2Sam 22:24 - Hdi

²⁴ Nza nza yu ka ŋərma mndu ta kəma ni, nghu ngha yu ta ghəŋa ɗa da dmaku.

2Sam 22:24 Referans Kwoze

Zlrafta 6:9

Wya rusa ta ghəŋa Nuhu. Mataba mnduha ta tsa fitik ya ná, Nuhu tɗukwa mndu, haɗ rutsak tida wa. Ta nzakw ma zɗaku nda Lazglafta.

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Hebru 12:1

Tsaya tama, mantsa ya ndəghata tsa masləmtsəkha ta wamafta ya. Pghiŋmapgha ta inda skwi ta ndəgamata ta gərɗa amu, nda dmakuha ta kasa amu, ka hwaya mu ɗina ta vərɗaka hwaya ya mnama Lazglafta ŋa hwayay.

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

2Kwa 5:11

Ya wya nda sna amu ta skwi ta hgə lu ka zləŋa Mgham *Yesu ya, tsaya ta kəl aŋni ka ŋavata ka kasaktá ghəŋa mnduha. Nda sna Lazglafta ta aŋni dar, ta grafta aŋni guli ná, nda sna kaghuni ma ŋuɗufa ghuni ta aŋni.

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

Kwalus 1:21

Kaghuni ghalya ná, ka mayəm, nda ghuma Lazglafta si nzakwa ghuni, ta tva ndana ghuni, nda ghwaɗaka slna ta mag kuni.

Kwalus 1:22

Ndana, slərɓapslərɓa Lazglafta ta zughu nda kaghuni, nda ma mtakwa zwaŋa ni ya ta ghuyaptá ɗaŋwa ma sluʼuvgha. Mantsa ya magata tsi ŋa ghuɓaghunata hezleʼ, ŋa hladaghunaghata ta kəma Lazglafta, kul haɗ sana rutsak, nda ghwaɗaka skwi ta kaghuni.

Zlrafta 7:1

Ka Yawe nda Nuhu mantsa: « Lam la da kwambalu, kagha nda la ga ghuni tani demdem, kabga kagha turtukwa gha yeya mndu tɗukwa nghaŋ yu mataba zivira mnduha ta na zamana na.