2Mgh 7:17 - Hdi

¹⁷ Vlaŋ vla mgham ta tvi ta tsa mali ma sludziha ni ya faf tsi ta ghəŋ tida ya, ŋa ngha skwi dzaʼa magaku ta wi tgha. Ama ka diŋlanaptá mnduha ta wi tgha, ka mtuta tsi, manda ya mna mnda Lazglafta ma fitika lagha mgham da tsi ya kay.

2Mgh 7:17 Referans Kwoze

2Mgh 7:2

Ka mali ma sludziha ya faf mgham ta ghəŋ tida nda mnda Lazglafta mantsa: « Dər má Yawe ka ghəŋa ni dzaʼa gwaniŋtá ghurumha ta luwa ná, dzaʼa magaku tsa skwi mna ka ya ra? » kaʼa. Ka Ilisa mantsa: « Dzaʼa nda ngha ka nda ira gha, ama zaŋta a ka wu, » kaʼa.

2Mgh 6:32

Ta nzaku Ilisa mintgha ni, kawadaga la galata mndu nda tsi. Ka ghunaftá mgham ta ya turtuk ma kwalvaha ni. Ama makəɗ tsa mndu ghunaf lu ya ka ɓhadaghata, ka Ilisa nda la galata mndu mantsa: « Nda ngha kuni ra? Waʼa ghunafta tsa mnda dzatá mndu ya ta mndu ŋa tsaghuta ghəŋa ɗa. Snawa sna! Ka sagha sa tsa mnda ghunay ya, ka hunusta kuni ta wa tgha, ka tiŋwidiŋta kuni dzibil. Sna a kuni ta ghudzaga səla daŋahəga ni nda hula ni wu ra? » kaʼa.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

2Mgh 9:33

Ka Yehu mantsa: « Vzagawa vza ta haɗik, » kaʼa. Ka vzagatá həŋ, ka wutsiraftá usa ni ta vata matsak nda ya ta plisha. Ka ŋalaftá Yehu tida nda mwata plisa ni.

Gwal tsa guma 20:43

Ka ratsamtá həŋ ta la Biŋyamiŋ, ka hwayiŋtá həŋ, zlana a həŋ ta dzaɓa həŋ wu, ha da sana vli ta kəma Givgha nda təv safa fitik.

2Mgh 5:18

Nziya nza tsi, ka plana pla Yawe ta dmakwa skwi turtuk ta kwalva gha: Ma lam ta lam rvera ɗa da həga Rimuŋ skwa wuyay ŋa tsəlɓu, ta tsəlɓay iʼi guli, kabga ta ŋiha ŋa drəsl ta dzvu ka gwitsidihata. Ka pliha pla Yawe kahwathwata ta dmakwa iʼi kwalva gha, ta ghəŋa tsa tsəlɓu ta tsəlɓu yu ma həga Rimuŋ skwa wuyay ni ya! » kaʼa.