1Tes 3:11 - Hdi

¹¹ Má ka ɓhadaŋnaghaɓha Lazglafta tsatsi ka ghəŋa ni ta nzakway ka Da mu, nda Mghama mu Yesu, da kaghuni.

1Tes 3:11 Referans Kwoze

Mata 6:32

Inda tsaha ya ná, gwal kul snaŋtá Lazglafta ta psay. Nda sna Da ghuni ta luwa ta skwiha ta raku ka ŋa ghuni.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

1Tes 3:13

Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

Lukwa 12:32

« Ma zləŋ kuni ta zləŋ kaghuni gwal ta nzakway ka ŋa ɗa manda zwaŋa bra. Zɗəgana zɗa ta Da ghuni Lazglafta na vlaghunata ni ta ga mghama ni.

Mata 6:26

Nghawa ngha ta ɗyak ta ndaraku ta luwa ɓa. Haɗ həŋ ta sləgu wu, tska a həŋ ta skwi ta vwah wu, haɗ həŋ ta tskanatá skwi ma guvur guli wa. Da ghuni ta luwa ta zuŋtá skwi ta həŋ. Malaghu mala a kaghuni piw ka hahəŋ wu ra?

1 Yuhwana 3:1

Nghawa ka Da mu Lazglafta ɗvutá amu ɓa! Zwana ɗa kəʼa ta hga amu. Manda va tsaya nzakwa ni guli, zwana Lazglafta amu. Tsaw sna a mnduha ma ghəŋa haɗik ta amu wu, kabga sna a həŋ ta Lazglafta wa.

2Tes 3:5

Ka maraghuna mara Mgham Yesu ta tvi ŋa ɗvuta ghuni ta Lazglafta, nda ya ŋa hbay ghuni ta ŋuɗuf manda ŋa *Kristi.

Lukwa 12:30

Gwal kul snaŋtá Lazglafta ma ghəŋa haɗik ta laghu da zba tsaha ya. Kaghuni ná, nda sna da ghuni kazlay: Ta ɗvay kuni ta tsa skwiha ya kəʼa.

Markus 1:3

Lwa tsa mndu ya ta snu lu ta hagaku ma mtak kazlay: Payanawa paya ta tvi ŋa Mgham ka leleʼanata kuni kəʼa.

Galat 1:4

Vərɗa Yesu ka ghəŋa ni ta vlatá ghəŋa ni ŋa mbamafta ma dmakwa mu. Ka hlagamaptá ma na ghwaɗaka nzaku ta na zamana ná, manda ya kumaŋ Da mu Lazglafta.

La Ruma 1:3

Ta ghəŋa zwaŋa ni ya ka mnda səla yaga lu ma zivira mgham Dawuda tsa gwaɗa ya.

Mata 6:18

Tsaya dzaʼa kwal mnduha tsatsafta ta suma ka kəʼa. Ta ghəŋa Da gha hada ta nzaku ma ɗifa yeya nda ngha. Dzaʼa plagham pla tsa Da gha nda ngha ta skwi ta mag ka ma ɗifa ya. Psawa psa ta mutsaftá gadghəl da Lazglafta. »

Mata 6:14

« Ka plinis pla kuni ta dmakwa mnduha ta magaghunata katsi, Da ghuni ta nzakway ta luwa ná, dzaʼa plighunis pla ta ŋa ghuni guli.

Mata 6:6

Ama kagha, ka ta maga duʼa ka, laghu la da dzuguva gha, ka hafta ka ta tgha gha ka ndəɓa ka ta dzvu. Dzaʼa plagham pla Da gha ta nzakway ta nghay ma ɗifa ya.

Kwalus 1:2

Mnduha Lazglafta ma luwa Kwalus, ta nzakway ka ŋərma zwana ma ŋni ma Kristi. Ka vlaghuna vla Lazglafta ta nzakway ka Da mu ta zɗakatahuɗi nda zɗaku.

2Kwa 6:18

Dzaʼa nzakway yu ka Da ghuni, ŋa nzakwa kaghuni ka zwana ɗa nda kwagha ɗa guli, ka Mgham Lazglafta nda mbra kəʼa ya.

Mata 6:4

Tsaya dzaʼa kəl tsa mbəha gha ya ka nzakway ka skwi nda ɗifa. Dzaʼa plagham pla Da gha Lazglafta ta ngha skwi ta mag ka ma ɗifa ya. »

Yuhwana 20:17

« Ma ŋiha ka, ta laf a yu da Da ɗa karaku wu, la da mnay ŋa zwana ma ɗa kazlay: Ta dzaʼa da Da ɗa ta nzakway ka Da ghuni yu, da Lazglafta ta nzakway ka Lazglafta ghuni ya yu guli, » ka Yesu nda tsi.

1Tes 4:16

Baɗu tsaya, dzaʼa ghudzaga ghudzaga lwa Lazglafta, ŋa kapaŋta mali ta ghəŋa duhwalha ni ta lwi, ka vyatá dula Lazglafta, ŋa saha Mghama mu Yesu ka ghəŋa ni ta luwa, ŋa sliʼagapta gwal nda rwa ma *Kristi karaku taŋtaŋ,

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

2Tes 3:16

Ka vlaghuna vla Mgham Yesu tsatsi ka ghəŋa ni ta vla zɗaku ya, ta zɗaku dər ta wati luwa tsi. Ka nza Mgham Yesu kawadaga nda kaghuni demdem.

Suna Yuhwana 21:3

Ka snaŋtá yu ta sana lwi ta gugɗagapta ma dughuruk. Kaʼa mantsa: Wya həga tumpula nzakwa Lazglafta mataba mnduha! Ŋa nzakwa ni kawadaga nda həŋ, ŋa nzakwa taŋ ka mnduha ni, ŋa nzakwa tsatsi guli kawadaga nda həŋ,