Asta 9:18 - Hdi

¹⁸ Ka tskavata la Yahuda ta nzakway ma Susaŋ kata hafa taŋ baɗ maghwaŋpəɗ hkəna fitik, nda ya baɗ maghwaŋpəɗ fwaɗa fitik ma tsa tila ya, ama ka mbiʼi həŋ ta vgha baɗ maghwaŋpəɗ hutafa fitik. Ka nzakw tsa fitik ya ka fitika skalu nda rfu.

Asta 9:18 Referans Kwoze

Asta 9:21

« Ka hava kuni ta tsa skala rfu ya inda vaku, baɗ maghwaŋpəɗ fwaɗ fitik nda ya baɗ maghwaŋpəɗ hutafa fitik ma tili Adar, » kaʼa nda həŋ.

Asta 9:15

Baɗ maghwaŋpəɗ fwaɗa fitik ma tila Adar, ka tskavatá la Yahuda ta nzakway ma Susaŋ. Ma tsa Susaŋ ya, ka pslatá həŋ ta mnduha hkən dərmək, ama zləɗa a həŋ ta skwa taŋ wa.

Asta 9:13

Ka Asta mantsa: « Rvera ɗa, ka zɗəgagha zɗa tsi katsi, vləglaŋ vla ta tvi ta la Yahuda ma luwa Susaŋ, ka magəglata həŋ mahtsim taɓta na zlahu maga lu gita na. Ka dzagwagata lu ta udzu ta tsa zwana Haman ghwaŋ ya, » kaʼa.

Asta 9:1

Ka sagha fitik baɗ maghwaŋpəɗ hkən ma tila maghwaŋpəɗ his, tila Adar ya. Baɗ tsa fitik ya má dzaʼa ksa lu ta slna nda gwaɗa mgham ta mnata. Baɗ tsa fitik ya guli ta ndana ghumaha la Yahuda ta zatá ghwa ta ghəŋa taŋ. Ama tskəm kəʼa mbəɗavafta, ka zatá tsa la Yahuda ya ta ghwa ta ghəŋa ghumaha taŋ.

Asta 9:11

Baɗ va tsa fitik ya, ka lagha lu mnaŋta ta kəma mgham ta mbsaka mnduha psla lu ma luwa Susaŋ, ma tsa vli nda ŋa nda matsaka huzlu ma tsa haɗik ya.

Asta 8:11

Ma tsa ɗelewerha ya ná, vlaŋ vla mgham ta tvi ta la Yahuda dər ma wati ma luwa tsi, ŋa tsakavata taŋ ŋa katá hafa taŋ. Ka vlaŋtá tsi ta tvi ta həŋ ŋa dzata, ŋa hərɗiŋta, ŋa zaɗanatá inda dər wati ma bakwa vula, dər wati ma mndəra mndu tsi, dər ma wati ma haɗik tsi. Laviŋ lava hahəŋ guli ta pslatá miʼa taŋ, nda zwana taŋ, ka zləɗatá həŋ.

Asta 9:2

Ka tsakavatá la Yahuda ma luwaha ya hada həŋ, ma inda haɗikha ma dzva mgham Ahasverus. Ka guyatá la Yahuda nda gwal ta zba htsiŋa taŋ. Haɗ mndu ta laviŋtá sladata ta kəma taŋ wa. Ta zləŋ inda mndəra mnduha da həŋ.