2Rus 15:12 - Hdi

¹² Ka fatá həŋ ta ghəŋ nda ma dzratá wi ka zba Yawe, Lazglafta dzidzíha taŋ, nda hya hya ŋuɗufa taŋ, nda inda hafa taŋ.

2Rus 15:12 Referans Kwoze

Slna gwal ghunay 24:14

Skwi ya graf iʼi ná, ta maganata slna yu ta Lazglafta dzidzíha ŋni nda ta tsa tvi mnə hahəŋ kazlay: Dina ghwaɗaka tvi ya kəʼa ya. Zlghaf zlgha yu ta inda skwi ya nda vinda ma zlaha Musa, nda ya ma deftera la anabi.

2Rus 23:16

Ka dzraftá Yəhuyada ta wi, tsatsi, nda inda mnduha, nda mgham, ŋa nzakwa taŋ ka mnduha Yawe.

2Rus 29:10

Ama ndanana, kura kura yu ma ŋuɗufa ɗa ta dzraftá wi nda Yawe, Lazglafta la Israʼila, kada mbəɗaghuta tsa gufatá ŋuɗufa ni katakata ya ta vata amu.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

2Kwa 8:5

Tsa skwi vla həŋ ya ná, vla vla həŋ ka malaghutá skwi ya má si ta ndanu aŋni. Tiŋəl ghəŋa taŋ vlaŋ həŋ ta Mgham *Yesu karaku, tahula tsa guli ka tsuʼaftá həŋ ta maga skwi ya ta mnanata ŋni ta həŋ, manda ya ta kum Lazglafta.

Nəhemiya 10:29

Ka gwaftá sanlaha ma mnduha nda gwal ta dra skwi ŋa Lazglafta, nda la Levi, nda gwal ta ngha wa tgha, nda gwal fa laha, nda kwalvaha həga Lazglafta, nda inda gwal ta dgaghutá vgha nda mayəm ŋa ndiʼaftá vgha ta zlaha Lazglafta, nda miʼa taŋ, nda zwana zgwana taŋ nda kwagha taŋ, nda inda gwal prək ka snaŋtá skwi nda mahizl ma ghəŋa taŋ ta vgha,

2Rus 15:4

Ama ma ghuya ɗaŋwa taŋ, ka vradaghatá həŋ da Yawe, Lazglafta la Israʼila. Ka zbaŋtá həŋ, ka slaftá həŋ tida.

2Mgh 23:3

Tata sladu mgham ta vata guguɗi, ka dzraftá tsi ta wi ta kəma Yawe. Ka fatá tsi ta ghəŋa ni ŋa dzaʼa mista Yawe nda hya hya ŋuɗufa ni, nda ya nda kɗavakta hafa ni, ŋa ŋanatá zlahuha ni, nda tva skwiha ni ta raku ka magay, nda ma maga slna nda gwaɗaha tsa dzratá wi vindam lu ma tsa defteri ya. Ka pghatá inda mnduha ta ghəŋa taŋ ŋa tsa dzratá wi ya.

1Mgh 8:48

ka vrak vra həŋ da kagha nda hya hya ŋuɗufa taŋ, nda inda kɗavakta hafa taŋ ma tsa haɗika ghumaha taŋ ta hlaghatá həŋ ya, ka ndəɓ həŋ ta dzvu da kagha, ka mbəɗavata nda təv haɗika taŋ ya vlaŋ ka ta dzidzíha taŋ, nda ya təv luwa ya zbap ka, nda ya təv həga ya baf yu ŋa vlaŋtá sgit ta hga gha katsi,

Vrafta ta zlahu 29:12

ŋa naghunafta ka mnduha ni gita, ta nzatá tsatsi ka Lazglafta ghuni manda ya taghunaf tsi ta imi ta sləməŋ, ka waɗanatá dzidzíha ghuni i Abraham, nda Izak, nda Yakubu ya.

Vrafta ta zlahu 29:1

Ka hgadaghatá Musa ta inda la Israʼila. Kaʼa nda həŋ mantsa: « Nda ngha kaghuni nda ira ghuni ta inda skwi ya magana Yawe ta haɗika Masar, ya magana tsi ta Firʼawna, nda inda kwalvaha ni, nda inda haɗika ni,

Vrafta ta zlahu 4:29

Ama daga hada, dzaʼa psay kuni ta Yawe, Lazglafta ghuni, dzaʼa slaf sla kuni tida ka psaŋ psa kuni nda ma hya hya ŋuɗufa ghuni, nda ya nda inda nzakwa ghuni.

2Mgh 11:17

Ka dzranaftá Yəhuyada ta wi ta Yawe, nda mgham, nda mnduha ŋa nzakwa taŋ ka mnduha Yawe. Dzranafha guli ta wi ta mgham nda mnduha.

Vrafta ta zlahu 6:5

Ɗvu ɗva ta Yawe, Lazglafta gha ma hya hya ŋuɗufa gha, nda inda hafa gha, nda inda mbrakwa gha.

Vrafta ta zlahu 29:11

Wana kuni dzaʼa lami da dzratá wa Yawe, Lazglafta ghuni ya ta dzrafta tsi nda kaghuni gita nda ma waɗu,

Yəhusuwa 24:25

Baɗ tsaya ná, ka hbanaftá Yəhusuwa ta dzratá wi ŋa mnduha ma Səkem. Ka vlaŋtá tsi ta zlahuha ta həŋ, nda tviha ya ka həŋ dzaʼa nzakwa taŋ.

2Rus 11:16

Ma inda mndəra la Israʼila, mamu mnduha ta kuratá zba Yawe, Lazglafta la Israʼila. Ka laghu həŋ mista la Levi da Ursalima ŋa vla skwa pla ghəŋ ŋa Yawe, Lazglafta dzidzíha taŋ.

2Rus 19:3

Kulam nda tsa, slanagha sla ta skwi ɗina ma kagha, kabga zaɗana zaɗa ka ta skwa wuyay Asera ma haɗik gha, ka fatá ka ta ŋuɗufa gha ŋa zba Lazglafta, » kaʼa.