Afisus 4:2 - Hdi

² Ma inda skwi ta mag kuni, nda hana ka ghəŋa ghuni, leɓtekwa ka nzakwa ghuni, ta ksay ka kuni ta ŋuɗuf. Suʼuwawa ta skwi ta magaghunata sanlaha, ka ɗvuta kuni ta həŋ.

Afisus 4:2 Referans Kwoze

1Kwa 13:7

Ŋaw lu, kaʼa nda inda skwi. Ta Lazglafta fatá ghəŋa ni ma inda skwi. Nda fa ŋuɗufa ni ta payakwa inda skwi. Ta suʼay ta inda skwi.

La Ruma 15:1

Na amu nda mbra ma zlghay nda ŋuɗuf na ná, kataŋma kata ta gwal nda hta mbrakwa taŋ. Ma laghu mu da zba skwi ta zɗəgamata.

Mata 11:29

Zba a yu ta nzaghunaghata wa. Klawa kla ta ndəgaku ya ta klə yu, ka tagha kuni ta skwi da iʼi, mantsa ya dzaʼa kəl kuni ka mutsaftá mbiʼa vgha.

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

Mbsak 12:3

Tsaw Musa ná, sana mndu leɓtekw ka malaghuta leɓtekwa ta sanlaha ma mnduha ta haɗik ya.

1 Piyer 3:15

Fafwa fa ta ghəŋa ghuni ta *Yesu *Kristi turtukwa ni, ka ga tsi ta mgham ma ŋuɗufa ghuni. Fata kaghuni ta ghəŋa ghuni ŋa ghuni ŋa zlgha wi da inda gwal ta ɗawaghunata ka kabgawu kəl kaghuni ka faftá ghəŋa ghuni ta Yesu Kristi.

2Tim 2:25

Nda hanatá ghəŋ katsi gwaɗa nda gwal ta mbaɗanaftá gwaɗa ni. Kawayaka skwi dzaʼa vlaŋ vla Lazglafta ta tvi ta həŋ ŋa mbəɗanafta taŋ ta nzakwa taŋ, ŋa snaŋta taŋ ta kahwathwata.

Galat 6:2

Katuvuswa vgha ma kərta ndəgaku sani nda sani. Ma magay ghuni mantsa ya, dzaʼa nzakwa kuni ka gwal snatá zlaha *Kristi.

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

Slna gwal ghunay 20:19

Nda leɓtekwatá ghəŋ mataba ghuya ɗaŋwa da sanlaha ma la *Yahuda ta pghihatá buɗukwa, ksanata yu ta slna ta Mgham *Yesu.

Markus 9:19

Ka Yesu nda həŋ mantsa: « Ghwaɗaka mndəra mnduha kul haɗ zlghay nda ŋuɗuf da həŋ! Ŋa kulam yawu dzaʼa nzata yu ta vata kaghuni? Ŋa kulam yawu dzaʼa nzata yu ka suʼuwaghunata? Klagaɗighawa tsa zwaŋ ya, » kaʼa nda həŋ. Ka klədanaghatá lu.

Yakubu 1:21

Tsaya tama, pghiŋwapgha ta inda skwiha ya ta ŋəriŋtá mndu, nda inda ghwaɗaka skwiha. Tsuʼawatsuʼa nda hanata ghəŋ ta gwaɗa ya ŋəɓam Lazglafta ma kaghuni ta laviŋtá mbanafta hafa ghuni.

Kwalus 1:11

Dzaʼa mbray Lazglafta ta kaghuni nda mbrakwa ni dagala dər ma wati ma skwi, ŋa laviŋta ghuni ta sladata his his səla ka suʼa inda skwi nda rfu.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.