1Tim 1:1 - Hdi

¹ Iʼi Pwal, ghunatá mnda *Yesu *Kristi, manda ya mnaf Lazglafta mnda mba amu nda Yesu Kristi ya faf mu ta ghəŋ tida ta vinda na ɗelewer na.

1Tim 1:1 Referans Kwoze

Titus 1:3

Ka kligiŋtá Lazglafta ta gwaɗa ni ŋa mnduha ma fitik ya kumaŋ tsi nda ma mna gwaɗa ni. Tsatsi Lazglafta mnda mba mndu ta ghunaftá iʼi ŋa magay.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Slna gwal ghunay 9:15

Ka Mgham Yesu nda tsi mantsa: « La! Iʼi ta zbaptá tsa mndu ya ŋa ghunay ɗa, ŋa mnanaŋtá hga ɗa ta sanlaha ma mnduha, nda ya ŋa mghamha, mantsa ya guli ŋa mnduha la Israʼila.

Yuda 1:25

Ŋa Lazglafta turtukwa ni ya ta mbamafta nda ma *Yesu *Kristi Mghama mu ga mgham, nda mbraku, nda glaku, daga manda ghalya nda ya ndanana ha ŋa kɗekedzeŋ. *Amin.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

Galat 1:1

Nana ɗelewer na ná, iʼi Pwal ta nzakway ka mnda ghunay ta vindaghunafta. Daga da mnduha a sagha tsa nzakwa ɗa ka mnda ghunay ya wu, sana mndu a guli ta klaɗiktá lwa ni wa. I *Yesu *Kristi nda Lazglafta Da ta sliʼaganaptá Yesu ma mtaku ya, ta ghunaftá iʼi.

2Kwa 1:1

Iʼi Pwal zbap Lazglafta ŋa nzaku ka mnda ghunay *Yesu *Kristi ta vindaghunaftá na ɗelewer na. Kawadaga ŋni nda zwaŋama Timute. Ta ga zgu ŋni ŋa kaghuni Igliza Lazglafta ma luwa Kwareŋt, nda ya ŋa inda gwal zlghay nda ŋuɗuf ta kuraghuta kwakwara haɗika Akaya tani.

2 Piyer 1:1

Iʼi Simuŋ *Piyer ta nzakway ka kwalva nda ya ka ghunatá mnda *Yesu *Kristi ta vinda na ɗelewer ná, ŋa gwal ta mutsaftá zlghay nda ŋuɗuf ka guram nda va ŋa ŋni, nda ma zɗakwa Lazglafta nda Yesu Kristi.

1Tim 2:7

Ŋa tsaya kəl lu ka fatá iʼi ka mnda mnay, ka mnda ghunay guli. Nda nza yu ka mnda taghanaftá gwal kul nzakway ka la Yahuda ta gwaɗa ta zlghay nda ŋuɗuf, nda kahwathwata. Tsakalawa ɗa a wu, kahwathwata ta mnə yu.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

1Kwa 1:1

Iʼi Pwal, hgaf Lazglafta manda ya kumaf tsi ŋa nzakway ka mnda ghunay *Yesu *Kristi. Kawadaga ŋni nda zwaŋama mu Sustene,

1 Yuhwana 4:14

Ghunaga ghuna Lazglafta ta zwaŋa ni ta nzakway ka mnda mba mndu ta ghəŋa haɗik, ka nghaŋtá aŋni nda ira ŋni, tsaya ta mnə aŋni ŋa mnduha.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

Titus 3:6

Tsa Sulkum nda ghuɓa ghunaga Lazglafta nda ma *Yesu *Kristi ya ta ndəghanaftá ŋuɗufa mu.

Titus 3:4

Ama, manda maraŋta Lazglafta mnda mba amu ta zɗakwa ni nda ɗva mndani katakata,

Titus 2:13

ma na nzakwa mu ta kəzla ŋərma fitik faf mu ta ghəŋ tida dzaʼa maravata glakwa Lazglafta dagala, ta nzakway ka *Yesu *Kristi mnda mba amu ya,

Titus 2:10

Yaha həŋ da kasaŋtá skwiha taŋ. Ŋərma skwi ka həŋ da magay katək, kada grafta daŋahəga ni həga taŋ kazlay: Tɗukwa mnduha həŋ kəʼa. Mantsa dzaʼa kəl mnduha ka ghuba tsa skwiha ta tagh mu ta ghəŋa Lazglafta mnda mba amu ya.

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

1Tim 2:3

Tsaya skwi ɗina ta zɗəganatá Lazglafta mnda mba amu.

Galat 1:11

Zwana ma ɗa, ta snaghunam sna yu kazlay: Nana *Lfiɗa Gwaɗa ta mnaghunata yu na ná, sabi da mnda səla a wu kəʼa.

1Kwa 9:17

Ka má iʼi ta kuratá magay katsi ná, ma dzaʼa play lu ŋa ɗa. Tsaw iʼi a ta kurata wu, ta magay yu kabga tkweʼ faɗighata lu ta magay.

La Ruma 1:1

Iʼi Pwal ta nzakway ka kwalva *Yesu *Kristi ta vindaftá na ɗelewer na. Lazglafta ta hgaftá iʼi ŋa nzakwa ɗa ka mnda ghunay ni. Tsatsi ta zbaptá iʼi ŋa dzaʼa ɗa mna Lfiɗa Gwaɗa ni ŋa mnduha.

Lukwa 1:47

Ta taku ŋuɗufa ɗa da rfu ta ghəŋa tsatsi mnda mba iʼi,

Lukwa 2:11

Gita yəgaghunata lu ta mnda mba mndu ta nzakway ka *Kristi ma luwa Dawuda.