2Sam 19:39 - Hdi

³⁹ Ka mgham mantsa: « Ka pgha Kimham ta iʼi, dzaʼa magana maga yu ta skwi ya ta zɗəgaghata. Inda skwi ya dzaʼa ɗawaŋta ka da iʼi, dzaʼa maga gha maga yu, » kaʼa.

2Sam 19:39 Referans Kwoze

Rut 1:14

Ka hərɓgəltá həŋ ta taw kay guli. Tahula tsa, ka brusata Ghurpa ta midza ni ŋa dga vgha, ama ka ndiʼaftá Rut ta vgha tida.

Zlrafta 47:7

Ka kladamtá Yusufu ta da ni Yakubu maraŋta da Firʼawna. Ka tfanaghatá Yakubu ta wi ta Firʼawna.

1Tes 5:26

Ka ganaghata kuni ta zgu ta zwana ma nda ɗvaftá vgha hmətət.

Slna gwal ghunay 20:37

Rəɓ həŋ demdem nda taw, ka lagha tekweseʼ ta Pwal.

Lukwa 2:34

Ka tfanaghatá Simeyuna ta wi ta həŋ. Kaʼa nda Mari mantsa: « Nana zwaŋ na ná, dzaʼa klak kla ta zləmbaku, nda sliʼafta ŋa ndəghata sanlaha ma mnduha ma la Israʼila. Dzaʼa nzakway ka ŋizla daga da Lazglafta, ŋa husaŋta ni ta sanlaha ma mnduha.

1Mgh 19:20

Ka zlanavatá Ilisa ta slaha ni, ka hwayaghata mista Iliya, kaʼa nda tsi mantsa: « Zliha zla ka brusata yu ta i da ɗa nda ma ɗa, ka dzaʼa yu mista gha, » kaʼa. Ka Iliya nda tsi mantsa: « La ka vrakta ka! Ka ndanapta ka ka skwi maga gha yu, » kaʼa.

2Sam 14:33

Ka laghu Yuʼav da mnanatá mgham ta gwaɗa Avsalum. Ka hgadaghatá mgham ta Avsalum. Ka lagha tsi da mgham ka zləmbata zlumbruh ta kəma ni. Ka brusatá mgham ta Avsalum.

2Sam 13:25

Ka mgham nda Avsalum mantsa: « Mantsa a zwaŋa ɗa wa! La a ŋni demdem da ghuni wu, da nzakw tsi ka dzata kagha ta htsiŋ, » kaʼa. Ka mbrəh Avsalum ka ŋɗaŋɗa, va a mgham ta dzaʼa wu, ama ka tfanaghata tsi ta wi.

2Sam 6:20

Ka vradaghatá Dawuda dzagha ni ŋa tfanaghatá wi ta la ga taŋ. Ka sab Mihal, makwa Sawulu da gmay, kaʼa mantsa: « Wati ma glaku na gita ŋa mghama la Israʼila ɓa! Pala pala ta vgha ni gita ka gwana mndər ta kəma kurɗuha kwalvaha ni, manda magakwa falayha! » kaʼa.

2Sam 6:18

Manda kɗiŋta Dawuda ta vlatá tsa pla ghəŋha ŋa dray tsuh tsuh ya, nda pla ghəŋha zɗaku ya, ka tfanaghatá tsi ta wi ta mnduha nda hga Yawe mghama gwal vulu.

1Sam 24:22

Ndana tama, waɗiha waɗa nda hga Yawe kazlay na, zaɗanata a ka ta zivira ɗa ta hula ɗa wu, hərɗiŋta ka ta hga ɗa mataba la ga da ɗa wu kəʼa, » kaʼa.

Mbsak 24:25

Ka sliʼaftá Bilgham ka vraghata ta haɗika ni, ta vraghatá Balak guli ta ŋa ni tvi.

Zlrafta 47:10

Ka tfəglanaghatá Yakubu ta wi ta Firʼawna, ka saghu tsi ka zlanatá Firʼawna.

Zlrafta 45:15

Ka taw Yusufu ta taw, ta brusu tsi ta inda tsa zwana ma ni ya. Tahula tsa, ka gwaɗuvtá zwana ma ni ta gwaɗa nda tsi.

Zlrafta 28:3

Ka tfaghagha tfa Lazglafta ta Mbruta ta wi, ka vlaghata tsi ta zwani nda ndəgha, ka nuta ka ka dzidza gwagwata ndəghata mndəra mnduha.

Zlrafta 14:19

Ka tfanaghatá tsi ta wi ta Abram, kaʼa nda tsi mantsa: « Ka tfanagha tfa Lazglafta Dagala, ya ta zlagigiŋtá luwa nda haɗik ta wi ta Abram.

2Sam 19:38

Wya dzvu, zlana zla ta kwalva gha ka vra tsi dzagha ni! Ka mtuta yu ma luwa ɗa, ta vata kula i da ɗa nda ma ɗa! Ama wana kwalva gha Kimham. Dzaʼa pghay ta rveri, mghama ɗa. Ka maganata ka ta skwi ya ta zɗəgaghata, » kaʼa.