2Mgh 16:3 - Hdi

³ Ama tva mghamha la Israʼila ksaf tsatsi, ha ka draftá tsi ta zwaŋa ni ka skwa pla ghəŋ, taɓta manzakɗawayha maga mndəra mnduha ya ghazliŋ Yawe ta kəma la Israʼila.

2Mgh 16:3 Referans Kwoze

Vrafta ta zlahu 12:31

Yaha kaghuni da magay manda tsa ŋa taŋ ya ŋa Yawe, Lazglafta ghuni, kabga inda manzakɗaway skwiha ta husaŋtá Yawe ya ná, tsaya ta mag həŋ ŋa lazglaftaha taŋ, ha ka dray taŋ ta zwana taŋ nda kwagha taŋ ta vu ŋa pla ghəŋ ŋa lazglaftaha taŋ.

La Levi 18:21

Yaha ka da klaftá dər wati ma zwana gha ŋa pla ghəŋ nda ma drafta ŋa skwa wuyay Mulek. Kfariŋtá hga Lazglafta gha tsaya. Iʼi Yawe.

2Mgh 21:2

Ka mag Mənase ta ghwaɗaka skwi ta wa ira Yawe, ka klaftá tsi ta saɗa manzakɗawayha mndəra mnduha ghazliŋ Yawe ta kəma la Israʼila ya.

2Mgh 21:11

« Maga maga Mənase, mghama la Yuda ta tsa manzakɗawayha ya. Ka magatá tsi ta ghwaɗaka skwi ka malaghutá ŋa la Amuru ta maguta ghalya ma kɗaku tsatsi ya. Ka pghamtá tsi ta la Yuda da ga dmaku nda ma tsa skwa wuyayha ni ya.

2Mgh 17:17

Ka dadaraftá həŋ ta zwana taŋ nda kwagha taŋ ta vu, ka mag həŋ ta maɗəgha ɗəgha, ka vza mandaŋ. Ka vlatá hahəŋ ta ghəŋa taŋ ŋa maga ghwaɗaka skwi ta wa ira Yawe, ka gufanaftá ŋuɗuf.

2Rus 33:6

Ka daraftá tsi ta zwana ni ka skwa pla ghəŋ ta vu ma didiŋa Benʼhinum. Ka dzugu tsi ta zlazlra, nda vza mandaŋ, ka gwaɗ tsi ta gwaɗa ghwaɗaka sulkum, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

2Rus 33:2

Ka mag Mənase ta ghwaɗaka skwi ta wa ira Yawe, ka klaftá tsi ta saɗa manzakɗawayha mndəra mnduha ghazliŋ Yawe ta kəma la Israʼila ya.

2Rus 22:3

Ka ksaftá tsatsi guli ta saɗa la ga Ahav, kabga ma ni ta tiŋway da maga ghwaɗaka skwi nda ma vlaŋtá hiɗaku.

2Mgh 23:10

Ka dmanaftá Yusiya ta Tufet ma didiŋa Benʼhinum ya, ŋa kwala dər wati ma mndu vlatá zwaŋa ni ka makwa ni a tsi ka skwa pla ghəŋ ta vu ŋa vlaŋtá glaku ta Mulek.

2Mgh 21:6

Ka draftá tsi ta zwaŋa ni ka skwa pla ghəŋ ta vu. Ka dzugu tsi ta zlazlra, nda vza mandaŋ, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

2Mgh 8:18

Ka ksaftá tsi ta saɗa mghamha la Israʼila manda ŋa la ga Ahav, kabga makwa Ahav klaf tsi. Ka mag tsi ta ghwaɗaka skwi ta wa ira Yawe.

1Mgh 14:24

Mamu gwal ma tsa haɗik ya guli ta vlatá ghəŋa taŋ ŋa ga karwa ma həga skwa wuyayha. Ka mag mnduha ta inda manzakɗawayha mndəra mnduha ya ghazliŋ Yawe ta kəma la Israʼila.

Vrafta ta zlahu 18:10

Yaha lu slanaghata mataba ghuni ta mndu ta vla zwaŋa ni, ka makwa ni a tsi ŋa driŋta ma vu ŋa pla ghəŋ, ta vza mandaŋ, ta snaŋtá skwi nda ma tekwatsa, ta ga muta, ta ga ɗəgha,

La Levi 20:2

« Ka ka nda la Israʼila na: Dər wa tsi ma la Israʼila, ka mataba la mayəm ta nzakw ma Israʼila a tsi, ta vlaŋtá Mulek ŋa pla ghəŋ ta ya turtuk ma zwana ni katsi, dzata. Dzaʼa zlamba zlamba mnduha ma tsa haɗik ya, ka dzata.

2Mgh 17:8

Laghu la həŋ ksa saɗa nzakwa mndəra mnduha ghəzlaf Yawe ta kəma taŋ, nda tva nzakw ta dzidzí tsatsanagha mghamha la Israʼila.

2Mgh 17:19

Ama dər vərɗa la Yuda guli ná, ŋana a həŋ ta zlahuha Yawe, Lazglafta taŋ wa. Ka ksaftá həŋ ta saɗa tva nzaku ya nzə la Israʼila.

2Mgh 17:16

Kwalaghu kwala həŋ ta sna inda zlahuha Yawe, Lazglafta taŋ. Ka tsatsaftá həŋ ta mamakwa sla his ka kfur nwap lu nda nwa, ka tsatsaftá həŋ ta skwa wuyay Asera, ka tsəlɓu həŋ ta tsəlɓu ta kəma inda skwiha ta luwa, ka mag həŋ ta slna ŋa Baghal.

2Mgh 21:9

Ama ka kwalaghutá həŋ ta snata. Ka mbəɗiŋtá Mənase ta həŋ ta ghwaɗaka tvi, ka magatá həŋ ta ghwaɗaka skwiha ka malaghutá ŋa mndəra sanlaha ma mnduha la mayəm, ya zaɗana Yawe ta kəma la Israʼila ya.