1Tim 4:16 - Hdi

¹⁶ Ɗasuwa ka ka nda nzakwa gha, ɗasuwa ka ka nda skwi ta tagh ka guli. Ndiʼamndiʼa mida. Ma tsa magay gha mantsa ya, dzaʼa mbanafta ka ta ghəŋa gha, nda gwal ta fata sləməŋ ka snay tani.

1Tim 4:16 Referans Kwoze

Titus 1:9

Mndu ta laviŋta ŋanatá gwaɗa Lazglafta taɓta skwi manda va ya taghanaf lu katsi. Tsaya dzaʼa kəl tsi ka pərɗafta kataŋtá sanlaha nda taghanaftá skwi tɗukwa manda va ya ta raku ta həŋ, ŋa maranaŋtá krughuva taŋ ta gwal ta mbəɗanaftá gwaɗa.

Titus 2:7

ma inda skwi. Kagha guli, ka maga ka ta skwi ɗina ŋa nghay taŋ ta kagha, ŋa ksay taŋ ta saɗa gha. Nda ŋuɗuf turtuk ká ka tagha skwi ta tagh ka ŋa taŋ. Yaha ka da tsaɓaku.

1Rus 28:10

Ngha ndanana ɓa, zbap zba Yawe ta kagha ŋa banaftá həga ka vla ni nda ghuɓa. Ŋava ŋa, ka maga ka ta slna! » kaʼa.

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Afisus 4:14

Nda tsaya tama ná, nzata a mu manda zwani wa. Nanglafta a gwal tsakalawi ta amu nda tsa ghwaɗaka skwa taŋ ta tagh həŋ ya ŋa zaɗimista ma tvi, manda kwambalu ta klambaraku ta ghəŋa drəf wa.

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.

Hebru 12:15

Ɗasuwa ka kuni yaha mndu dər turtuk da mbəɗanatá hul ta zɗakatahuɗa Lazglafta. Yaha ya dər ka turtuk da nzakway manda slrəŋ ɗahɗaha da ɗyamta ka ɓadza ndəghata mnduha.

2Tim 3:14

Ama kagha, ma skwi ya taghaf ka, ká ka gɗavata. Ka fafta ka ta ghəŋa gha dar tida, kabga nda sna ka ta mndu ta taghaghafta.

Lukwa 21:34

« Ɗaswa ka kuni da laghu kuni dzamtá ghəŋ ma skwi ŋa zay nda za, nda skwi ŋa say nda sa, nda ndana nzaku ma ghəŋa haɗik, da sagha tsa fitika sagha *Zwaŋa mndu ya ksaghunaghata dluk.

1Tim 4:6

Ka taghanaf tagha ka ta inda tsa skwiha ya ta zwana ma katsi, dzaʼa nzakway ka ka ŋərma kwalva *Yesu *Kristi. Dzaʼa maraŋ mara ka kazlay: Nda bagha ka nda gwaɗa zlghay nda ŋuɗuf, nda ya nda vərɗaka tagha skwi ya taghaf ka kəʼa.

1Tim 1:3

Manda ya si ta mnə yu ŋa gha ma sliʼa ɗa da luwa Mekaduniya ya kay, ka nzata ka ma luwa Afisus, kabga mamu gwal ta tagha tsakalawi ŋa mnduha. Ka dvanaghata ka ta həŋ ŋa zlaŋta taŋ.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.

1Kwa 9:27

Ta zlahay yu ta ghəŋa ɗa ka ghuya ɗaŋwa ŋa ni, kada kwala vərɗa iʼi ta dəɗaghuta nda hul tahula mnanata iʼi ta *Lfiɗa Gwaɗa ta sanlaha.

Slna gwal ghunay 6:4

Aŋni ya, ka dihavata ŋni ka maga duʼa nda mna gwaɗa Lazglafta, » ka həŋ.

Markus 13:9

Kaghuni, ɗaswa ka kuni, dzaʼa hlay lu ta kaghuni da vla guma, dzaʼa ɗgay lu ta kaghuni nda sarak ma həga tagha skwa la *Yahuda. Dzaʼa hladaghunagha hla lu ta kəma la ŋumna nda mghamha, kabga nzakwa ghuni ka duhwalha ɗa. Hada dzaʼa maraŋta kuni ta nzakwa ghuni ka masləmtsəka ɗa ta kəma taŋ.

Yakubu 5:20

Ɗina ka snaŋta ni kazlay: Mndu ya ta vranaktá mnda dmaku ma tvi ya si zwaɗu tsi ná, mbanaf mba ta hafa tsa mnda dmaku ya ma mtaku. Ma tsa slna maga tsi ya guli ná, dzaʼa pliŋ pla Lazglafta ta ndəghata dmakuha.

Titus 2:15

Mantsa ya ká ka da taghanaftá həŋ. Ka vlaŋta ka ta mbraku ta həŋ. Ka dvanaghata ka ta gwal kul sna gwaɗa nda inda mbraku ya vlagha Lazglafta. Yaha mnduha da hərtətata kagha.

Kwalus 4:17

Mnanawa mna ta Artipus « ka ŋavata tsi ma slna ya vlaŋ Mgham Yesu Kristi, ŋa kɗanaftani. »

1Kwa 9:22

Ka mataba gwal nda hta mbrakwa taŋ ma zlghay nda ŋuɗuf yu ya, manda hahəŋ ka yu ta nzaku, kada mbranafta yu ta həŋ. Mantsa ya fata iʼi ta ghəŋa ɗa, ka nzaku ta vata dər wati ma mndu tsi ka maga inda kɗavakta hiɗakwa ɗa ŋa mbaʼatá sanlaha.

La Ruma 11:14

ŋa sliʼanaftá ŋuɗufa zwana ma ɗa ŋa draku ka má ta magaku tsi ŋa mbanaftá sanlaha mataba taŋ.

La Ruma 2:7

Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ.

Slna gwal ghunay 26:22

Ama ka katagaɗiptá Lazglafta. Ha gita, tata kɗaŋ kɗa yu ta nzaku ka masləmtsəka ni ta kəma inda mnduha, nda zwaŋ tani, nda glata mndu tani. Haɗ skwi dzaʼa mnəglata iʼi ka malaghuta ya mnə la anabi, nda i Musa ta ghəŋa skwi dzaʼa magaku, mna həŋ kazlay:

2Rus 19:6

Kaʼa nda tsa gwal tsa guma ya mantsa: « Ɗasuwa ká kuni nda skwi dzaʼa kuni da magay, kabga ŋa mnduha a dzaʼa tsa kuni ta guma wu, ŋa Yawe ya, kawadaga tsatsi nda kaghuni ta tsə kuni ta guma.

Filimuŋ 1:19

Iʼi Pwal, ta vindafta nda dzva ɗa yu, dzaʼa play yu, dməŋa ɗa kagha ma zlgha nda ŋuɗuf a skwi ta kum yu ta mnay guli wa.

1Tes 2:16

Ta kumay həŋ ta pyaftá aŋni ta mna gwaɗa Lazglafta ŋa gwal kul nzakway ka la Yahuda, yaha həŋ da mbafta. Ndanana, hɗanam hɗa həŋ ta dmakwa taŋ, ka kɗavakta tsi nda ɓasafta Lazglafta ta ŋuɗuf ta ghəŋa taŋ.

Sabi 23:13

Ka ŋanata kuni ɗina ta inda tsa gwaɗaha managhuna yu ya. Yaha kuni hgaŋtá hga sana lazglaftaha, dər snaŋtá kulay ma wa ghuni. »

1Kwa 1:21

Nda ŋa taŋ ma ɗifil ná, trap tra mnduha ma ghəŋa haɗik ta tsatsaftá skwi maga Lazglafta nda ŋa ni ma ɗifil. Ka klaftá Lazglafta ta tsa gwaɗa ta mnə mu, niŋ hahəŋ ka gwaɗa tsaɓaku ya, ŋa mbanaftá mnduha ta zlghafta.

1Tim 4:15

Ŋafŋa ta vgha ta tsa skwiha ya, ka maga ka nda kɗavakta ŋuɗufa gha, ŋa nghaŋta inda mnduha ká ka ta dzaʼa ta kəma ta kəma.