2Kwa 11:11 - Hdi

¹¹ Kabgawu kəl yu ka mnay mantsa na? Kwala ɗa kul ɗvutá kaghuni ra? Nda sna Lazglafta kazlay: Ɗvu ɗva yu ta kaghuni kəʼa.

2Kwa 11:11 Referans Kwoze

2Kwa 12:15

Iʼi ná, nda rfu dzaʼa vlaghunata yu ta inda skwa ɗa nda ghəŋa ɗa tani ŋa kata kaghuni. Dzaʼa htanaghuta nda hta kaghuni ta ɗvutá iʼi kabga ɗvuta ɗa ta kaghuni ra?

2Kwa 7:3

Tsaghunaghatá guma a ta tsaghunaghata ŋni wa. Manda va tsa mnə ŋni ya ná, ɗvu ɗva aŋni ta kaghuni. Dər má ŋa mtuta tsi, dər má ŋa nzaku nda hafu a tsi ná, haɗ skwi dzaʼa dgamata wa.

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.

Hebru 4:13

Haɗ sana skwi ta ɗifaghuta ta wa ira Lazglafta wa. Nziɗiɗ həŋ demdem ta wa ira ni. Nda ngha ira ni ta inda skwi demdem. Dzaʼa mnay mu ta inda skwi ta kəma ni.

2Kwa 11:31

Nda sna Lazglafta Da ni ma Mghama mu Yesu ta zləzlvu lu ŋa kɗekedzeŋ ya kazlay: Tsakala a yu ta wi wu kəʼa.

Slna gwal ghunay 15:8

Ka maraŋtá Lazglafta ya nda sna ta ŋuɗufa inda mndu, ka tsuʼaftá həŋ nda ma vlaŋta ni ta Sulkum nda ghuɓa ta həŋ manda ya vlama tsi ta amu ya guli.

Yuhwana 21:17

« Simuŋ zwaŋa Yuhwana! Ta ɗvay ka ta iʼi? » kaʼa nda tsi ka mahkən. Ka kuzlanaftá tsi ta Piyer ta ŋuɗuf na tsa ɗaway Yesu ka mahkən kazlay: Ta ɗvay ka ta iʼi ra kəʼa ya. « Mghama ɗa, nda sna kagha ta inda skwi, nda sna kagha guli kazlay: Ta ɗvay yu ta kagha kəʼa, » kaʼa nda tsi. « Ka ngha ka ta tuwakha ɗa, » ka Yesu nda tsi.

Yəhusuwa 22:22

« Yawe, Lazglafta ta ghəŋa inda lazglaftaha, Yawe, Lazglafta ta ghəŋa inda lazglaftaha, nda sna tsatsi guli ka kabgawu kəl ŋni ka magata mantsa. Dzaʼa nda sna inda la Israʼila guli. Pgha ghəŋ mag ŋni nda Yawe ra? Krughuvi dagala gana ŋni ra? Ka mantsa tsi, ma zlaŋna tsi nda hafu gita.

2Kwa 11:10

Ta ghubakwa ɗa yu nda tsaya, haɗ mndu ta inda haɗika Akaya dzaʼa pyaftá iʼi wa. Na skwi ta mnə yu na ná, kahwathwata ɗa ta mna yu ma hga Kristi ta nzakway ma iʼi.

La Ruma 1:9

Nda sna Lazglafta ya ta maganata yu ta slna nda ŋuɗufa ɗa turtuk ma mnay ɗa ta *Lfiɗa Gwaɗa ta ghəŋa Zwaŋa ni, ta skwi dzaʼa yu mnay. Nda sna kazlay: Ma inda fitika ndəɓay ɗa ta dzvu ná, ta kulay yu ta kaghuni kəʼa.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.