Afisus 3:1 - Hdi

¹ Tsaya kəl iʼi Pwal hbam lu ma gamak ka maga duʼa ta ghəŋa kaghuni. Hbam hba lu ta iʼi ta ghəŋa vəl maganata ɗa ta slna ta *Yesu *Kristi ŋa kata kaghuni gwal kul nzakway ka la *Yahuda ya.

Afisus 3:1 Referans Kwoze

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

2Tim 1:8

Yaha ka da hula mna gwaɗa ta Mghama mu. Yaha ka da hula mna gwaɗa ta iʼi tsam lu ma gamak ta gwaɗa ta tsatsi ya guli. Katək ná, zlghaf zlgha ta ghuya ɗaŋwa kawadaga nda iʼi ta ghəŋa *Lfiɗa Gwaɗa, nda fata ghəŋ ta mbraku ya ta vlə Lazglafta.

Afisus 6:20

Yesu Kristi ta zbaptá iʼi ŋa ghunay ni da mna Lfiɗa Gwaɗa. Ta ghəŋa tsaya kəl lu ka tsamtá iʼi ma gamak ndanana. Magawa duʼa da Lazglafta ta ghəŋa iʼi ka nzata yu wahwah ka mna gwaɗa ni manda ya ta raku.

Filimuŋ 1:9

Ama dzvu ta ndəɓu yu da kagha nda ma ɗvu. Iʼi Pwal ya, glata mndu yu guli, wana ndanana tsam tsa lu ta iʼi ma gamak, kabga maganata ɗa ta slna ta *Yesu Kristi.

Filip 1:7

Tsa ndanu ta ndanu yu ta ghəŋa ghuni ya ná, tɗukwa nzakwa ni, graf gra yu, kabga laghu la kuni da ŋuɗufa ɗa. Kaghuni demdem kawadaga kuni nda iʼi. Nda guya mu ma zɗakatahuɗa Lazglafta, ma na nzakwa ɗa ma gamak ná, nda ya ma ŋavata ta ŋavata yu ka mnigiŋtá gwaɗa Lazglafta kahwathwata ka dihavata ka zlərɗatá *Lfiɗa Gwaɗa.

Filimuŋ 1:1

Iʼi Pwal Tsam lu ma gamak ta ghəŋa vəl maganata ɗa ta slna ta *Yesu Kristi, kawadaga nda zwaŋama mu Timute ŋni ta vindaghafta, a gra Filimuŋ ta nzakway ta gwa ghəŋ nda aŋni ma mndərga na slna na.

Slna gwal ghunay 23:18

Ka klaftá tsa mali ta ghəŋa la sludzi ya ta tsa duhwal ya, ka klaghata da tsa mghama la sludzi ya. Kaʼa mantsa: « Tsa Pwal tsam lu ma gamak ya ta hgaftá iʼi. Kdəkkdək, kla ta na duhwal na da tsi, mamu gwaɗa dzaʼa tsi mnanata, kaʼa nda iʼi, kəl yu ka klakta, » kaʼa nda tsi.

Lukwa 21:12

« Ma kɗaku tsa skwiha ya magaku dzaʼa kasay lu ta kaghuni, dzaʼa ghuyay lu ta ɗaŋwa ŋa ghuni, dzaʼa hlay lu ta kaghuni da həga tagha skwa la *Yahuda, ŋa tsaghunaghatá guma, dzaʼa tsatsam tsatsa lu ta kaghuni ma gamak, dzaʼa hlay lu ta kaghuni ta kəma mghamha nda ŋumnaha, kabga nzakwa ghuni ka ŋa ɗa.

Filimuŋ 1:23

Ta ga zgu Ipafras ŋa gha, ya tsam lu ma gamak kawadaga nda iʼi ta ghəŋa maganata ni ta slna ta Yesu Kristi.

Slna gwal ghunay 26:29

Ka Pwal mantsa: « Dər ma ndukuɗ fitika ni, dər ma diʼiŋ tsi, manda ya kumaŋ Lazglafta, kagha nda ghəŋa gha yeya a wu, ŋa inda na kaghuni demdem hadna na nzakwa ni, ka nuta kuni manda va iʼi. Ama má ma tsam lu nda tsa ta kaghuni tani, » ka Pwal.

2Tim 1:16

Ka maranaŋ mara Lazglafta ta tawa hiɗahiɗa ni ta ghəŋa həga ga Unesifura, kabga si ta gɗa gɗa ta ksiɗimtá ŋuɗuf. Ksaf a na tsatá iʼi ma gamak na ka hula wa.

Kwalus 4:18

Nda dzva ɗa vindaghunafta yu kazlay: Ta ga zgu iʼi Pwal ŋa ghuni kəʼa. Havapwa hava ta hbatá iʼi ma gamak. Ka nza zɗakatahuɗi nda kaghuni!

Kwalus 4:3

Magawa duʼa guli ta ghəŋa aŋni, kada gunaŋnaŋta Lazglafta ta wa tgha ŋa mnanaŋta gwaɗa ni ta mnduha, mnanaŋha ŋni ta ɗifatá skwa *Kristi guli ta həŋ. Tsa vəl magay ɗa ta ɗifatá skwa Kristi ya kəl lu ka hbamtá iʼi.

2Kwa 11:23

Ka gwal ksanatá slna ta *Kristi hahəŋ, wana yu dzaʼa gwaɗa manda mndu nda ksa da halaway: Malaghu mala yu ta hahəŋ ɗekɗek. Ma vəl hərfaku tsi, ndaɗaʼa hərfuta yu wa. Ma lam da gamak tsi, ndaɗaʼa lama yu wa. Ma mutsaftá dzu tsi, malghumala ŋa ɗa ka ŋa taŋ. Lagha ta wa hɗak tsi, mbəɗava a ŋa ɗa wa.

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.

Slna gwal ghunay 21:33

Ka gavadaghatá mghama la sludzi ka ŋanatá Pwal, ka tsatsanaftá ziɗaha his. « Wa va kagha, nahgani maga ka? » kaʼa nda tsi.

Suna Yuhwana 2:10

Ma zləŋ ka ta ghuya ɗaŋwa ya dzaʼa ka da ghuyay. Ya wya halaway dzaʼa hlafta sanlaha ma kaghuni ka pghamta ma gamak ŋa dzəghaghunata, ŋa zaghunatá fitik ghwaŋ ta giri ŋa ghuni. Ka sladafta ka ta zlghay nda ŋuɗufa gha dər ŋa dzata kagha tsi. Dzaʼa vlagha vla yu ta hafu ŋa nisəla vəl zata gha ta ghwa.

Afisus 3:13

Tsaya tama ta kəl yu ka ndəɓa dzvu ŋa ghuni, ma rwaghuna tsi ta vgha, kabga snaŋta ghuni ta ghuya ɗaŋwa ɗa ta ghəŋa vəl mnaghunata ɗa ta Lfiɗa Gwaɗa. Ka ufa tsa ghuya ɗaŋwa ɗa ta ghəŋa ghuni ya, ta vgha ŋa ghuni.

Galat 5:11

Zwana ma ɗa, iʼi, ka si tata gɗata ta mnay kazlay: ɗina tsatá fafaɗ kəʼa yu katsi ya ní, kabgawu ta kəl mnduha ka giri ŋa ɗa tama? Haɗ tsa mtuta mtu Kristi ta udza zləŋay ya dzaʼa nzakway ka tuthun wa.

Galat 5:2

Ka iʼi Pwal ta mnaghunata ná, ka tsaŋnatá fafaɗ ta kum ŋni ka kuni katsi ná, haɗ sana skwi ghəzlaghuna Kristi nda tsaya tama wa.

Slna gwal ghunay 9:15

Ka Mgham Yesu nda tsi mantsa: « La! Iʼi ta zbaptá tsa mndu ya ŋa ghunay ɗa, ŋa mnanaŋtá hga ɗa ta sanlaha ma mnduha, nda ya ŋa mghamha, mantsa ya guli ŋa mnduha la Israʼila.

2Kwa 1:6

Ka ta ghuyay aŋni ta ɗaŋwa katsi ná, ŋa lɓaghunatá ŋuɗuf, nda ya ŋa mbakwa ghuni nzakwa ni. Ka si vlaŋna vla Lazglafta ta lɓa ŋuɗuf ta aŋni ná, nda nza ŋa lɓaghunatá ŋuɗuf ta kaghuni guli, dzaʼa kəl kuni ka mutsaftá mbrakwa suʼa ghuya ɗaŋwa mndərga va tsa ŋa aŋni ta ghuyay ya

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Afisus 3:11

Nda kɗa fitika fata Lazglafta daga ta kul magaftá tsi ta ghəŋa haɗik. Ndanana ka magatá tsi nda ma Yesu Kristi Mghama mu.