2Sam 15:12 - Hdi

¹² Ma fitika vlata Avsalum ta pla ghəŋha, ka ghunaftá tsi ma luwa Gilu ta mndu ŋa hganaktá Ahitufel mnda la Gilu, mnda vla hiɗaku ŋa Dawuda. Ka sgaku mbrakwa tsa gatá sidi ya, ka sgaku ndəghatá mndu ta dzaʼa mista Avsalum.

2Sam 15:12 Referans Kwoze

2Sam 15:31

Ka lagha lu da mnay ŋa Dawuda kazlay na: « Waʼa Ahitufel kawadaga nda Avsalum, waʼa mataba tsa gwal ta ga sidi ya, » kaʼa. Ka Dawuda mantsa: « Ari Yawe, wya dzvu, niŋ na ka makusiɓit ta hiɗaku ta vlata Ahitufel! » kaʼa.

Yəhusuwa 15:51

nda Guseŋ, nda Huluŋ, nda Gilu: Tsaya luwaha ghwaŋpəɗ ndeŋ nda zwana luwaha taŋ tani.

2Sam 17:23

Nghay Ahitufel ta kwal kul snatá hiɗaku vla tsi, ka payanatá tsi ta kəɗiha ni ka sliʼafta ka laghwi dzagha ni ma luwa ni. Ka mnanaftá tsi ta gwaɗa ma ghəŋa ni ta la ga taŋ. Tahula tsa ka hagatá tsi ta ghəŋa ni. Manda tsaya kəʼa mtuta, ka lamtá lu ma kula da ni.

2Sam 17:14

Ka i Avsalum nda inda la Israʼila mantsa: « Mal tsa hiɗaku vla Husay mnda la Arki ya, ka tsa ŋa Ahitufel ya, » ka həŋ. Tsaw, Yawe ta mnafta zləmbiŋtá tsa hiɗaku si vla Ahitufel ɗina ya, kada dɗanaghata zləmnda ta Avsalum.

Titus 1:16

Nda sna ŋni ta Lazglafta ka həŋ ta mnay, nda ta tva skwi ta mag həŋ ya ná, sna a həŋ ta Lazglafta wu, nda nza həŋ ka skwa mbiɗay ka gwal mbrəs, laviŋ a həŋ ta magatá skwi ɗina dər ka kiʼa wa.

Yuhwana 13:18

Nda kaghuni demdem a ta gwaɗa yu ta tsa gwaɗa ya wu, nda sna yu ta gwal zabap yu. Tsa gwaɗa nda vinda ma defteri ya ná, ɗina ka magata ni mantsa. “Mndu ta zə ŋni ta skwa zay kawadaga nda tsi ta liɗista.”

1Rus 27:33

Ahitufel mnda vla hiɗaku ŋa mgham. Husay, mnda la Arki gra mgham.

1Mgh 21:12

Ka mnatá həŋ ta fitik ŋa maga sumay, ka fatá həŋ ta Navut ta taŋtaŋa vla sgit ta kəma mnduha.

1Mgh 21:9

Wya skwi vindaf tsi ta tsa ɗelewerha ya: « Mnawa mna ta fitik ŋa maga sumay. Ka hagakta kuni ta mnduha, ka fata kuni ta Navut ta taŋtaŋa vla sgit ta kəma mnduha.

Mbsak 23:30

Ka magatá Balak manda ya mnana Bilgham, ka vlatá tsi ta lghəŋ turtuk nda maŋazak turtuk ta inda gwir.

Mbsak 23:14

Ka kladaftá tsi da vwah ta wa lilwa ta bɗəma ghwá Pisga. Ka dzihwaftá tsi ta gwirha ndəfáŋ, ka vlatá tsi ta lghəŋ turtuk nda maŋazak turtuk ta inda gwir.

Mbsak 23:1

Ka Bilgham nda Balak mantsa: « Dzihwaɗif dzihwa ta gwirha ndəfáŋ hadna, ka payifta ka hadna ta lghəŋha ndəfáŋ, nda maŋazakha ndəfáŋ, » kaʼa.

2Sam 16:15

Ka lam Avsalum nda inda mnduha la Israʼila mista ni demdem da Ursalima. Kawadaga Ahitufel nda tsi.

2Sam 23:34

nda Ilifelet, zwaŋa Ahasbay mnda la Maghaha, nda Iligham, zwaŋa Ahitufel mnda la Gilu,