1Tes 4:8 - Hdi

⁸ Tsaya tama, ka va a yu ta tsa gwaɗa ya wu ka mndu katsi, mndu a vziŋ tsi wu, Lazglafta ta vlaghunatá Sulkuma ni nda ghuɓa ya vziŋ tsi.

1Tes 4:8 Referans Kwoze

1 Yuhwana 3:24

Mndu ta sna zlaha Lazglafta ná, ta gɗava gɗa kawadaga nda Lazglafta, ta gɗava gɗa Lazglafta guli kawadaga nda tsatsi. Nda sna amu guli kazlay: Ta gɗava gɗa Lazglafta ma amu nda ma Sulkum ya vlama tsi kəʼa.

Lukwa 10:16

Ka *Yesu guli nda duhwalha ni mantsa: « Mndu ta snatá gwaɗa ghuni, gwaɗa ɗa sna tsi. Ka kwalaghu kwala mndu ta tsuʼaftá kaghuni, iʼi kwalaghu tsi ta tsuʼafta. Ka kwalaghu kwala mndu ta tsuʼaftá iʼi, kwalaghu kwala ta tsuʼaftá mndu ta ghunigihata, » kaʼa.

Yuhwana 12:48

Mndu ta vziɗta ka kwalaghutá tsi ta zlghaftá gwaɗa ɗa, dzaʼa tsanagha tsa lu ta guma. Tsa gwaɗaha gwaɗa yu ya dzaʼa tsanaghatá guma baɗu kɗakwa ghəŋa haɗik.

1Sam 8:7

Ka Yawe nda Samuyel mantsa: « Snana sna ta həŋ, ka maga ka ta inda skwi dzaʼa mnaghata həŋ. Kagha a vziŋ həŋ wu, iʼi ya. Va a həŋ ta gay ɗa ta mgham ta ghəŋa taŋ wa.

2 Piyer 1:21

Tsa gwaɗaha hlak la anabi ya ná, haɗ ya walaŋ mnda səla ta tsaʼata ma ghəŋa ni wa. Sulkum nda ghuɓa ta vlaŋtá mbraku ta həŋ, ŋa mna skwi ya mnanaf Lazglafta ta həŋ.

Yuda 1:8

Tsa mnduha ta lam da taba ghuni ya ná, mndərga ya ghwaɗaka skwiha ya ta mag həŋ. Ta sliʼam sliʼa həŋ da maga ghwaɗaka skwi ta zɗəganatá həŋ manda ya ta fanaghata suni ta həŋ. Vla a həŋ ta glaku ŋa Lazglafta wu, mbaɗa həŋ ka raraza gwal dagala dagala ta luwa.

Galat 4:6

Ŋa maraŋta kazlay: Zwana ni kuni kəʼa, ka ghunagatá Lazglafta ta Sulkuma zwaŋa ni da ŋuɗufa mu. Tsa Sulkum ya ta mnay kazlay: Aba! Da! kəʼa.

1Kwa 7:40

Ka má manda ndana iʼi tsi, mal ma nzata ni mantsa ya dzaʼa mutsafta tsi ta rfu, ka ya dzaʼa laghu tsi mista sana zəʼal. Nda sna yu guli kazlay: Mamu Sulkuma Lazglafta da iʼi kəʼa.

La Ruma 5:5

Ka faf fa mu ta ghəŋ ta Lazglafta ná, nzata a ka bətbət wu, kabga maramaŋ mara Lazglafta ma ŋuɗufa mu kəʼa ɗvutá amu nda ma Sulkuma ni ya vlama tsi.

Nəhemiya 9:30

Nda kɗa vakwa gha ta ksa ŋuɗuf nda həŋ. Ka vlaŋtá ka ta Sulkuma gha ta anabiha ŋa dvanaghatá həŋ, ama fagha həŋ ta sləməŋ wa. Mantsa tama, ka vlatá ka ta həŋ ma dzva mndəra sana mnduha.

1Sam 10:19

Ama kaghuni gita, ka vziŋtá kuni ta Lazglafta ghuni, ya ta mbaghunafta ma inda ɗaŋwaha ghuni, nda inda skwi ta ga zləŋ ŋa ghuni. Ka kuni nda tsi na: “Vlaŋna vla ta mghama ŋni!” ka kuni. Ndanana, sladawa slada ta kəma Yawe, ka mndəra mndu ka mndəra mndu, ka uʼa ka uʼa, » kaʼa.

1 Piyer 1:12

Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

1Kwa 2:10

Ŋa aŋni maraŋnaŋta Lazglafta ta tsa skwi ya nda ma Sulkuma ni. Sulkum ná, nda sna ta inda skwi, nduk nda kɗavakta skwi ma ndana Lazglafta.

Slna gwal ghunay 13:41

“Kaghuni gwal ta mna mbrəs nda Lazglafta, nghawa ngha, ndərmima wa ndərmima, ka zwaɗutá kuni, kabga dzaʼa magay yu ta fitika ghuni ta mandərmimi, ya dər ma kinawu rusaghunafta lu ná, grafta a kuni ɗekɗek wu kəʼa ya”. »

Sabi 16:8

Ka Musa guli mantsa: « Dzaʼa vlaghuna vla Yawe ga hawu ta sluʼi ŋa zay ghuni. Ga sərɗək ya, ŋa baghaghunafta ni nda skwa zay, kabga snaŋ sna ta ruruŋwaku ta ruruŋ kuni ta ghəŋa ni. Ta ghəŋa aŋni a tsa ruruŋwakwa ghuni ya wa. Wa aŋni na? Ta ghəŋa Yawe ta ruruŋwa kuni ta ruruŋwaku, » kaʼa.

2Kwa 1:22

ka tahamaftá tsi ta ŋizla ŋa maraŋtá kazlay: Ŋa ni amu kəʼa. Tsaya ta nzakway ka Sulkum nda ghuɓa famam tsi ma ŋuɗufa mu ŋa gramaftá skwiha ɗina ɗina dzaʼa tsi magay ŋa mu dazlay.