2Sam 6:11 - Hdi

¹¹ Ka nzatá tsa akwata Yawe ya ga Ghuvetʼidum, mnda la Gat ka tili hkən. Ka tfanaghatá Yawe ta wi ta Ghuvetʼidum nda inda la ga taŋ.

2Sam 6:11 Referans Kwoze

Zlrafta 39:5

Ka nzaku tsi daga ka yawu fanamta ni ta həga ni ma dzva ni, nda ya ta ghəŋa inda skwi ka ŋa ni ná, ta tfa wi Yawe ŋa həga tsa mnda la Masar ya ta ghəŋa gwaɗa ta Yusufu. Ka nzakw tfa wa Yawe ta ghəŋa inda skwiha ka ŋa ni, ma həga ga taŋ, nda ya ma vwahha tani.

Zlrafta 30:27

Ka Lavaŋ nda tsi mantsa: « Kdəkkdək, fiha fa ta sləməŋ. Ta nghə yu ta manda ŋa ɗa ná, tfiɗigha tfa Yawe ta wi nda ma kagha.

Zlrafta 39:23

Haɗ tsa mali ta ghəŋa tsa gamak ya ta nghəglapta ka tsa skwiha ta fanamta tsi ta Yusufu ma dzvu ya wu, kabga kawadaga Yawe nda tsi, ta vlaŋ vla Yawe ta katsaftá inda skwi ta mag tsi.

2Sam 6:10

Ka kwalaghutá Dawuda ta kladaghatá akwata Yawe da taŋ, ma luwa Dawuda. Ama ka faghutá tsi ma həga ga Ghuvetʼidum, mnda la Gat.

1Rus 26:4

Ka yayatá Ghuvetʼidum ta zwani: Səmaghya zumali, Yəhuzavat mahis, Yuʼah mahkən, Sahar mafwaɗ, Netaŋʼel mahutaf,