Afisus 4:12 - Hdi

¹² Manda tsaya kəʼa daganata ŋa katay taŋ ta mnduha Lazglafta ŋa maganatá slna ni, kada mutsafta mnduha Lazglafta ta nzakway ka sluʼuvgha Kristi ta ŋlaku ta kəma ta kəma.

Afisus 4:12 Referans Kwoze

Afisus 4:16

Manda mala ta nzagwanatá vgha mndu ya ná, manda tsaya nzagwanata Kristi ta mnduha ni. Ka ta ksa slna inda fawayha ta vgha mndu manda ya ta raku katsi, ɗina ta glakwa tsa mndu ya ta glaku. Manda tsaya nzakwa gwal zlghay nda ŋuɗuf guli. Ka ta ɗvuvusɗva mnduha Lazglafta ta vgha taŋ, ta magay dər wa ta slna ni ya vlaŋ lu katsi, dzaʼa glaku həŋ ta kəma ta kəma nda mbrakwa Kristi.

1Kwa 12:27

Kaghuni ná, vgha Kristi kuni, ka fawayhani nzakwa ghuni turtuk turtuk.

La Ruma 15:14

Zwana ma ɗa, graf gra iʼi ka ghəŋa ɗa kazlay: Nda fa vgha ghuni ŋa maga skwi ɗina, nda sna kuni ta inda skwi ya nda ra ka snaŋta, nda sna kuni ta tva vluvtá hiɗaku kəʼa.

1Kwa 14:26

Zwana ma ɗa, nu ta raku ŋa magay tama? Ka ta tska vgha kuni, ta fa laha sanlaha, ta tagha skwi ŋa mndu sanlaha, kligiŋta ɗifatá skwa Lazglafta ŋa sanlaha, mna gwaɗa nda sanlaha ma gwaɗaha ŋa sanlaha, mbəɗigiŋtá ŋa sanlaha, ŋa ŋlaku ká inda ni demdem.

La Ruma 14:19

Mantsa ya tama ná, ŋavama ŋa ka zba skwi ya dzaʼa klaktá zɗaku nda ya ŋa ŋla guyatá ghəŋa mu.

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

1Kwa 14:12

Kaghuni, ya ta mama mutsaftá mbraku ta vlə Sulkum kuni ya, ŋavawa ŋa ka zba mutsaftá ya dzaʼa malaghuta ŋlanaftá Igliz.

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Hebru 6:1

Mantsa ya tama, zluŋmazla ta hamata zwana tagha skwi ya ta tagh mu ta ghəŋa *Kristi, mbaɗma ta ghəŋa tagha skwa gwal nda ndəha. Ma laghu mu vrəglafta ta ghəŋa dughwaŋa skwi ta nzakway ka: Gwaɗa ta ghəŋa pla dmaku, ŋa zlaŋta mnduha ta maga slnaha ya ta kla həŋ da Zaɗaku, nda gwaɗa ta zlghaftá Lazglafta nda ŋuɗuf,

2Kwa 6:3

Va a ŋni ta ksafta mndu ta aŋni nda dmaku ma slna ta mag ŋni wu, tsaya ta kəl ŋni ka ŋavata ka maga skwi ŋa kwal kul zləmbiŋtá mndu.

2Kwa 5:18

Inda tsaha ya ná, Lazglafta ta magata. Ka ghunagatá tsi ta Kristi mtuta ŋa slərɓaptá zughu mataba mu nda tsatsi. Ka vlaŋnatá tsi ta slna dzaʼa mnanatá mnduha ŋa sagha taŋ slərɓaptá zughu mataba taŋ nda tsatsi.

Lukwa 22:32

Tsaw maga maga yu ta duʼa ta ghəŋa gha, kada kwala zlghay nda ŋuɗufa gha htuta ɗekɗek. Baɗu vragaghuta gha da iʼi ya, ka mba ka ta zwana ma gha, » ka *Yesu.

2Tim 4:5

Ama kagha ya, gɗava gɗa gha ma ghunislaka gha, suʼa ta ghuya ɗaŋwa, magatá kahwathwata slna mndu ta mna *Lfiɗa Gwaɗa. Kɗanafkɗa ta slna nzakwa gha ka mnda maganatá slna ta Lazglafta.

Kwalus 4:17

Mnanawa mna ta Artipus « ka ŋavata tsi ma slna ya vlaŋ Mgham Yesu Kristi, ŋa kɗanaftani. »

Kwalus 1:28

Tsa Kristi ya ta mnə ŋni ta gwaɗa ta ghəŋa ni, ka vla hiɗaku ŋa inda mndu, nda tagha skwi nda ɗifil ya laviŋ lu ya, ŋa nuta inda mndu ka mndəra mnduha ma Kristi.

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

Afisus 1:23

Kristi ná, ghəŋ ta ghəŋa *Igliz ya, ta nzakway ka vgha ni. Ma tsa guyatá vgha mnduha ni ya nzamta Kristi. Ma tsatsi nzatá nzakwa Lazglafta ka mara vgha nda ma tsatsi guli.

2Kwa 12:19

Kawayaka skwi nda kɗa fitika ghuni ta ndanay kazlay: Ta zba waɗaptá ghəŋa ŋni da kaghuni ŋni kəʼa. Mantsa a wu! Ta kəma Lazglafta ta gwaɗa ŋni ta gwaɗa manda ya ta kum *Kristi. Graha ɗa ya ta ɗvu yu, inda tsa skwiha ta mag ŋni ya ná, ŋa ŋla kaghuni ta kəma ta kəma, ta maga ŋni.

2Kwa 7:1

Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

2Kwa 4:1

Lazglafta ta faŋnamtá tsa slna ya ma zɗakwa ni, tsaya ta kwal ŋni kul rwa malandugu.

2Kwa 3:8

Haɗ slna Sulkum nda ghuɓa dzaʼa malaghutá glaku ka tsaya tama rki?

1Kwa 14:14

Ka ta magay yu ta duʼa nda sanlaha ma gwaɗaha kul snaŋtá lu katsi, ta mag ma sulkuma vgha ɗa yu ma ghunislaka ɗa a wa.

La Ruma 15:29

Nda sna yu kazlay: Ma tsa lagha dzaʼa lagha yu da kaghuni ya ná, dzaʼa lagha nda tfatawa *Kristi katakata yu da kaghuni kəʼa.

La Ruma 15:2

Magama maga ta skwi ta zɗəganatá mnda səla ŋa kataŋtá həŋ ŋa ŋlakwa taŋ ma zlghay nda ŋuɗuf.

La Ruma 12:7

Ka hgaf ŋa maganatá slna ta mndu Lazglafta ta mndu ya, ka ndiʼa ndiʼa tsi ka magay. Ka tagha skwi ŋa mndu vlaŋ Lazglafta ta mbrakwa magay ta mndu ya, ka tagha tsi ŋa taŋ.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

Slna gwal ghunay 11:23

Manda ɓhadaghata ni, ka nghaŋtá tsi ta zɗakatahuɗa Lazglafta, ka rfu tsi ta rfu. Ka vlaŋtá tsi ta mbraku ta həŋ ŋa gɗavata taŋ nda fatá ŋuɗufa taŋ ta Mgham Yesu.

Slna gwal ghunay 9:31

Ma tsa fitik ya, lefɗekw nzata nzakwa guyatá ghəŋa gwal zlghay nda ŋuɗuf ta haɗika Zudiya, nda ya ta haɗika Galili, nda ya ta haɗika Samari. Ta mbray həŋ ta vgha ka nzaku nda hanatá ghəŋ mista Mgham Yesu. Ta sgaku nda sga həŋ nda zɗakatahuɗa Sulkum nda ghuɓa.

Slna gwal ghunay 1:25

ŋa maga slna mnda ghunay ta nzakway ka vla Zudas, ta zlanavata ka laghu da ksa tvi ya kumaŋ tsi ya, » ka həŋ.

Slna gwal ghunay 1:17

Si tekw tsatsi mataba amu, si mamu slna ni mataba va tsa slna ta mag amu ya guli.

2Tim 4:11

Lukwa turtukwa ni yeya tavatá iʼi. Ta sab ka ya, ka klaganapta ka nda Markus, dzaʼa katay ta iʼi katakata ma slna ɗa.

Afisus 4:29

Yaha ŋaslu da sabi ma wa ghuni. Gwaɗa vla mbraku ma zlghay nda ŋuɗuf ŋa sanlaha katsi sabi ma wa ghuni. Gwaɗa ksay sləməŋ ka kuni gwaɗay, ŋa kataŋtá sanlaha.

Afisus 4:4

Gwal zlghay nda ŋuɗuf ná, manda sluʼuvgha Kristi turtuktuk ya nzakwa ni. Turtuktuk Sulkum nda ghuɓa guli, turtuktuk skwi ya faf kuni ta ghəŋ tida hgaghuna Lazglafta ŋa zlghay.

2Kwa 13:9

Ka nda mbra kaghuni ta tva Lazglafta dər nda hta mbrakwa aŋni, ta rfu aŋni. Duʼa aŋni da Lazglafta ná, má tsiɗiɗ ká kuni nzatá, ŋa aŋni.

1Kwa 12:7

Nda tvi kavghakavgha ta mara Lazglafta ta mbrakwa Sulkuma ni nda ghuɓa ma inda mndani, ŋa katuvtá vgha nda tsi.

La Ruma 12:5

Manda tsaya guli ná, nana ndəghata amu na ná, tsuhmbura vgha turtuk mu ma *Kristi. Ka faway ka faway nzakwa inda na amu na guli.

2Kwa 13:11

Zwana ma ɗa, ɗughwana ka kuni nzata, ka nzata kuni nda rfu, zbawa zba ta nzata tsiɗiɗ, brusuvuswa vgha ghuni, nda dzratá wi ka kuni nzata, nzawa nza nda zɗaku mataba ghuni. Mantsa ya ná, dzaʼa nza nza Lazglafta ya ta ɗvutá mnduha, ta vla zɗaku ŋa mnduha nda kaghuni.