1Tes 4:11 - Hdi

¹¹ Ŋavawa ŋa ka nzata kuni nda zɗaku, ma tsatsafaku kuni ta tsatsafaku, magawa maga ta slna nda dzva ghuni ŋa kata ghəŋa ghuni, manda ya ghada ŋni ta mnaghunata ya.

1Tes 4:11 Referans Kwoze

Afisus 4:28

Ka si ta ghali mndu katsi, yaha tsi da ghalgəltá ghali, ka maga tsi ta slna nda dzva ni ŋa kata ghəŋa ni, nda ya ŋa mutsafta ni ta skwi ŋa kataŋtá la ka pɗu.

1 Piyer 3:4

Ka nza rkata rka ghuni ka skwi nda ɗifa ma ŋuɗufa ghuni, ka nzakwa tsi ka rka ya kul haɗ ta ɓadzavata, manda: Nzaku leɓtekwa, tɓekwa. Tsaha ya skwi dagala sgita ni da Lazglafta.

Titus 3:14

Ɗina ka taghanaftá gwal zlghay nda ŋuɗuf manda amu ta ŋavata ka maga skwiha ɗina ɗina, ŋa kataŋta taŋ ta gwal htaghu skwi da həŋ, kabga dzaʼa mutsay həŋ ta nisəla taŋ.

1Tim 2:2

Ɗina ka maga duʼa ta ghəŋa mghamha nda inda gwal ta ŋanatá ga mgham, kada mutsafta mu ta nzaku leɓtekw, ma zɗaku, ma zləŋa Lazglafta nda tva ni, ŋa nzay mu ta nzaku manda ya ta raku dər ta wati ma tvi tsi.

1Kwa 4:12

Aŋni ta hərfaku ka maga skwi ŋa fadamta ŋni da wa ŋni. Razaŋnafha mndu, má tahula gha ka Lazglafta, ka ŋni. Dər ki lu ta dula aŋni ya ná, mərsuʼ ká ŋni ta suʼay guli.

1 Piyer 4:15

Ka ta ghuyay sani mataba ghuni ta ɗaŋwa katsi, ma nza tsi, kabga vəl dzata ni ta mndu, kabga ghalatani ta ghali, kabga vəl magata ni ta ghwaɗaka skwi, kabga vəl valamtani da skwi kul nghanata.

1Tim 5:13

Ta ghəŋa tsa guli, haɗ sana skwi ta mag tsi ta ghəŋa sliʼa ni da ra wa tgha həga ga mndu wa. Dzaʼa ra wa tgha həga ga mndu yeya a guli wu, dagala va yawa taŋ. Gwaɗa kul nghanatá həŋ ná, tsaghuzlaram ka həŋ dida.

2Kwa 5:9

Dər má tata ghəŋa haɗik mu, dər má ta luwa a mu ná, zɗəganata mu skwi kumaf maya amu.

La Ruma 12:11

Kwats kwats ka kuni, ma yaɗi kuni ta yaɗi, ufa ka vgha ghuni ka maga slna Mgham *Yesu.

Slna gwal ghunay 20:35

Inda tsa slnaha mag yu mantsa ya ná, ŋa maraghunata kazlay: Mantsa ya ta maga lu ta slna ŋa kataŋtá gwal ka pɗu kəʼa. Ŋa havaghunakta guli ta gwaɗa Mgham Yesu ta mnay kazlay: Mal mndu ta vlay ta rfu, ka mndu ta zlghay kəʼa ya, » kaʼa.

Markus 13:34

Tsa skwi ya ná, dzaʼa nzakway manda zəʼala həga ta vrakta ta za wliwani. Ma sliʼa ni, ka zlaŋtá tsi ta həga ni ma dzva gwal ksanatá slna ni, daganafha ta slna taŋ ta həŋ. Ka ngha ka ta həga, kaʼa nda mnda ngha həga, ka nzata ka hzleŋa, kaʼa guli. Ka sliʼaftá tsi ka laghu.

La Ruma 15:20

Ma vli ya ta kul snaŋtá mnduha ta gwaɗa ta Kristi yeya kumta maya ɗa ta mna Lfiɗa Gwaɗa kada kwala yu ta magay ta thatá ŋa sana mndu ta magata.

Slna gwal ghunay 18:3

Ka skwa turtuk slna ta mag həŋ. *Həga tumpul ta ɗaɗah həŋ. Tsaya kəl Pwal ka gwaftá vgha nda həŋ.