2Mgh 23:13 - Hdi

¹³ Ka dmanaftá mgham ta vliha tskal tskala ya si dzihwaf Salumuŋ mghama la Israʼila mbəŋ nda Ursalima, nda ga zeghwa ghwá Zaɗaku, si ŋa vlaŋtá sgit ta Ghasturet, manzakɗawaya skwa wuyaya la Tsiduŋ, nda Kəmus, manzakɗawaya skwa wuyaya la Muwav, nda Milkum, manzakɗawaya skwa wuyaya la Ghamuŋ ya.

2Mgh 23:13 Referans Kwoze

1Mgh 11:7

Ma tsa fitik ya, ka baftá Salumuŋ ta kuɗuŋur dagala təv safa fitik ma Ursalima, ta vli tskala ŋa Kəmus, manzakɗawaya lazglafta la Muwav, nda ŋa Mulek, manzakɗaway lazglafta la Ghamuŋ.

1Mgh 11:5

Ka laghu Salumuŋ mista Ghasturet, lazglafta la Tsiduŋ, nda Milkum, manzakɗawaya lazglafta la Ghamuŋ.

Mbsak 21:29

Wabaw kagha, Muwav! Nda zaɗa kuni gwal ta tsəlɓu ŋa Kəmus! Ta vlatá zwana ni ka gwal hwaya, ta kwagha ni ka gwal kasagha lu ka vuʼa, ma dzva Sihuŋ mghama la Amuru.

Nəhemiya 13:26

Ka yu nda həŋ mantsa: « Ma magay mantsa a kəl Salumuŋ mghama la Israʼila ka gatá dmaku wu ra? Mataba ndəghatá mndəra sana mnduha ná, haɗ mgham taɓta tsatsi wu, ɗvu ɗva Lazglafta, ka fata Lazglafta ka mgham ta ghəŋa inda la Israʼila, ama kulam nda tsa, ka klamtá miʼa mndəra sana mnduha da dmaku guli!

1Mgh 11:33

Dzaʼa maga maga manda tsaya, kabga zlaɗivata la Israʼila, ka laghwi da tsəlɓu ŋa Ghasturet, lazglafta la Tsiduŋ, nda ya ta kəma Kəmus, lazglafta la Muwav, nda ya ta kəma Milkum, lazglafta la Ghamuŋ. Ksaf a həŋ ta tviha ya mnana yu ta həŋ manda ya maga Dawuda, da ni ma Salumuŋ wa. Maga a həŋ ta skwi ya tɗukwa nghadap yu wu, kwalaghu kwala həŋ ta snatá skwi ya ta raku mnaf yu, nda zlahuha ɗa.

1Sam 12:10

Ka wahugəltá həŋ ta wahu da Yawe, ka həŋ mantsa: “Gaga ŋni ta dmaku, kabga zanap za ŋni ta Yawe, ka laghwi da maganatá slna ta Baghalha nda Ghasturetha. Ama, paliŋnis pala ma dzva ghumaha ŋni, ka magaghata ŋni ta slna,” ka həŋ.

1Sam 7:4

Ka hliŋtá la Israʼila ta Baghal nda Ghasturet, skwa wuyay. Ka maganatá slna ta Yawe turtukwa ni.

Gwal tsa guma 11:24

Haɗ kagha ta ŋanatá ya vlagha Kəmus, lazglafta gha, ka ŋa gha wu ra? Haɗ aŋni dzaʼa klaghuta ka ŋa ŋni guli ta ya vlaŋna Yawe, Lazglafta ŋni ta kəma ŋni, ka laviŋta ŋni ta klaghuta ŋa ŋa ŋni wu ra?

Gwal tsa guma 10:6

Ka zlrəglaftá la Israʼila ta maga ghwaɗaka skwi ta wa ira Yawe. Ka tsəlɓu həŋ ta tsəlɓu ŋa Baghalha nda Ghasturetha lazglaftaha la Aram, nda la Tsiduŋ, nda la Muwav, nda la Ghamuŋ, nda la Filisti. Ka zlanavatá həŋ ta Yawe, ka kwalaghutá tsəlɓu ŋa ni.

Gwal tsa guma 2:13

Ka zlanavatá həŋ ta Yawe, ka laghu həŋ da tsəlɓu ŋa Baghal nda Ghasturetha.