2Rus 17:9 - Hdi

⁹ Ka tagh həŋ ta skwi ŋa la Yuda, nda klatá deftera zlaha Yawe ma dzvu. Ka rə həŋ ta luwaha la Yuda demdem nda tagha skwi ŋa mnduha.

2Rus 17:9 Referans Kwoze

Yuhwana 5:46

Ka má zlghaf zlgha kuni ta Musa katsi ná, má zlghaf zlgha kuni ta iʼi guli, kabga vindafta ghəŋa iʼi tsatsi ta gwaɗa.

La Ruma 3:2

Ndaɗaʼa nzakwa ni ta nghadaptá lu ta nghay nghay wu, kabga tiŋəl ŋa taŋ vlagata Lazglafta ta gwaɗa ni.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

Slna gwal ghunay 28:23

Ka tsaftá həŋ ta sana fitik tama ŋa gwayavata taŋ. Baɗu tsa fitik ya, ka sliʼaftá ndəghata həŋ ka lagha slanaghatá Pwal ma vla nzakwa ni. Ka zlraftá Pwal ta paslay, ka mnay ŋa taŋ ta gwaɗa ta ga mgham Lazglafta, daga ga sərɗək, ha tekulemes fitik, ŋa tɗakta ghunislaka taŋ ta ghəŋa gwaɗa ta *Yesu. Ka mnə tsi ta gwaɗa ma deftera zlaha Musa, nda ya ma deftera la anabi, ŋa taŋ.

Slna gwal ghunay 15:21

daga ma nzakwagaptá, mamu mnduha ta mna gwaɗa Musa ma inda luwa. Ta dzadzaŋay lu guli inda fitika *Sabat ma həga tagha skwa la Yahuda, » kaʼa.

Slna gwal ghunay 13:15

Tahula dzadzaŋafta lu ta vli ma deftera zlaha Musa, nda ya ma deftera anabiha, ka maliha ma tsa həga tagha skwa la Yahuda ya nda həŋ mantsa: « Zwana ma ɗa, ka mamu gwaɗa da kaghuni ŋa vlaŋtá mbraku ta mnduha, laviŋ lava kuni ta gwaɗay ndana, » ka həŋ.

Slna gwal ghunay 8:40

Ka zlagaptá Filip ma luwa Azutu. Ka rə tsi ta luwaha ka dzaʼa nda mna Lfiɗa Gwaɗa, ka laghu trezekw da luwa Sezare.

Yuhwana 5:39

« Ta ndiʼa ndiʼa kuni ka tagha skwi ya nda vinda ma gwaɗa Lazglafta kabga mida dzaʼa mutsa ŋni ta hafu ŋa kɗekedzeŋ ka kuni. Tsa gwaɗa Lazglafta nda vinda ya ná, ta ghəŋa iʼi ta gwaɗa tsi.

Mata 11:1

Manda kɗakwa *Yesu ta tsa tagha skwiha ŋa tsa duhwalha ni ghwaŋpəɗ his ya ná, ka sliʼaftá tsi hada ka laghu da ra luwaha ma tsa haɗik ya ŋa tagha skwiha, nda ya ŋa mna *Lfiɗa Gwaɗa.

Mata 10:23

Ka ta giri lu ŋa ghuni ma sana luwa katsi, ka hwaya kuni da sana luwa. Kahwathwata ka yu ta mnaghunata, ma kɗaku kuni ka ranaftá inda luwaha la Israʼila ná, dzaʼa vragagha vra *Zwaŋa mndu.

Nəhemiya 8:7

Tahula sliʼavata taŋ ka sladata ma va tsa vli ya, ka zlraftá la Levi i Yəhusuwa nda Bani, nda Sereviya, nda Yamiŋ, nda Ghakuv nda Sabətay, nda Hudiya, nda Maʼaseya, nda Kəlita, nda Ghazariya, nda Yuzavat, nda Hanaŋ, nda Playa ta tsislanaptá mnduha ta tsa zlahu ya.

2Rus 35:3

Kaʼa nda la Levi, pghaghu lu ta həŋ ŋa Yawe ta tagha skwi ŋa inda la Israʼila ya mantsa: « Fawa fa ta akwata dzratá wi nda ghuɓa ma həga Lazglafta baf Salumuŋ, zwaŋa Dawuda, mghama la Israʼila ya. Haɗ kuni dzaʼa kləgəlta ta badzaga wa. Magawa maga tama ta slna ŋa Yawe, Lazglafta ghuni, nda mnduha ni, la Israʼila.

2Rus 15:3

Nda kɗa fitika la Israʼila ta nzakw kul haɗ vərɗa Lazglafta, kul haɗ mnda dra skwi ŋa Lazglafta ta tagha skwi ŋa taŋ, kul haɗ zlahu.

2Rus 19:8

Manda va tsaya, ma Ursalima guli, ka paghatá Yəhusafat ta sanlaha ma la Levi, nda gwal dra skwi ŋa Lazglafta, nda sanlaha ma zəʼala həgaha la Israʼila, ŋa tsa guma manda ya ta taghu zlaha Yawe, ŋa nzakwa taŋ guli ka gwal dzra gwaɗa mataba mnduha. Dzaʼa nzakw ma Ursalima həŋ.