2Tim 1:8 - Hdi

⁸ Yaha ka da hula mna gwaɗa ta Mghama mu. Yaha ka da hula mna gwaɗa ta iʼi tsam lu ma gamak ta gwaɗa ta tsatsi ya guli. Katək ná, zlghaf zlgha ta ghuya ɗaŋwa kawadaga nda iʼi ta ghəŋa *Lfiɗa Gwaɗa, nda fata ghəŋ ta mbraku ya ta vlə Lazglafta.

2Tim 1:8 Referans Kwoze

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

Markus 8:38

Ya wana ka dmaku mnduha ta na zamana na, ka sliʼiŋ ka sliʼiŋ həŋ da Lazglafta. Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi, iʼi *Zwaŋa mndu guli ná, dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »

2Tim 4:5

Ama kagha ya, gɗava gɗa gha ma ghunislaka gha, suʼa ta ghuya ɗaŋwa, magatá kahwathwata slna mndu ta mna *Lfiɗa Gwaɗa. Kɗanafkɗa ta slna nzakwa gha ka mnda maganatá slna ta Lazglafta.

Suna Yuhwana 12:11

Ŋrap ŋra həŋ, kabga vəl varata Zwaŋa Tuwak ta həŋ nda usa ni, nda ya kabga vəl mnay taŋ kazlay: Kahwathwata gwaɗa Lazglafta kəʼa. Zləŋaŋə a həŋ ta mtaku ka laghu da ɗvutá hafa taŋ wa.

2Tim 2:9

Ta ghəŋa tsa Lfiɗa Gwaɗa ya ta ghuya yu ta ɗaŋwaha ka tsamtá iʼi ma gamak manda mndu ta magatá ghwaɗaka skwi. Ama dər má mantsa tsi, hbam a lu ta gwaɗa Lazglafta wa.

2Tim 1:12

Ta ghəŋa tsaya ta kəl yu ka ghuya na ɗaŋwa na. Ama ksa a hula ni ta iʼi wu, kabga nda sna yu ta mndu ya faf yu ta ghəŋ tida. Graf gra yu guli kazlay: Mamu tsatsi nda mbraku, ŋa ŋanatá tsa Lfiɗa Gwaɗa faɗim tsi ma dzvu ya ha ka sagha fitika tsa guma kəʼa.

Afisus 3:1

Tsaya kəl iʼi Pwal hbam lu ma gamak ka maga duʼa ta ghəŋa kaghuni. Hbam hba lu ta iʼi ta ghəŋa vəl maganata ɗa ta slna ta *Yesu *Kristi ŋa kata kaghuni gwal kul nzakway ka la *Yahuda ya.

Filip 3:10

Skwi turtuk ta kum iʼi ná, snaŋta ɗa ta Kristi nda mbrakwa ni ya kəl tsi ka sliʼagapta ma mtaku. Ta kumay iʼi guli ta ghuzlaŋta ɗa ta iri manda ŋa ni, ŋa nuta ɗa manda tsatsi ma fitika mtakwa ni ya,

Lukwa 9:26

Ka ta ɓasa zləŋ mndu ka mnaŋtá hga ɗa, nda gwaɗa ɗa guli katsi, iʼi *Zwaŋa mndu guli ná, dzaʼa kwalaghu kwala iʼi guli ta mnaŋtá tsa mndu ya baɗu sagha dzaʼa sagha yu ma glakwa ɗa, nda ya ma glakwa Da ɗa nda duhwalha ni nda ghuɓa, ta luwa.

2Tim 1:16

Ka maranaŋ mara Lazglafta ta tawa hiɗahiɗa ni ta ghəŋa həga ga Unesifura, kabga si ta gɗa gɗa ta ksiɗimtá ŋuɗuf. Ksaf a na tsatá iʼi ma gamak na ka hula wa.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

Suna Yuhwana 1:9

Iʼi Yuhwana zwaŋama ghuni ya ta vindaghunafta. Nda iʼi tani, nda kaghuni tani, nda guya vgha mu ma *Yesu. Ta kuwa turtuk mu ma ghuya ɗaŋwa. Suʼuway ta suʼu mu demdem. Ma ga mghama ni mu. Ksaf ksa lu ta iʼi, ka klaghata vziŋta ta tsatá haɗik ma takataka drəf ta hgu lu ka Patmus, ta ghəŋa vəl mnay ɗa nda tva ni ta gwaɗa Lazglafta nda kahwathwata ni ya marigiŋ tsi ma Yesu.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.

1 Piyer 1:5

Kaghuni, ka zlghaf zlgha kuni katsi, ta ngha kaghuni Lazglafta nda mbrakwa ni ŋa mbaghunafta. Tsa mbaku ya ná, ma kɗavakta fitik dzaʼa snaŋta kuni.

2Tim 2:3

Suʼa ta ghuya ɗaŋwa ta slaghaghata ta ghəŋa gwaɗa ta Yesu Kristi, manda ya ta suʼu vərɗa sludzi.

1Tes 3:4

Ma fitika nzakwa ŋni da kaghuni ná, ghada ghada ŋni ta mnaghunata kazlay: Dzaʼa mamu ghuya ɗaŋwa katakata kəʼa. Tsaya tama ta slaku manda va ya snaŋ kuni.

Filip 1:7

Tsa ndanu ta ndanu yu ta ghəŋa ghuni ya ná, tɗukwa nzakwa ni, graf gra yu, kabga laghu la kuni da ŋuɗufa ɗa. Kaghuni demdem kawadaga kuni nda iʼi. Nda guya mu ma zɗakatahuɗa Lazglafta, ma na nzakwa ɗa ma gamak ná, nda ya ma ŋavata ta ŋavata yu ka mnigiŋtá gwaɗa Lazglafta kahwathwata ka dihavata ka zlərɗatá *Lfiɗa Gwaɗa.

Afisus 3:13

Tsaya tama ta kəl yu ka ndəɓa dzvu ŋa ghuni, ma rwaghuna tsi ta vgha, kabga snaŋta ghuni ta ghuya ɗaŋwa ɗa ta ghəŋa vəl mnaghunata ɗa ta Lfiɗa Gwaɗa. Ka ufa tsa ghuya ɗaŋwa ɗa ta ghəŋa ghuni ya, ta vgha ŋa ghuni.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

1 Yuhwana 4:14

Ghunaga ghuna Lazglafta ta zwaŋa ni ta nzakway ka mnda mba mndu ta ghəŋa haɗik, ka nghaŋtá aŋni nda ira ŋni, tsaya ta mnə aŋni ŋa mnduha.

2Tim 4:17

Tsaw nza nza Mgham Lazglafta kawadaga nda iʼi, ka vlihatá tsi ta mbraku, kəl yu ka kɗanaktá mna gwaɗa ni, ka snaŋtá inda gwal kul nzakway ka la *Yahuda. Katigipkata Lazglafta guli ma wa rveri.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

La Ruma 9:33

Manda ya nda vinda ma defteri kazlay: Wana yu ta fatá palaka tuthun ma luwa Tsiyuŋ, pala ya dzaʼa zlambanaptá mnduha. Mndu dzaʼa zlghafta ná, haɗ dzaʼa pghanaghatá hula wu kəʼa ya.

Slna gwal ghunay 5:41

Ka sliʼaftá tsaha ya ka laghu nda rfu, nda mnay kazlay: Nda ra kuni ka ghuya ɗaŋwa ta ghəŋa Yesu, ka Lazglafta nda aŋni, ka həŋ.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.

Suna Yuhwana 1:2

Inda na skwiha nghaŋ yu na ná, gwaɗa Lazglafta ya kahwathwata, masləmtsəka Yesu Kristi yu, ka Yuhwana.

1Kwa 1:6

Ma mnaghunata ŋni ta gwaɗa Yesu Kristi ná, ka dihavatá tsa gwaɗa ya ma ŋuɗufa ghuni.

Yuhwana 19:35

Tsəna mndu ta vinda na skwiha ta maguta na ná, nda ngha tsatsi nda ira ni. Kahwathwata gwaɗa ni guli. Nda sna tsatsi kazlay: Kahwathwata ta mnə tsatsi kəʼa. Mnay ta mnə tsi ná, kada zlghafta kaghuni guli.

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

Afisus 4:17

Wya skwi ta mnaghunata yu. Ka ŋɗaŋɗa ta mnaghunata yu guli ma hga Mgham. Yaha kuni nzakugəltá nzaku manda gwal kul snaŋtá Lazglafta, ta ndana skwi dzaʼa kwal kul kataŋtá həŋ ya.

2Kwa 6:7

Ka gwal ta mna vərɗa gwaɗa, ka gwal nda mbakwa Lazglafta ma həŋ. Huzla vula ŋni ma zlaɓa nda zeghwi ná, tsaya kahwathwata.

La Ruma 8:36

Manda ya nda vinda ma deftera Lazglafta na: « Ta ghəŋa gwaɗa ta kagha ta kəl ŋni ka nzakway ta wa hɗak inda fitik. « Ta kəl lu ka ngha aŋni manda tuwakha ta klə lu ta tumbla kəʼa. »

Yuhwana 15:27

Kaghuni guli, dzaʼa mnay kuni ta gwaɗa ta iʼi, kabga kawadaga kuni nda iʼi, daga ka yawu zlrafta mu ta nzaku, » kaʼa.

1Tim 2:6

ta vlatá ghəŋa ni ŋa varatá inda mnduha demdem. Tsaya skwi ya maga tsi ma fitik ya fa Lazglafta.

Kwalus 1:11

Dzaʼa mbray Lazglafta ta kaghuni nda mbrakwa ni dagala dər ma wati ma skwi, ŋa laviŋta ghuni ta sladata his his səla ka suʼa inda skwi nda rfu.

2Tim 1:10

Ka maravatá tsi ndana tama nda ma zlagapta Yesu Kristi, mnda mba amu. Tsatsi ta kliŋtá mbrakwa mtaku, ka maramata nda ma Lfiɗa Gwaɗa ta tva nzaku nda hafu ŋa kɗekedzeŋ.

2Tim 2:8

Havak hava ta Yesu Kristi, tsatsi ta nzakway ka zivira Dawuda, tsatsi ta sliʼagapta nda hafu mataba gwal nda rwa, manda ya ta tagh na *Lfiɗa Gwaɗa ya ta mnə yu na.