Asta 6:6 - Hdi

⁶ Ka lam Haman. Ka mgham nda tsi mantsa: « Nu ta raku ŋa maganatá mndu ta kum mgham ta vlaŋtá sgit na? » kaʼa. Ka Haman ma ŋuɗufa ni mantsa: « Ka si ta ndanay mgham ta ŋlanaftá sana mndu katsi ná, ba va iʼi a ra! » kaʼa.

Asta 6:6 Referans Kwoze

Yuhwana 5:23

kada vla inda mndu ta glaku ŋa zwaŋ, manda ya ta vlə həŋ ta glaku ŋa Da ya. Ka vla a mndu ta glaku ŋa zwaŋ wu katsi, haɗ tsa mndu ya ta vla glaku ŋa Da ta ghunagatá tsa zwaŋ ya wa.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

Asta 6:11

Ka klaftá Haman ta lgut, nda plis. Suɗanavaha ta tsa lgut ya ta Murduhay, fafha ta plis ka waway ta badawaha ma luwa ka dzaʼa nda hagaku ta kəma ni: « Manda nana ta maga lu ŋa mndu ta vlaŋta mgham ta sgit, » kaʼa.

Asta 6:9

Ka klafta lu ta tsa lgut ya, nda tsa plis ya, ka vlaŋtá sani mataba mnduha mgham ka mali ka mali, mndu ya kulaŋ lu, ŋa suɗanavatá tsa mndu ta kum mgham ta vlaŋtá sgit ya, ka fafta ta tsa plis ya, ka waway ta badawaha ma luwa ka dzaʼa nda hla wi ta kəma ni: “Manda nana ta maga lu ŋa mndu ta vlaŋta mgham ta sgit,” » kaʼa.

Asta 6:7

Ka Haman nda mgham tama mantsa: « Ka si ta ndanay mgham ta vlaŋtá sgit ta mndu ta zɗəganata katsi ná,

Asta 5:11

Ka rusanaftá Haman ta həŋ ta glakwa gadghəla ni, nda mbsaka zwana ni, nda inda skwi ya magana mgham ŋa ŋlanafta, ŋa nzanaghatá inda mnduha mgham ka mali ka mali, nda sanlaha ma kwalvaha mgham tani.

Asta 6:5

Ka duhwalha mgham nda tsi mantsa: « Waʼa Haman ta sladu ta daɓi tgha, » ka həŋ. Ka mgham mantsa: « Ka sam sa tsi, » kaʼa.

Asta 1:15

Ka mgham nda həŋ mantsa: « Iʼi, mgham Ahasverus, ghunaf ghuna yu ta mapslaha ɗa da mnanatá skwi ŋa magay Vasti, markwa mgham, ka kwalaghutá tsi ta snata. Kinawu ka zlahu ta mnay ta ghəŋa skwi ŋa magay ŋa ni na? » kaʼa.

Lukwa 14:9

Da lagha tsa mndu ta hgaftá kaghuni ya, da mnay ŋa gha kazlay: Sliʼaf sliʼa, zlanaŋ zla ta na vli na ta na mndu na kəʼa, ŋa ksuta ni ta kagha ka hula ta dzaʼa nzəglata ma hamata vla nzaku.