2Sam 23:16 - Hdi

¹⁶ Mantsa tama, ka lam tsa mnduha hkən ka bikwira vulu ya ka mbraku da ghuɓa la Filisti, ka tagistá imi ma tsa vavrəm ta wi tgha Betʼlehem ya. Ka kladaghatá həŋ ka vlaŋtá Dawuda. Ama ka kwalaghutá tsi ta say, ka pghiŋtá tsi ka skwa mbəhu ŋa Yawe.

2Sam 23:16 Referans Kwoze

2Kwa 5:14

Inda skwi ta mag aŋni ná, ta magay aŋni kabga nda sna aŋni ta ɗvu ya ɗvu *Kristi ta aŋni. Tsaya ta tiŋwa aŋni guli ta kəma ta kəma. Graf gra aŋni guli kazlay: Mtu mta Kristi ta ghəŋa inda mndu kəʼa. Inda mndu guli mtu mta kawadaga nda tsatsi.

Zlrafta 35:14

Ka dzugwatá Yakubu ta pala ma tsa vli gwaɗgana tsi ya, ka slraftá tsi ta ima inabi tida pghafha ta rɗi tida.

La Ruma 5:7

Nda bla ka fata mndu ta ghəŋa ni ŋa mtuta ta ghəŋa mndu ta nzakway tɗukwa. Kawayaka skwi ba dzaʼa laviŋ lava ta fata ghəŋa ni ŋa mtuta ta ghəŋa mndu ta maga skwi ya ɗina.

Filip 2:17

Tsa zlghay zlghaf kuni ta Yesu ya ná, nda nza manda planatá ghəŋ ta Lazglafta. Kawayaka skwi dzaʼa dza dza həŋ ta iʼi, dzaʼa nzakway usa ɗa ka skwi dzaʼa tɗanaghata yu ta ghəŋa ŋa ghuni. Ka mantsa tsi katsi, dzaʼa mamu yu nda rfu, dzaʼa rfay yu ta rfu kawadaga nda kaghuni.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

2Sam 23:9

Mahisa ni tsaya, Ilghazar, zwaŋa Dudu, zigha Ahuhi. Tekw tsatsi mataba tsa gwal bikwira vulu hkən si kawadaga nda Dawuda, ta hərtata ta la Filisti ta tskavata ŋa vulu. Ta vraptá la Israʼila ya,

1Sam 19:5

Pərɗa zaɗiŋtá hafa ni, dza dza ta mnda la Filisti, ka hɗamtá Yawe ta mbaku dagala ŋa inda la Israʼila. Nda ngha kagha, ka rfu ka ta rfu. Kabgawu dzaʼa gata ka ta dmaku nda ma pghiŋta gha ta usa mndu kul haɗ dmakwa ni, nda ma dzata gha ta Dawuda kul haɗ sana skwi maga gha tsi na? » kaʼa.

1Sam 7:6

Ka tskavatá həŋ ma Mitspa. Ka zakaktá həŋ ta imi, ka paghata ta haɗik ta kəma Yawe, ka magatá suma baɗ tsa fitik ya, ka həŋ mantsa: « Gana ga ŋni ta dmaku ta Yawe! » ka həŋ. Ka tsanaghatá Samuyel ta guma ta la Israʼila ma Mitspa.

Mbsak 28:7

Ka litər turtuk skwi ŋa slranata ŋa inda slaɓalakwa maŋazak. Ma həga nda ghuɓa dzaʼa slranata lu ŋa Yawe ta ima inabi nda tawa.

1Rus 11:18

Mantsa tama, ka lam tsa mnduha hkən ka bikwira vulu ya ka mbraku da ghuɓa la Filisti, ka tagistá imi ma tsa vavrəm ta wi tgha Betʼlehem ya. Ka kladaghatá həŋ ka vlaŋtá Dawuda. Ama ka kwalaghutá tsi ta say, ka pghiŋtá tsi ka skwa mbəhu ŋa Yawe.