2Mgh 17:34 - Hdi

³⁴ Ha gita, ka mag həŋ taɓta tsa tva maga skwi ta mag həŋ ghalya ya. Tsəlɓa a həŋ ta tsəlɓu ŋa Yawe wa. Maga a həŋ taɓta skwi ta mag həŋ nda tva skwi ŋa magay, dər zlahu ya vlaŋ Yawe ta zivira Yakubu, ya tsanaf tsi ta hgu ka Israʼila ya wa.

2Mgh 17:34 Referans Kwoze

Zlrafta 35:10

Ka Lazglafta nda tsi mantsa: « Yakubu hga gha, ama haɗ lu dzaʼa hgəgəltá kagha ka Yakubu wa, Israʼila dzaʼa hga lu ta kagha, » kaʼa. Mantsa tama, ka hgə tsi ka Israʼila.

Zlrafta 32:28

« Wa hga gha na? » ka tsa mndu ya ɗawaŋta. « Yakubu, » kaʼa.

2Mgh 17:33

Mantsa tama, ta tsəlɓay tsəlɓay həŋ ta tsəlɓu ŋa Yawe, ta dzaʼa nda maganatá slna həŋ ta lazglaftaha taŋ manda tva nzakwa mnduha ta dzidza taŋ ta tsa haɗik hlagap lu ta həŋ mida ya.

2Mgh 17:25

Tsaw ma fitika zlrafta taŋ ta nzata hada, tsəlɓa a həŋ ta tsəlɓu ŋa Yawe wa. Ka ghunadaghatá Yawe ta rveriha dika həŋ, ka pslatá ndəghata mnduha mataba taŋ.

1Mgh 18:31

Ka hlaftá Iliya ta palaha ghwaŋpəɗ his, taɓta mbsaka mndəra mnduha ta sabi ma mndəra zwana Yakubu, mndu ya mnana Yawe ta gwaɗa ni kazlay na: « Dzaʼa hgay lu ta kagha, ka Israʼila » kəʼa ya.

1Mgh 18:11

Ka kagha ndanana ná, “La da mnanatá rvera gha: Wana Iliya! ka ka” ka kagha.

1Mgh 11:31

Kaʼa nda Yaruvgham mantsa: « Hlaʼa hla ta pehuha na sɗakw na ghwaŋ ŋa gha! Wya ka Yawe, Lazglafta la Israʼila mnata: Kura kura yu ta zluʼaghutá ga mgham ma dzva Salumuŋ, ka pghaghamta ma dzvu ta mndəra mnduha ghwaŋ.

Zlrafta 33:20

Ka dzihwaftá tsi ta gwir guli hada, ka hgə tsi ka Il, Lazglafta la Israʼila.

Zlrafta 32:29

Ka tsa mndu ya mantsa: « Haɗ lu dzaʼa hgəgəltá kagha ka Yakubu wu, ama Israʼila, kabga wudaf wuda ka ta wuda nda Lazglafta nda ya nda mnduha, ka zatá kagha ta ghwa, » kaʼa.

2Mgh 17:40

Ama ka kwalaghutá həŋ ta snata. Ka kɗaŋtá həŋ ta magaku taɓta ya snu həŋ ta dzidza taŋ.