Asta 3:13 - Hdi

¹³ Ka ghwanaftá həŋ nda hwaya nda hwaya ta mnduha hlaghatá tsa ɗelewerha ya da inda haɗikha mgham. Ma tsa ɗelewerha ya ná, vla vla mgham ta tvi, ŋa hərɗiŋta, ŋa pslata, nda ya ŋa zaɗanatá inda la Yahuda, daga ta galaɓayha ha ka lagha ta halata mnduha, nda zwani tani, nda miʼaha tani ta fitika turtuk. Tsaya fitik baɗ maghwaŋpəɗ hkən ma tila maghwaŋpəɗ his, tila Adar. Baɗ tsa fitik ya dzaʼa zləɗata lu ta inda skwiha taŋ guli.

Asta 3:13 Referans Kwoze

Asta 9:10

Tsaha ya zwana Haman ghwaŋ, zwaŋa Hamədataʼ ta nzakway ka ghuma la Yahuda ya. Ama zləɗa a həŋ ta skwa taŋ wa.

2Rus 30:6

Ka sliʼaghutá gwal ghunay ta inda kwakwara la Israʼila nda la Yuda, nda ɗelewerha thaf i mgham nda maliha ta dzva taŋ tida. Manda zlahu ya mna mgham, ka həŋ mantsa: « La Israʼila, vragaghawa vra da Yawe, Lazglafta Abraham, nda Izak, nda Israʼila, kada vrakta tsi da kaghuni ta pɗaku, kaghuni gwal ta ndapta ma dzva mghama la Asur ya.

1Sam 15:3

Ndanana tama, la pslatá la Ghamalek tuzluzl. Ka níŋta kuni ka skwa dzahay ta inda skwa taŋ. Yaha ka da zlanatá həŋ. Ka rwanata ka ta inda taŋ demdem, nda zgwana tani, nda miʼaha tani, nda zwani tani, nda vziʼuwa tani, nda slaha tani, nda rina fisik tani, nda ŋalibwaha tani, nda kəɗihha tani,” kaʼa, » kaʼa.

Yakubu 2:13

Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

La Ruma 3:15

Nda tsəra səla taŋ ŋa dzaʼa dzata mndu.

Asta 7:4

Na nzakwa ni ná, dzawap dzawa lu ta mndəra ini nda iʼi tani ŋa hərɗiŋnista, ŋa pslatá aŋni, ŋa zaɗaŋnata. Tsaya tama, ka si ŋa nzakway ka vuʼa yeya dzawapta lu ta aŋni ná, má dzaʼa haf ha yu ta wa ɗa, kabga haɗ ghəzliwa ni ŋa daŋwazla mgham wu, » ka yu ma dzaʼazlay.

1Sam 22:19

Ka rdzakanatá tsi nda kafay, ma Nuv, luwa mnda dra skwi ŋa Lazglafta, ta zgwana nda miʼaha, nda zwani nda vziʼuwaha, nda slaha, nda kəɗihha, nda rina fisik.

Asta 8:5

Kaʼa mantsa: « Rvera ɗa, ka si ta kumay ka ta mariɗiŋtá zɗakwa gha katsi, ka ɗina tsi ta nghə ka ta kəma gha, ka tɗukwa tsa ɗaway ɗa ya katsi, ka zɗəgagha zɗa yu katsi, vindaf vinda ta sana ɗelewerha. Ka nzakwa həŋ ŋa mtanatá tsa ɗelewerha vivindaf Haman zwaŋa Hamədataʼ la Agag, ŋa pslatá inda la Yahuda ma inda haɗikha ta gə ka ta mgham ta ghəŋa taŋ ya.

Asta 9:1

Ka sagha fitik baɗ maghwaŋpəɗ hkən ma tila maghwaŋpəɗ his, tila Adar ya. Baɗ tsa fitik ya má dzaʼa ksa lu ta slna nda gwaɗa mgham ta mnata. Baɗ tsa fitik ya guli ta ndana ghumaha la Yahuda ta zatá ghwa ta ghəŋa taŋ. Ama tskəm kəʼa mbəɗavafta, ka zatá tsa la Yahuda ya ta ghwa ta ghəŋa ghumaha taŋ.

Asta 9:5

Ka pslatá la Yahuda ta inda ghumaha taŋ nda kafay. Ka pslatá həŋ, ka zaɗanatá həŋ. Ka maganatá həŋ ta skwi kumaŋ həŋ ta gwal husaŋ həŋ.