2Rus 6:41 - Hdi

⁴¹ Ndanana, Yawe, Lazglafta, sliʼaf sliʼa, sawi da vla mbiʼa vgha gha, kagha nda akwata glakwa gha! Má ka mutsaf mutsa gwal dra skwi ŋa gha Yawe, Lazglafta ta mbaku. Má ka rfa ŋərma mnduha gha ta rfu dabga zɗakwa gha!

2Rus 6:41 Referans Kwoze

1Rus 28:2

Ka sliʼaftá mgham Dawuda, ka sladata, kaʼa mantsa: « Fihawa fa ta sləməŋ zwana ma ɗa, mnduha ɗa! Si kumaf kuma yu ma ŋuɗufa ɗa ta baftá həga vli ŋa mbiʼa vgha akwata dzratá wa Yawe, vli ŋa fa səla Lazglafta mu. Si nda paya vgha ɗa ŋa bay,

Nəhemiya 9:25

Ka hlaghutá həŋ ta luwaha ma matsaka huzlu, nda vwahha ya zɗa zɗa. Ka zutá həŋ ta həgaha nda ndagha inda nda skwiha ɗina ɗina mida, nda ghwa lalap lu, nda inabiha, nda zaytunha, nda ndəghata fuha ta zə lu nda za. Ka zə həŋ, ka babaghaku həŋ, ka uwaʼuwaslaku həŋ. Ka zə həŋ ta mghama taŋ ma zɗakwa gha dagala.

Suna Yuhwana 19:14

Mbaɗa la sludziha ta luwa ka sliʼi mista ni ta plis ka ŋusliŋ ka ŋusliŋ, nda susuɗata lgutha kulefeɗfəɗa, ka ŋusliŋ ka ŋusliŋ, nda ghuɓa nda ghuɓa guli.

Suna Yuhwana 19:8

Vlaŋ vla lu ta tvi ŋa suɗavatá lgut kulefeɗfeɗa, ta wuɗaku, nda ghuɓa guli, » kaʼa. « Tsa lgut kulefeɗfeɗa ya ná, slna tɗukwa maga mnduha Lazglafta ya. »

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Galat 3:27

Kaghuni demdem, magaghunaf maga lu ta batem ma ndiʼatá vgha ghuni nda Kristi, kada klaftá kuni ta saɗa ni.

La Ruma 13:14

Suɗavawa suɗa ta Mgham *Yesu *Kristi. Ma laghu kuni hamta ghəŋ ka maga skwi ta zɗəganata sluʼuvgha.

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

Yəhusuwa 3:13

Na gi fadamta tsa gwal ta dra skwi ŋa Lazglafta ta kla akwata dzratá wa Yawe, mghama inda ghəŋa haɗik ya ta səla taŋ da zala Yardeŋ dzaʼazlay ya, dzaʼa tsavap tsa zala. Haɗ tsa imi ta saha nda sa ya dzaʼa mbaɗgəlta mbaɗa wa. Dzaʼa slada slada manda skwi ŋaghu lu, » kaʼa.