2Mgh 22:2 - Hdi

² Ka mag tsi ta skwi tɗukwa ta wa ira Yawe. Ka ksaftá tsi ta tvi manda va ŋa dzidza ni Dawuda, dzəmbiɗana a dər nda ga zeghwi, dər nda ga zlaɓa wa.

2Mgh 22:2 Referans Kwoze

Yəhusuwa 1:7

Mbray kagha ta vgha, ka ŋavata gha kahwathwata kweŋkweŋ ŋa gha, ŋa ŋanatá inda tagha skwi ya mnaghaf kwalva ɗa Musa. Yaha ka da mbəɗaghutá vgha dər nda ga zeghwi, dər nda ga zlaɓa, kada dzaʼa ka ta kəma ta kəma ma inda vli ta dzaʼa ka.

Vrafta ta zlahu 5:32

Ka ŋavata kuni tama ka maga skwi manda va ya mnaghunaf Yawe, Lazglafta ghuni. Yaha kuni da mbəɗaghutá vgha dər nda ga zeghwi, dər nda ga zlaɓa.

2Mgh 18:3

Ka mag tsi ta skwi tɗukwa ta wa ira Yawe, manda va ŋa dzidza ni Dawuda.

1Mgh 3:6

Ka Salumuŋ mantsa: « Maranaŋ mara ka ta zɗaku dagala ta kwalva gha da ɗa Dawuda, kabga mbaɗa ni ta kəma gha ka mndu tɗukwa ŋa faftá ghəŋ tida, ka ŋərma mndu. Ka kɗaŋta ka ta maranaŋtá ta zɗaku dagala nda ma vlaŋtá gha ta zwaŋa zgun ta nzaku ta dughurukwa ga mghama ni gita.

2Rus 29:2

Ka mag tsi ta skwi tɗukwa ta wa ira Yawe, manda va ŋa dzidza ni Dawuda.

2Mgh 16:2

Hisambsak ima Ahaz ta nzatá tsi ka mgham, ka zatá tsi ta vaku ghwaŋpəɗ mkuʼ ta gá mgham ma Ursalima. Maga a tsatsi ta skwi tɗukwa ta wa ira Yawe, Lazglafta ni, manda ya maga dzidza ni Dawuda ya wa.

1Mgh 11:38

Ka sna sna ka ta inda skwi dzaʼa mnaghafta yu, ka ta ksay ka ta tviha ya nghadap yu tɗukwa, nda ma ŋanata gha ta skwiha ta raku, nda zlahuha ɗa, manda ya maga kwalva ɗa Dawuda, dzaʼa nza nza yu kawadaga nda kagha. Dzaʼa vlagha vla yu ta həga ga mgham nda diha, manda ya maga yu ŋa Dawuda, dzaʼa fagham fa yu ma dzvu ta la Israʼila.

2Rus 17:3

Ka nzatá Yawe kawadaga nda Yəhusafat, kabga ksaf ksa ta tvi ya si ta ksə dzidza ni Dawuda taŋtaŋ. Zbaŋ a ta Baghalha wu,

1Mgh 15:5

Maga maga Yawe manda tsaya kabga maga maga Dawuda ta skwi ya tɗukwa ta wa ira ni, mbəɗana a ta hul ta ya dər turtuk ma zlahuha ni ma nzakwa ni wu, ba skwi ya maga tsi nda Uriya mnda la Het yeya.

2Rus 31:20

Tsaya skwi maga Hizkiya ta inda kwakwara la Yuda. Ka magatá tsi ta skwi ɗina, tɗukwa, nda kahwathwata ta kəma Yawe, Lazglafta ni.

2Rus 34:1

Tghas ima Yusiya ta nzatá tsi ka mgham. Ka zatá tsi ta vaku hkən mbsak ndeŋ mida ta gá mgham ma Ursalima.

1Mgh 15:11

Ka mag Asa ta skwi tɗukwa ta wa ira Yawe, manda ŋa dzidza ni Dawuda.

2Mgh 12:3

Ka mag Yuʼas ta skwi tɗukwa ta wa ira Yawe ma nzakwa ni nda hafu, kabga ta taghay Yəhuyada, mnda dra skwi ŋa Lazglafta ta skwi ŋa ni.

2Mgh 14:3

Ka mag tsi ta skwi tɗukwa ta wa ira Yawe, ama klaf a ta ŋa dzidza ni Dawuda wa. Ka ksaftá tsi ta saɗa da ni Yuʼas ma inda skwi.