Afisus 1:7 - Hdi

⁷ Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Afisus 1:7 Referans Kwoze

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

La Ruma 3:24

Ka zɗanaŋta Lazglafta ta huɗi ta həŋ ka mbalay, ka nanaftá həŋ ka gwal tɗukwa ta kəma ni nda ma Yesu Kristi ta pligiŋtá həŋ ma dmaku.

Kwalus 1:14

Ma ndiʼatá vgha mu nda tsa Zwaŋ ya mutsafta mu ta flauʼwatá vgha, kabga mutsaf mutsa mu ta platá dmakwa mu.

Hebru 9:22

Manda ya mna zlahu ná, wər nda us ta ghuɓiŋta lu ta inda skwi. Ka pghu a us ná, haɗ platá dmaku wa.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.

1 Yuhwana 2:12

Zwana ɗa, ka yu ta vindaghunafta na: « Plighunis pla Lazglafta ta dmakuha ghuni, kabga slna *Yesu *Kristi ta magata. »

Filip 4:19

Ma inda skwi htaghu kuni ya ná, Lazglafta ɗa dzaʼa hɗaghunamta, dzaʼa magay nda glakwa gadghəla ni ma Yesu Kristi.

Afisus 2:7

Mantsa ya maramaŋta tsi ta zɗakatahuɗa ni nda ma Yesu Kristi, ŋa nghaŋta mnduha dzaʼa yay lu ta kəma ta nzakwa glakwa tsa zɗakatahuɗa ni ta malaghutá inda skwi ya.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

Afisus 3:16

Tsaya ta kəl yu ka ndəɓa dzvu da tsi ka ksa tsi ta slna nda tsa mbrakwa ni dagala ya ma ŋuɗufa ghuni, ka vlaghunata tsi ta mbraku kahwathwata nda ma Sulkuma ni.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

1 Yuhwana 2:2

Tsatsi ta mtuta ŋa pla ghəŋ kada plimista Lazglafta ta dmakuha mu. Nza a ŋa pla dmakuha amu nda ghəŋa mu wu, laviŋ lava ta pla dmakwa inda mnduha ta ghəŋa haɗik demdem guli.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Slna gwal ghunay 2:38

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

Mata 20:28

Manda va tsaya ná, sa a *Zwaŋa mndu ŋa maganata lu ta slna wa. Ama sasa ŋa maganatá slna ta mnduha, ŋa vlata ni ta hafa ni ŋa mbanaftá ndəghata mnduha, » kaʼa.

Danyel 9:9

Kuravagha kura ŋni, Mgham Lazglafta ŋni. Kulam nda tsa, ta plaŋna pla ka ta dmakwa ŋni ma tawa hiɗahiɗa gha.

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

Danyel 9:19

Rvera ɗa, sna! Rvera ɗa, plaŋna pla ta dmakwa ŋni! Rvera ɗa, fa fa ta sləməŋ! Ma tɗə ka ta huɗi ka sawi kataŋtá tsa luwa ya, nda tsa mnduha gha ya tani ŋa vlaŋtá glaku ta ghəŋa gha, Lazglafta ɗa, » kaʼa.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Slna gwal ghunay 10:43

Inda la anabi ná, mna mna həŋ ta ghəŋa ni kazlay: Dər wati ma mndu ta zlghafta dzaʼa mutsay ta planatá dmakwa ni, nda ma mbrakwa hga ni, » kaʼa.

Yuhwana 20:23

« Gwal dzaʼa planata kuni ta dmakuha taŋ, dzaʼa plana pla lu ta dmakuha taŋ. Gwal dzaʼa kwalaghuta kuni ta planatá dmakuha taŋ, haɗ lu dzaʼa planatá dmakuha taŋ guli wa, » kaʼa.

Markus 14:24

Kaʼa nda həŋ mantsa: « Nana na na usa ɗa ya. Nana usa ɗa ná, dzaʼa pghupgha ŋa slərɓa zughu mataba mnduha demdem nda Lazglafta.

Titus 3:6

Tsa Sulkum nda ghuɓa ghunaga Lazglafta nda ma *Yesu *Kristi ya ta ndəghanaftá ŋuɗufa mu.

1Tim 2:6

ta vlatá ghəŋa ni ŋa varatá inda mnduha demdem. Tsaya skwi ya maga tsi ma fitik ya fa Lazglafta.

Kwalus 2:13

Kaghuni, si nda rwa kuni ta kəma Lazglafta, kabga dmakwa ghuni, nda kwala fafaɗa ghuni kul tsaku guli. Ka vraghunamtá Lazglafta nda hafu kawadaga nda tsi, ka plamatá inda dmakwa mu.

Kwalus 2:2

Ta kumay yu ta nzata taŋ nda hbatá ŋuɗuf, ka nzəvuvusta həŋ ta vgha ma ɗvu, ka ndəghafta həŋ nda vərɗa hiɗaku ŋa snaŋta ɗifatá skwa Lazglafta, ta nzakway ka snaŋtá Kristi ya.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Afisus 2:4

Tsaw Lazglafta ná, dagala tawa hiɗahiɗa ni, ɗvu ɗva ta amu.

La Ruma 9:23

Mantsa ya kumaŋta Lazglafta ta snaŋta mnduha ta glakwa sgita ni ŋa gwal tawa tsi ta hiɗahiɗa ta həŋ, tsa gwal ya thanaf tsi ŋa lami da sgita ni ya.

Slna gwal ghunay 3:19

Mbəɗanafwa nzakwa ghuni, ka mbəɗavata kuni təv Lazglafta, ka plighunista tsi ta dmakwa ghuni.

Lukwa 24:47

Dzaʼa mnay lu tkweʼ nda hga ni ŋa inda mndəra mnduha ka mbəɗanafta həŋ ta nzakwa taŋ, ŋa planata Lazglafta ta dmakwa taŋ. Tiŋəl ma luwa Ursalima dzaʼa zlrafta lu ta mnay.

Lukwa 1:77

Ŋa snanamtá mnduha ni kazlay: dzaʼa mbay ta həŋ ma platá dmakwa taŋ kəʼa.

Sabi 34:7

Ta maray yu ta zɗaku ŋa mnduha ha ta zivir dəmbuʼ. Ta plana pla yu ta krughuvi ta maga mndu, nda dmakwa bisibisi, nda dmakuha. Ama mndu ksaf dmaku ná, mna a yu kazlay flaʼu vgha gha kəʼa wa. Ta ghuzlanap ghuzla yu ta iri ta zwani, nda zighiha ta ghəŋa dmakwa dadaha taŋ, ha ka lab ta zigha ndindliŋ, ka ta zigha papah a tsi, » kaʼa.

Suna Yuhwana 14:4

Hahəŋ ná, ŋəriŋ a həŋ ta vgha taŋ nda hliri wa. Ksana ksa həŋ ta vgha taŋ, ka nzata həŋ hezleʼ. Mista Zwaŋa Tuwak ta mbaɗa həŋ ta mbaɗa dər ta dzaʼa diga tsi. Varagap mataba mnduha lu ta həŋ. Nda nza həŋ ka taŋtaŋa ni vlaŋ lu ta Lazglafta nda ya ŋa Zwaŋa Tuwak.

Afisus 1:6

Manda tsaya magata tsi ŋa zləzlvay mu ta glakwa zɗakatahuɗa ni. Katakata vlamata tsi ta zɗakatahuɗa ni ya nda ma slna Zwaŋa ni ɗvu tsi.

Yunusa 4:2

Ka mag tsi ta duʼa da Yawe, kaʼa mantsa: « Ar Yawe! Nana na a na mnə yu ma nzakwa ɗa tata haɗika ɗa ya kay rki? Tsaya si kəl yu ka kuma hwayaghuta da Tarsis, kabga nda sna yu kazlay kagha ná, Lazglafta ta maga zɗakatahuɗi ka, ta tawa hiɗahiɗa ka, haɗ ka ta ga sidi misimmisim wu kəʼa. Dagala zɗaku da kagha, ta zlaŋ zla ka ta zaɗaku si dzaʼa ka da magay.

Mata 6:12

Plaŋna pla ta dmakuha ŋni, manda ya ta plinista aŋni ta dmakwa gwal ta magaŋnata.

La Ruma 3:25

Tsa Yesu Kristi ya vla Lazglafta ŋa mtuta ni ta ghəŋa inda mnduha ka planatá dmakwa taŋ nda usa ni nda ma zlghafta taŋ ta Yesu Kristi ŋa maraŋta kazlay: Tɗukwa tsatsi kəʼa. Tsa dmaku si ta mag mnduha ghalya ya ná, ka nzata Lazglafta manda skwi kul nghaŋta,

Afisus 1:8

Ka ndəghamaftá tsi nda tsa zɗakatahuɗa ni ya, ka vlamatá inda ɗifil nda mahizl ya ta ramata.

Afisus 1:14

Ŋa ɗasuɗasu vlamata tsi ta tsa Sulkum ya, ŋa maraŋta ká Lazglafta dzaʼa vlamatá inda pɗakwa skwiha ɗina ɗina dazlay, manda ya mna tsi. Ma tsa fitik dzaʼa mbamafta Lazglafta ŋa ɗekɗek ya dzaʼa tsuʼa mu. Zləzlvama glakwa Lazglafta.

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.