, ka sliʼaftá tsi ka laghu da ranaftá haɗika Galat, nda haɗika Frizi, ka vla mbraku ŋa inda gwal zlghay nda ŋuɗuf.

Lukwa 22:32

Tsaw maga maga yu ta duʼa ta ghəŋa gha, kada kwala zlghay nda ŋuɗufa gha htuta ɗekɗek. Baɗu vragaghuta gha da iʼi ya, ka mba ka ta zwana ma gha, » ka *Yesu.

Danyel 10:10

Ka ksihatá sana dzvu, ka fihata ta karamha ɗa nda huɗa dzvuha ɗa.

1Sam 23:15

Nghay Dawuda ta laba Sawulu da zba htsiŋa ni, ka nzatá tsi ma Hursa ta mtaka Zif.

Danyel 8:15

Ma tsa fitika vitsay iʼi Danyel ta tsa skwi ta magaku, ka psə yu ta snaŋta klatá ghəŋa ni ya, ka sagha sana skwi manda tsatá mndu da sladata ta kəma ɗa.