2Tim 2:8 - Hdi

⁸ Havak hava ta Yesu Kristi, tsatsi ta nzakway ka zivira Dawuda, tsatsi ta sliʼagapta nda hafu mataba gwal nda rwa, manda ya ta tagh na *Lfiɗa Gwaɗa ya ta mnə yu na.

2Tim 2:8 Referans Kwoze

Slna gwal ghunay 2:24

Ka sliʼaganaptá Lazglafta, ka kligiŋta ma ghuya ɗaŋwa mtaku, kabga haɗ mbrakwa mtaku ŋa ŋanata wa.

La Ruma 2:16

Tsaya tama, manda na *Lfiɗa Gwaɗa ta mnə yu na, manda tsaya dzaʼa nzakwa tsi baɗu dzaʼa ghunagata Lazglafta ta *Yesu *Kristi ŋa tsanaghatá guma ta ghəŋa inda skwi nda ɗifa ma ŋuɗufa mnduha ya.

2Tes 2:14

Ŋa tsaya kəl tsi ka hgaftá kaghuni nda ma *Lfiɗa Gwaɗa ya mnaghuna ŋni, ŋa mutsafta ghuni guli ta glakwa hga Mghama mu Yesu *Kristi.

Mata 1:1

Wya ka tva saba mndəra taŋ ma *Yesu *Kristi zivira Dawuda. Dawuda guli ná, zivira Abraham ya.

1Tim 2:7

Ŋa tsaya kəl lu ka fatá iʼi ka mnda mnay, ka mnda ghunay guli. Nda nza yu ka mnda taghanaftá gwal kul nzakway ka la Yahuda ta gwaɗa ta zlghay nda ŋuɗuf, nda kahwathwata. Tsakalawa ɗa a wu, kahwathwata ta mnə yu.

1Kwa 15:4

Ka paɗamtá lu, ka sliʼagaptá tsi nda hafu baɗu mahkən, manda ya mnə deftera Lazglafta.

Suna Yuhwana 5:5

Ka sani ma tsa galata mnduha ya nda iʼi mantsa: « Ma taw ka ta taw, wya rveri mataba mndəra la Yuda, ma zivira Dawuda, ta zata ghwa. Tsatsi dzaʼa ɓlanaptá tsa ŋizla ya, ka gunanafta tsa defteri ya, » kaʼa.

1Tim 1:11

Tsa vərɗa tagha skwi ya ná, ta slanaghata ma *Lfiɗa Gwaɗa faɗim lu ŋa mnay ta ghəŋa glakwa Lazglafta lu.

1Kwa 15:1

Zwana ma ɗa, ka havaghunak hava yu ta tsa *Lfiɗa Gwaɗa mnaghuna yu, ka tsuʼaftá kuni, ka ŋavatá kuni mida ya.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

Slna gwal ghunay 13:23

Nda ma zivira Dawuda kləganaghata Lazglafta ta la Israʼila, ta mnda mba mndu, ta nzakway ka *Yesu, manda ya tamaf tsi ta imi ta sləməŋ ya.

Slna gwal ghunay 2:30

Tsatsi ná, anabi ya. Nda sna guli kazlay: Dzraf dzra Lazglafta ta wi nda tsatsi nda waɗanata kazlay: Dzaʼa fa fa ta sana mndu mataba zivira ni ta palaka ga mgham manda nzakwa tsatsi ya kəʼa.

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

2Tim 1:8

Yaha ka da hula mna gwaɗa ta Mghama mu. Yaha ka da hula mna gwaɗa ta iʼi tsam lu ma gamak ta gwaɗa ta tsatsi ya guli. Katək ná, zlghaf zlgha ta ghuya ɗaŋwa kawadaga nda iʼi ta ghəŋa *Lfiɗa Gwaɗa, nda fata ghəŋ ta mbraku ya ta vlə Lazglafta.

2Tim 2:7

Ndana ta skwi ta mnaghata yu. Ka ta ndanay ka katsi, dzaʼa vlagha vla Lazglafta ta tva snatá inda skwi.