2Kwa 5:10 - Hdi

¹⁰ Inda amu demdem ná, dzaʼa lagha la mu ta kəma *Kristi ŋa tsamaghatá guma, ŋa zlghay inda mndu ta nisəla slna ni ya maga tsi ma nzakwa ni ta ghəŋa haɗik. Ka ɗina slna ni maga tsi, dzaʼa zlghay ta nisəla ni, ka ɗina a slna ni maga tsi wu dzaʼa zlghay ta nisəla ni guli.

2Kwa 5:10 Referans Kwoze

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Suna Yuhwana 22:12

Ka Yesu mantsa: « Wya yu gi ta lagha, dzaʼa kladanaghata nda nisəla yu, ŋa vlaŋtá inda mndu taɓta slna ni maga tsi.

Afisus 6:8

Dər má ka Kwalva ka, dər má ka kwalva a ka wu, ka maga maga ka ta slna ɗina, dzaʼa mutsay ka ta nisəla gha da Mgham.

1Kwa 4:5

Tsa tama ná, ma gi tsə kuni ta guma ta ghəŋa mndu ta kul sagha fitika ni. Kzlawa, ta hway da wa kuni na! Baɗu sagha Mgham ná, dzaʼa kligiŋ kla ta daɓi ta skwi nda ɗifa. Ŋa kligiŋtani duway ta daɓi ta skwi ta ndanə mnduha. Baɗu tsa tama, dər wa dzaʼa mutsa rfa ni da Lazglafta manda ya ta raŋta.

1 Piyer 4:5

Ama hahəŋ nda wa taŋ dzaʼa mnaŋtá slna taŋ ta kəma Lazglafta ya nda fa vgha ni ŋa tsanaghatá guma ta gwal nda hafu nda gwal nda rwa tani.

Slna gwal ghunay 17:31

kabga fa fa ta fitik ŋa tsanaghata guma nda tva ni ta inda ghəŋa haɗik. Zbap zba Lazglafta ta mndu ŋa maga tsaya ka sliʼaganaptá tsi mataba gwal nda rwa. Manda tsaya maranaŋta Lazglafta ta inda mndu kazlay: Tsatsi vərɗa mnda tsa guma zbap yu, » kaʼa.

Slna gwal ghunay 10:42

Tsatsi ta mnaŋnata, ka mna kuni ŋa mnduha, ka sladanafta kuni kazlay: Tsatsi sladana Lazglafta ka mnda tsa guma ta ghəŋa gwal nda hafu, nda ya ta ghəŋa gwal nda rwa kəʼa.

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.

1Mgh 8:32

ka snagata ka daga ta luwa Yawe, ka maga ka ta slna gha, ka tsanaghata ka ta guma ta kwalvaha gha. Ka tsanaghata ka ta guma ta mnda dmaku, vranaf vra ta dmakwa ni ta ghəŋa ni. Mndu tɗukwa ya guli ná, ka maraŋta lu ta tsatsi ka mndu kul haɗ dmakwa ni, ka vranamta lu ta skwi taɓta nzakwa ni tɗukwa.

Zlrafta 18:25

Haɗ kagha dzaʼa maga skwi manda tsaya wu, ŋa zaɗanata gha ta tɗukwa mnduha kawadaga nda ghwaɗaka mnduha wa. Magta a kagha ta skwi mantsa ya ŋa tɗukwa mnduha kawadaga nda ghwaɗaka mnduha wa. Magta a kagha mantsa ya wa. Kagha ta tsanaghatá guma ta inda haɗik ná, tsata a ka ta guma nda tva ni wu ra? » kaʼa.

1Mgh 8:39

snaga sna daga ta luwa nda gaftək, daga ma vla nzakwa gha, ka planata ka ta dmakuha taŋ. Maga, ka vlaŋta ka ta dər wati ma mndu taɓta mbaɗa ni, ya nda sna kagha ta ŋuɗufa inda mndu ya. Mantsa nzakwa ni, kagha turtukwa gha nda sna ta ŋuɗufa mnda səla demdem,

1Sam 2:10

Dzaʼa hurɓu hurɓa ghumaha Yawe, dzaʼa ŋəzla ŋəzla Yawe ta luwa ta ghəŋa taŋ. Dzaʼa tsanagha tsa ta guma ta ghəŋa haɗik tender. Dzaʼa vlaŋ vla ta mbraku ta mgham ya zbap tsi, ta ŋlanaf ŋla manda ghwá ta mndu ya pahap tsi nda ma pghanaghatá rɗi, » kaʼa.

La Ruma 6:19

Manda va ya ta gwaɗ mnda səla ta gwaɗaghunata yu ta na gwaɗa na, kabga pərɗaf a kuni ta snaŋta wa. Ghalya ná, si zliŋ zla kuni ta fawayha ghuni ka vuʼa maga ŋəɗaka skwiha, nda dmakuha ŋa kwal kul sna gwaɗa da Lazglafta. Ndanana tama ná, zlaŋwa zla ta fawayha ghuni ka vuʼa maga skwi tɗukwa ŋa nzakway ka gwal ta snanatá ŋa Lazglafta.

1Sam 2:3

Ma bərfgiŋ kuni ta gwaɗa nda gla ghəŋ, ma səglap gwaɗa ghərɓaku ma wa ghuni, kabga Yawe ná, Lazglafta nda sna ta skwi demdem ya, tsatsi ta graftá ndəgakwa inda slna ta magata mndu.

2Kwa 7:3

Tsaghunaghatá guma a ta tsaghunaghata ŋni wa. Manda va tsa mnə ŋni ya ná, ɗvu ɗva aŋni ta kaghuni. Dər má ŋa mtuta tsi, dər má ŋa nzaku nda hafu a tsi ná, haɗ skwi dzaʼa dgamata wa.

La Ruma 2:16

Tsaya tama, manda na *Lfiɗa Gwaɗa ta mnə yu na, manda tsaya dzaʼa nzakwa tsi baɗu dzaʼa ghunagata Lazglafta ta *Yesu *Kristi ŋa tsanaghatá guma ta ghəŋa inda skwi nda ɗifa ma ŋuɗufa mnduha ya.

Hebru 9:27

Inda mnda səla ná, thanaftha lu ta mtuta ni turtuktuk səla, tahula tsa ŋa tsanaghata Lazglafta ta guma.