1 Piyer 1:14 - Hdi

¹⁴ Ya nda nza kuni ka zwana Lazglafta ta snanatá gwaɗa ni ya, ma zlanaŋ kuni ta vgha ghuni ta ghwaɗaka skwiha, ya si ta zɗəgaghunata ghalya ma nzakwa ghuni ta kul snaŋtá *Lfiɗa Gwaɗa.

1 Piyer 1:14 Referans Kwoze

La Ruma 12:2

Ma ksə kuni ta saɗa mnduha ma na ghəŋa haɗik na, zlaŋwa Lazglafta ka mbəɗaghunafta tsi ta ndana ghuni ka lfiɗ, kada laviŋta kuni ta tsatsaftá skwi ta kum Lazglafta, skwi ya ta ɗinuta, ta zɗəganata, ta payuta.

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

1Tes 4:5

ŋa ghudzaku tida manda ŋa gwal kul snaŋta Lazglafta ya a guli wa.

La Ruma 6:4

Ma magamatá batem ná, nda gwa mu nda tsi ma mtakwa ni, paɗam paɗa lu ta amu kawadaga nda tsi. Ka sliʼaganaptá mbrakwa glakwa Da ta Yesu Kristi ŋa nzakwa amu guli nda lfiɗa hafu.

Slna gwal ghunay 17:30

Ŋaw lu ɓa, ka Lazglafta nda mnduha daga manda ghalya, kabga kwala taŋ kul snaŋta. Ndanana tama, ta hga mnduha Lazglafta ma inda vli ka mbəɗanafta həŋ ta nzakwa taŋ,

Afisus 5:6

Yaha mnduha da nanaghatá kaghuni nda tsakalawa taŋ. Ta ghəŋa tsa ghwaɗaka skwiha ya ta ɓasa Lazglafta ta ŋuɗuf dzaʼa kəl tsi ka tsanaghatá guma ta gwal ta maga tsa ghwaɗaka skwiha ya.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

Vrafta ta zlahu 27:10

Snawa sna ta lwa Yawe, Lazglafta ghuni. Ŋana kuni ta gwaɗaha ni nda zlahuha ni ta mnaghunata yu gita, » ka həŋ.