2Sam 5:7 - Hdi

⁷ Ama ka zluʼatá Dawuda ta Tsiyuŋ vli ya ŋam lu ma matsaka huzlu, ta hgə lu tahula tsa ka luwa Dawuda ya.

2Sam 5:7 Referans Kwoze

1Mgh 2:10

Ka laghu Dawuda da dzidzíha ni, ka paɗamtá lu ma Ursalima luwa Dawuda.

2Sam 6:16

Ta lagha akwata dzratá wa Yawe da tsa luwa Dawuda ya ná, ka nghagapta Mihal, makwa Sawulu nda ta finitir. Ka nghaŋtá tsi ta mgham Dawuda ta skalu ka vavalaku ta kəma Yawe, ka hərtətatá tsi ma ŋuɗufa ni.

2Sam 6:12

Ka lagha lu mnanatá mgham Dawuda kazlay: « Waʼa tfanagha tfa Yawe ta wi ta Ghuvetʼidum nda inda skwa ni tani, dabga akwata Lazglafta kəʼa, » ka lu. Ka sliʼaftá Dawuda ka laha klagafta ma rfu da luwa Dawuda ta akwata Lazglafta ga Ghuvetʼidum.

Suna Yuhwana 14:1

Ka nghaŋtá yu kay guli ta Zwaŋa Tuwak ta sladu ta ghwá *Tsiyuŋ. Ta sladu mnduha dəmbuʼ dərmək nda fwaɗ mbsak fwaɗ mida kawadaga nda tsi. Inda taŋ, nda vinda hga Zwaŋa Tuwak nda hga Da ni guli ma bizlbizla kuma taŋ.

Hebru 12:22

Ama kaghuni, gavadagha ta vata ghwá *Tsiyuŋ, nda ya ta vata luwa Lazglafta ya ta vla hafu tsaya ta nzakway ka Ursalima ta luwa, nda tskata vgha duhwalha Lazglafta ka rfu kul laviŋtá lu ta mbəɗaftá həŋ ya kuni.

La Ruma 9:33

Manda ya nda vinda ma defteri kazlay: Wana yu ta fatá palaka tuthun ma luwa Tsiyuŋ, pala ya dzaʼa zlambanaptá mnduha. Mndu dzaʼa zlghafta ná, haɗ dzaʼa pghanaghatá hula wu kəʼa ya.

2Rus 24:16

Ka paɗamtá lu ma luwa Dawuda ta vata mghamha, kabga maga maga ta skwi zɗaku ma Israʼila, ŋa vlaŋtá sgit ta Lazglafta nda ya ŋa həga ni.

2Rus 5:2

Ka tskanatá Salumuŋ ma Ursalima ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

1Rus 11:7

Ka nzatá Dawuda ma tsa vli ŋam lu ma matsaka huzlu ya, tsaya kəl lu ka hgay ka luwa Dawuda.

1Mgh 8:1

Tahula tsa, ka tskanatá mgham Salumuŋ ma Ursalima, ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila ta vata ni, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

1Mgh 3:1

Ka ksaftá Salumuŋ ta gra nda Firʼawna mghama Masar, nda ma klaftá ni ta makwa ni ka marakw. Ka klaghatá tsi da luwa Dawuda, ka kəzla kɗiŋta ni ta baftá vərɗa ŋa ni ma həga, nda həga Yawe, nda matsak ta wanaftá Ursalima.

2Sam 6:10

Ka kwalaghutá Dawuda ta kladaghatá akwata Yawe da taŋ, ma luwa Dawuda. Ama ka faghutá tsi ma həga ga Ghuvetʼidum, mnda la Gat.

2Sam 5:9

Ka nzamtá Dawuda ma tsa vli ŋam lu ma matsaka huzlu ya, ka tsanaftá tsi ta hgu ka luwa Dawuda. Ka bəglaftá tsi ta tsa luwa ya ka wanafta, zlrafta ta ghərzla ta hgə lu ka Milu dikw nda ma huɗi.

2Sam 5:8

Baɗ tsaya, ka Dawuda mantsa: « Ka ta kumay mndu ta zatá la Yəbus katsi, dzaʼa lam nda ta ghuruma saba imi lu, ŋa dɗanaghatá tsa gwal nda ghulpa nda gwal ta dzəgiɗi, gwal ta husaŋtá Dawuda ya, » kaʼa. Tsaya ta kəl lu ka mnay kazlay na: Haɗ gwal nda ghulpa nda gwal ta dzəgiɗi dzaʼa lami da həga Lazglafta wu kəʼa ya.

1Mgh 9:24

Ka sliʼaftá makwa Firʼawna ma luwa Dawuda ka lafi da həga ni, ya banaf Salumuŋ ya. Tahula tsa dzafta tsi ta ghərzla ta hgə lu ka Milu ya.

Nəhemiya 3:15

Ka payaftá Salluŋ zwaŋa Kulhuze, mali ta ghəŋa kwakwara Mitspa ta wa tgha Dzuɓay. Bəglafta ni, ka mbsaftá tsi, ka pghuŋtá parawalha ni nda sandlaŋha kfur ni ŋa ŋanata nda ya ŋa ŋərzlay. Ka bəglaftá tsi guli ta matsaka ghwa Selah, ma takataka kawgala mgham nda kalam ta saha ma Luwa Dawuda.