2Sam 23:5 - Hdi

⁵ Wya ká Lazglafta magata nda həga ɗa: Dzraf dzra ta wi nda iʼi ŋa ɗekɗek, ka fatá tsi, ka payanata ɗina demdem. Dər ma fitika wu tsi, ta vliha vla ta zatá ghwa, ta hɗiɗim hɗa ta inda skwi ya ta kum yu.

2Sam 23:5 Referans Kwoze

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Hebru 6:19

Tsa skwi faf mu ta ghəŋ tida ya ná, nda nza manda skwa sladanatá kwambalu ma nzakwa mu. Kahwathwata dihata ni haɗ skwi ta gigɗaŋta wa. Zlaganap zlaga ta zlala ka ɓhadamta da vla nzakwa Lazglafta.

Slna gwal ghunay 13:34

Sliʼaganapsliʼa Lazglafta ta Yesu ma mtaku, walglaŋta a ta mtuta ŋa fəgladamtá mbla ni da kulu ŋa rwutani wa. “Tsaya kəl Lazglafta ka mnay kazlay: Dzaʼa vlaghuna vla yu ta tfa wi nda ghuɓa, nda fa ghəŋ tida, ya tanaf yu ta imi ta sləməŋ ta Dawuda kəʼa ya.”

1Mgh 12:14

ka zlghanaftá tsi ta wi ta mnduha nda hiɗaku ya vlaŋ duhwalha, kaʼa nda həŋ mantsa. « Faghunagha fa da ɗa ta ɗukwata zuk ta ndəgaku, ama iʼi, dzaʼa sgəglaghunagha sga yu ɗuk katakata ta ndəgakwa ni. Nda krupi si ta zlaha tsatsi ta kaghuni, ama iʼi, nda krupi nda kfur ta wa ni dzaʼa zlaha yu ta kaghuni! » kaʼa nda həŋ.

1Mgh 11:38

Ka sna sna ka ta inda skwi dzaʼa mnaghafta yu, ka ta ksay ka ta tviha ya nghadap yu tɗukwa, nda ma ŋanata gha ta skwiha ta raku, nda zlahuha ɗa, manda ya maga kwalva ɗa Dawuda, dzaʼa nza nza yu kawadaga nda kagha. Dzaʼa vlagha vla yu ta həga ga mgham nda diha, manda ya maga yu ŋa Dawuda, dzaʼa fagham fa yu ma dzvu ta la Israʼila.

1Mgh 1:5

Ka ghərɓu Aduniya ta ghərɓaku, zwaŋ ya yana Hagit ta Dawuda, kaʼa mantsa: « Iʼi dzaʼa nzakway ka mgham » kaʼa. Ka hlaghutá tsi ta mwata plisha nda plisha, nda bakwa mnduha hutaf mbsak ta hwaya ta kəma ni.

2Sam 18:14

Ka Yuʼav mantsa: « Haɗ yu dzaʼa laghwi gərɗa vgha ɗa ta vata kagha wu, » kaʼa. Ka hlaftá tsi ta gupaha hkən ma dzva ni, ka dzadzanamta da ŋuɗuf ta Avsalum. Ta ndiri tsatsi kaŋala ma takataka halalaya fu,

2Sam 13:28

Wya ká Avsalum mnanaftá duhwalha ni: « Ka fata kuni ta iri ɗina! Ka ngha kuni ta fitika zɗafta ŋuɗufa Amnuŋ dabga ima inabi ya, dzaʼa mnaghuna mna yu ŋa dzata ghuni! Yaha kuni da zləŋa dzata. Iʼi a ta mnaghunafta wu ra? Ka drafta kuni ta ŋuɗuf nda tatá us tiri, » kaʼa.

2Sam 13:14

Ama ka kwalaghutá Amnuŋ ta snanata, kabga mal ŋa ni mbraku, ka mbranaghatá tsi, ka kwihaptá tsi.

2Sam 12:10

Ndanana tama, ya hərtəta hərtəta ka ta iʼi, ka klutá ka ta markwa Uriya, mnda la Het ka markwa ghuni ya, haɗ lu dzaʼa pɗatá ma həga ga ghuni ɗekɗek ta mataray wu,” kaʼa.

2Sam 7:18

Ka lagha mgham Dawuda nzata ta kəma Yawe, kaʼa mantsa: « Wa iʼi ni mghama ɗa Yawe, wa la ga ini ha ŋa ɓhagaɗighata gha da na vli mida yu na na?

1Sam 25:28

Kdəkkdək, plana pla ta krughuva kwarakwara kurɗa gha. Nziya nza tsi ná, haɗ Yawe dzaʼa kwalaghuta vlaŋtá həga ga mgham nda diha ta rvera ɗa wu, kabga ta vulay rvera ɗa ta vula Yawe. Má ma slanagha lu ta ghwaɗaka skwi da kagha ma inda nzakwa gha.

1Sam 2:35

Tahula tsa, dzaʼa klagap kla yu ta vərɗa mndu ŋa magihata slna dra skwi. Dzaʼa magay ta slna manda ya ta kum yu nda ya ta ndanu yu. Dzaʼa sladana slada yu ta mndəra taŋ, dzaʼa gəɗata ta maga slna ŋa ɗekɗek ta kəma mndu ya dzaʼa zbapta yu nda ma pghanaghatá rɗi.

Zlrafta 9:16

Ma ghwayak dzaʼa zlagapta tsa dakwambuhwali ya ŋa nghay ɗa, ŋa havakta ɗa ta dzratá wi dzraf iʼi Lazglafta nda inda mndəra skwiha nda hafu mida ta haɗik. Tsa dzratá wi ya, ŋa ɗekɗek nzakwa ni. »

2Sam 7:12

Tahula hɗamta fitika gha, laghu la ka da dzidzíha gha ya, dzaʼa zlaganap zlaga yu ta mndu turtuk mataba zivirha gha, ya dzaʼa sabi ma kagha. Dzaʼa dihana diha yu dar ta ga mghama ni.