2Tim 1:7 - Hdi

⁷ Sulkum ya vlama Lazglafta ná, ŋa zɓukwa vgha a wa. Katək ná, ta mbrə nda mbra ta amu. Ta vlama vla ta ɗvu nda ksanatá ghəŋ.

2Tim 1:7 Referans Kwoze

La Ruma 8:15

Tsa Sulkum vlaghuna Lazglafta ya ná, haɗ ta nighunista ka vuʼa ŋa zləŋglay ghuni ta zləŋ wa. Tsa Sulkum ya ná, naghunaf na ka zwana Lazglafta. Nda ma tsa Sulkum ya ta hga mu ta Lazglafta ka « Aba, Da! » kəʼa.

1 Yuhwana 4:18

Ka nda sna amu kazlay: Ɗvu ɗva Lazglafta ta amu, haɗ amu dzaʼa zləŋay wa. Tsa ɗvuta ɗvu Lazglafta ta amu ya ná, ta hliŋtá zləŋ ɗekɗek ma amu. Ala, ka tata zləŋ mndu katsi, murmura ŋuɗufa ni, ta fa a ghəŋa ni ta tsa ɗvuɗvu Lazglafta ya wu, kəl tsi ka zləŋ.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Yuhwana 14:27

« Zɗaku ya ta zlaghunaŋta yu. Zɗakwa ɗa ya ta vlaghunata yu. Vla a yu ŋa ghuni manda ya ta vlə mnduha ma ghəŋa haɗik wa. Yaha ŋuɗufa ghuni da tɗu, yaha kuni da zləŋ.

Lukwa 10:19

Snawa ɓa! Vlaghuna vla yu ta mbrakwa diŋlanaptá nahaɗikha nda rdaha, nda ya ta ghəŋa inda mbrakwa ghuma, haɗ sana skwi dzaʼa balaghunata wa.

Slna gwal ghunay 1:8

Kaghuni, dzaʼa mutsay kuni ta mbraku sarə Sulkum nda ghuɓa ta ghəŋa ghuni. Ŋa nzakwa ghuni ka masləmtsəka ɗa ma luwa Ursalima, nda ya ta haɗika Zudiya, nda ya ta haɗika Samari, nda ya ta kɗavakta ghəŋa haɗik demdem, » ka *Yesu nda həŋ.

La Ruma 5:5

Ka faf fa mu ta ghəŋ ta Lazglafta ná, nzata a ka bətbət wu, kabga maramaŋ mara Lazglafta ma ŋuɗufa mu kəʼa ɗvutá amu nda ma Sulkuma ni ya vlama tsi.

Hebru 2:15

Mantsa ya magata Yesu, ŋa zluʼagaptá həŋ ta gɗata ta nzaku ma zləŋa mtaku ya ta niŋtá həŋ ka vuʼa ni ya.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

1Kwa 2:4

Ma tsa fitika mnay ɗa ta gwaɗa Lazglafta ka tagha skwi ŋa ghuni ya ná, maraghunaŋta hiɗaku ka ghuɓaptá kaghuni a si ta mag yu wa. Sulkuma Lazglafta nda mbrakwa ni ta maraghunata kazlay: Kahwathwata tsa gwaɗa mnə yu ya kəʼa.

Lukwa 24:49

Wya yu dzaʼa ghunəgaghunatá tsa skwi taghunaf Da ɗa ta imi ta sləməŋ ya. Kaghuni, ka nzata kuni ma huɗa luwa ha ka saha mbraku daga ta luwa da mbraghunafta, » kaʼa nda həŋ.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

Slna gwal ghunay 21:13

Ka Pwal nda aŋni mantsa: « Ta ghəŋa wu ta tawa kuni ta taw. Ta kumay kuni ta giɗiftá zləŋ ra? Iʼi taɗa ná, ŋa habaftá iʼi yeya a wu, dər má ŋa dzatá iʼi ma Ursalima ta ghəŋa hga Mgham *Yesu tsi, nda fa vgha ɗa, » kaʼa.

Kwalus 1:8

Tsatsi ta mnaŋnaŋtá gwaɗa ta ɗvu faghunamə Sulkuma Lazglafta ya.

Slna gwal ghunay 6:8

Ka zɗanaŋtá Lazglafta ta huɗi ta Atiyen, ka vlaŋtá mbraku, ka mag tsi ta mazəmzəmha nda skwiha ka mandərmimi mataba mnduha.

Slna gwal ghunay 9:22

Ka gɗavatá Sawul ka mnay: « Yesu ná, *Kristi ya, » kaʼa. Ka kɓanaftá tsi ta la Yahuda ta nzakway ma luwa Damas. Sna a həŋ ta skwi ŋa zlghanaftá wi wa.

Lukwa 8:35

Ka sliʼaftá mnduha ka laghu da ngha tsa skwi ta maguta ya. Ka lagha həŋ slanaghatá Yesu, ka slaftá həŋ ta tsa mndu sliʼagap duhwala halaway mida ya ta nzaku kurevesa tavatá səla Yesu nda suɗatá lgut ta vgha, nda mbatani kwandlaŋ. Nghaŋta taŋ, ka ksutá tsi ta həŋ ka zləŋ.

Slna gwal ghunay 26:25

Ka Pwal mantsa: « Mghama ɗa, halaway a iʼi wa. Vərɗaka gwaɗa ŋa ndanay ta gwaɗ yu.

Lukwa 15:17

Ka zlraftá tsi ta ndanu: “Kidaghi gwal ta ksa slna ga da ɗa, ta za skwi ka haslay, wana iʼi hadna ta mtaku da maya!

Slna gwal ghunay 26:11

Ma fitika ray ɗa ta həga tagha skwa la Yahuda tazlay, si ta gay yu ta iri ŋa gwal zlghay nda ŋuɗuf katakata ka mbəl raza həŋ ta hga Yesu. Tsa gatá sida ɗa ya ná, nda nza ŋa zbiŋta həŋ nduk ma sana luwaha ta sana haɗik sizlay. »