2Rus 32:8 - Hdi

⁸ Mbrakwa sluʼuvgha kweŋkweŋ ŋa gwal kawadaga nda tsa mgham ya, ama kawadaga nda amu, mamu Yawe, Lazglafta mu, dzaʼa sagha da kata amu, dzaʼa vulamatá vulu, » kaʼa. Ka vlaŋtá tsa gwaɗa Hizkiya mghama la Yuda ya ta mbraku ta mnduha.

2Rus 32:8 Referans Kwoze

2Rus 20:17

Kaghuni a dzaʼa vula tsa vulu ya wa. Payavata kaghuni ŋa ghuni, sladawa slada hada, dzaʼa nghay kuni ká Yawe dzaʼa katatá kaghuni. La Yuda nda la Ursalima, ma zləŋ kuni ta zləŋ, yaha kuni da ghudzafta. Mahtsim, ka sliʼagapta kuni da guyata nda həŋ, kawadaga Yawe nda kaghuni,” kaʼa, » kaʼa.

2Rus 20:15

Ka Yahaziʼel mantsa: « Fawa fa ta sləməŋ, inda kaghuni la Yuda, nda la Ursalima, nda kagha mgham Yəhusafat! Wya ka Yawe nda kaghuni: “Ma zləŋ kuni ta zləŋ, ma ghudzə kuni ta ghudzaku ta kəma tsa ndəghata dəmga sludziha ya, kabga kaghuni a dzaʼa vulay wu, Lazglafta dzaʼa vulay.

2Tim 4:17

Tsaw nza nza Mgham Lazglafta kawadaga nda iʼi, ka vlihatá tsi ta mbraku, kəl yu ka kɗanaktá mna gwaɗa ni, ka snaŋtá inda gwal kul nzakway ka la *Yahuda. Katigipkata Lazglafta guli ma wa rveri.

Slna gwal ghunay 18:10

Kawadaga yu nda kagha, haɗ mndu dzaʼa walaŋta faftá dzvu ta kagha ŋa ghuya ɗaŋwa ŋa gha wa. Nda ndəgha mnduha ɗa ta ma na luwa na, » kaʼa.

1 Yuhwana 4:4

Kaghuni zwana ɗa, zwana Lazglafta kaghuni, ghuɓasap ghuɓasa kaghuni ta tsa gwal nana mndu ya, kabga mal tsa Sulkum ma kaghuni ya mbrata ni ka tsa sulkum ma gwal ma ghəŋa haɗik ya.

2Rus 13:12

Wana kawadaga Lazglafta nda aŋni, tsatsi mghama ŋni, nda paya vgha gwal dranatá skwi ŋa vya duli ŋa dzaʼa guyata nda kaghuni. Ariwa Israʼila! Ma vulu kuni ta vulu nda Yawe, Lazglafta dzidzíha ghuni, kabga haɗ kuni dzaʼa zatá ghwa wu! » kaʼa.

Vrafta ta zlahu 20:4

kabga Yawe, Lazglafta ghuni ta mbaɗa kawadaga nda kaghuni ŋa gəmata nda vulu nda ghumaha ghuni ŋa mbaghunafta,” kaʼa dzaʼazlay.

2Rus 20:20

Wrək tgha ga mahtsima ni, ka tsavaftá həŋ ka laghwi ta mtaka Tekuwa. Ta lab həŋ, ka sladatá Yəhusafat, kaʼa mantsa: « Fihawa fa ta sləməŋ la Yuda nda la Ursalima! Fafwa fa ta ghəŋ ta Yawe, Lazglafta ghuni, dzaʼa ŋay kuni. Fafwa fa ta ghəŋ ta anabiha ni, dzaʼa zay kuni ta ghwa! » kaʼa.

2Rus 14:11

Ka dzuŋtá Yawe ta la Kus ta wa ira i Asa nda la Yuda, ka tatá la Kus ta vgha nda hwaya.

Vrafta ta zlahu 20:1

« Ka sab sa kuni da gəmata nda vulu nda ghumaha ghuni, ka nghaŋtá kuni ta plisha, ka mwata plisha a tsi, dər malaghu mala ndəghata gwal vulu ka kaghuni, yaha kuni da zləŋa həŋ, kabga kawadaga Yawe, Lazglafta ghuni nda kaghuni, tsatsi ta hlagaghunapta ma haɗika Masar.

2Tim 4:22

Ka nza Mgham Lazglafta nda kagha. Ka nza zɗakatahuɗa Lazglafta guli nda kaghuni demdem!

2Rus 32:15

Ndanana ná, nana kaghuni a ta nan Hizkiya wu ra! Ma ghuɓu tsi ta kaghuni manda tsa, ma zlghanaf kuni! Haɗ sana lazglafta, sana mndəra mndu, dər sana gá mgham ta laviŋta zluʼagaptá mnduha ni ma dzva ɗa, dər ma dzva dzidzíha ɗa wa. Ɓalavakata lazglaftaha ghuni yeya dzaʼa zluʼagaptá kaghuni ma dzva ɗa rki?” kaʼa, » kaʼa.

Yəhusuwa 10:42

Turtuktuk guyata Yəhusuwa nda vulu nda tsa mghamha ya, nda haɗikha taŋ tani. Ka zaktá tsi ta həŋ, kabga Yawe, Lazglafta la Israʼila ta vulanatá vulu ta mnduha ni.

1Sam 17:45

Ka Dawuda nda mnda la Filisti mantsa: « Kagha, ta sagha nda hbatá vgha nda kafay, nda gupa, nda budugwa kagha da gəma iʼi, ama iʼi, nda hga Yawe mghama gwal vulu ta lagha yu da gəma kagha, nda hga Lazglafta bakwa gwal vula la Israʼila ta raz ka ya.

2Mgh 6:16

Ka Ilisa mantsa: « Ma zləŋ ka ta zləŋ, kabga mal gwal kawadaga nda uʼu ndəghata həŋ ka gwal kawadaga nda hahəŋ, » kaʼa.

1Rus 5:22

Nda ndəgha la Hagar ta rwuta, kabga ŋa Lazglafta tsa vulu ya. Ka nzatá la Rubeŋ, nda la Gat, nda rita mndəra la Mənase ma vla taŋ ha ka lagha ta fitika hlaghatá həŋ da ga vuʼa.

2Rus 16:7

Ma tsa fitik ya, ka lagha Hanani ka slayaŋ slanaghatá Asa, mghama la Yuda, kaʼa nda tsi mantsa: « Vəl dihafta gha ta vgha ta mghama la Aram, ka kwalaghuta dihaftá vgha ta Yawe, Lazglafta gha, kəl gwal vula mghama la Aram ka ndandapta ma dzva gha.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Vrafta ta zlahu 20:3

Kaʼa dzaʼazlay na: “Snawa la Israʼila! Wana kuni dzaʼa gəmata nda vulu nda ghumaha ghuni gita. Yaha ŋuɗufa ghuni da tɗu. Yaha kuni da zləŋ, yaha kuni da tatamaku, yaha vgha ghuni da ghudzaku ta kəma taŋ,

2Mgh 18:5

Ta Yawe, Lazglafta la Israʼila fafta Hizkiya ta ghəŋa ni. Haɗ mgham manda tsatsi mataba inda mghamha la Yuda wu, dər mataba gwal ta tiŋlaghutá tsatsi, dər mataba gwal tahula tsatsi wa.

2Rus 14:10

Ka wahu Asa ta wahu da Yawe, Lazglafta ni, kaʼa mantsa: « Yawe, kagha turtukwa gha ta laviŋta kataŋtá mndu nda hta mbrakwa ni nda mndu nda mbra. Sawi da kataŋnata, Yawe, Lazglafta ŋni, kabga ta kagha dihafta ŋni ta vgha, nda hga gha sagha ŋni da guya na mleŋwi mleŋwa mnduha na! Yawe, kagha Lazglafta ŋni. Yaha mndu da zata ghwa ta ghəŋa kagha! » kaʼa.