1Sam 14:45 - Hdi

⁴⁵ Ka mnduha nda Sawulu mantsa: « Nu! Yunataŋ ta zanaktá ghwa katakata ta la Israʼila ya dzaʼa dzata lu ra? Kadzeŋkadzeŋ! Ta waɗa waɗa ŋni nda hga Yawe nda hafu mida, haɗ swidi ma ghəŋa ni dər turtuk dzaʼa dɗadata ta haɗik wu, kabga nda kata mnda Lazglafta magata tsi ta tsa slna baɗ tsaya, » ka həŋ. Ka katatá mnduha ta Yunataŋ, dza a lu wa.

1Sam 14:45 Referans Kwoze

Slna gwal ghunay 27:34

Kdəkwa kdək, tsuwatsa ta skwa zay ŋa ŋaghunatá ta ŋuɗuf. Haɗ ya ma kaghuni dzaʼa dəɗavaghuta swida ni dər ka turtuk wu, » kaʼa.

Lukwa 21:18

Ama dər turtuk haɗ ya dzaʼa dəɗavaghuta ma swida ghəŋa ghuni wa.

2Sam 14:11

Ka tsa marakw ya mantsa: « Ta mblam ka hafa gha mghama ɗa. Kdəkkdək, má ka havak hava mgham ka Yawe, Lazglafta ni, kada kwala mnda plamtá us sgəglanaghatá zaɗaku, dá kɗiŋtá lu ta tsa zwaŋa ɗa ya, » kaʼa. Ka Dawuda mantsa: « Ta waɗa waɗa yu nda hga Yawe nda hafu mida! Haɗ ya dər turtuk ma swida ghəŋa zwaŋa gha dzaʼa dɗagata ta haɗik wu, » kaʼa.

1Mgh 1:52

Ka Salumuŋ mantsa: « Ka ta nzay tsi ta nzaku ka ŋərma mndu, haɗ ya dər turtuk ma swida ghəŋa ni dzaʼa dɗadata ta haɗik wu, ama ka maga maga tsi ta ghwaɗaka skwi katsi, dzaʼa mtaku, » kaʼa.

2Kwa 6:1

Ndanana ná, ta ksa slna aŋni nda Lazglafta. Kdəkwa kdək ta ndəɓa dzvu ŋni ŋa ghuni, ma ganava kuni ta masfa ta zɗakatahuɗa Lazglafta ya zlghaf kuni.

Mata 10:30

Nduk nda swidi ma ghəŋa ghuni tani ná, mbəɗaf mbəɗa Lazglafta demdem.

Suna Yuhwana 19:14

Mbaɗa la sludziha ta luwa ka sliʼi mista ni ta plis ka ŋusliŋ ka ŋusliŋ, nda susuɗata lgutha kulefeɗfəɗa, ka ŋusliŋ ka ŋusliŋ, nda ghuɓa nda ghuɓa guli.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.

Slna gwal ghunay 21:19

Tahula ganaghata Pwal ta zgu ta həŋ, ka rusu tsi turtuk turtuk ta skwi maga Lazglafta mataba gwal kul nzakway ka la *Yahuda nda ma slna ni.

Slna gwal ghunay 15:12

Sew, ka tsa tskatá vgha ya nzata. Ka zlraftá i Barnabas nda Pwal ta rusa mazəmzəmha nda skwa mandərmimi maga Lazglafta nda ma hahəŋ mataba gwal kul nzakway ka la Yahuda.

1Kwa 3:9

Nda gwa aŋni ma slna Lazglafta. Nda nza kaghuni manda vwaha Lazglafta. Manda həga Lazglafta nzakwa ghuni guli.

La Ruma 15:18

Haɗ yu ta walaŋtá mna sana skwi, ka ya maga Kristi nda ma iʼi a tsi wa. Nda ma iʼi hlakta tsi ta gwal kul nzakway ka la Yahuda ŋa nzakwa taŋ ka gwal snanatá gwaɗa ta Lazglafta. Nda nza nda ma gwaɗa ɗa, nda nza nda ma slnaha ɗa.

Slna gwal ghunay 14:27

Manda ɓhadaghata taŋ, ka tskanatá həŋ ta *Igliz, ka rusu həŋ ŋa taŋ ta inda skwi ya mag Lazglafta nda həŋ, nda ya kəʼa guninistá tva zlghay nda ŋuɗuf ta gwal kul nzakway ka la *Yahuda guli.

Nəhemiya 9:27

Tsaya tama ka vlatá ka ta həŋ ma dzva ghumaha taŋ, ka ganaptá həŋ ta iri ta həŋ. Ma tsa ghuya ɗaŋwa taŋ ya, ka wahu həŋ ta wahu da kagha. Ka snagatá kagha daga ta luwa, ma tsa tawa hiɗahiɗa gha katakata ya, ka vlaŋtá ka ta həŋ ta mnduha ta hlaptá həŋ ma dzva ghumaha taŋ.

2Rus 19:11

Wya Amarya, mali ta ghəŋa gwal dra skwi ŋa Lazglafta ka mala ghuni ŋa maga inda skwi ta nghanaghatá gwaɗa Yawe, nda Zəvadiya, zwaŋa Yismaghel, ka mali ta ghəŋa guyatá ghəŋa la Yuda, ŋa maga inda skwi ta nghanaghatá mgham. Wya la Levi da kaghuni, ŋa dzəgaghunatá dzvu. Mbrawa mbra ta vgha, ka maga kuni ta slna, ka nza Yawe kawadaga nda mndu ta maga skwi ɗina, » kaʼa.

1Sam 19:5

Pərɗa zaɗiŋtá hafa ni, dza dza ta mnda la Filisti, ka hɗamtá Yawe ta mbaku dagala ŋa inda la Israʼila. Nda ngha kagha, ka rfu ka ta rfu. Kabgawu dzaʼa gata ka ta dmaku nda ma pghiŋta gha ta usa mndu kul haɗ dmakwa ni, nda ma dzata gha ta Dawuda kul haɗ sana skwi maga gha tsi na? » kaʼa.

1Sam 14:23

Baɗ tsa fitik ya, ka katatá Yawe ta la Israʼila. Ka vulu lu ta tsa vulu ya ha ka tsughwaɗaghata ta ɓla Betʼaveŋ.

1Sam 14:46

Ka kwalaghuta Sawulu da liŋtá la Filisti, ka vraghatá tsaha ya ta haɗika taŋ.

1Sam 11:13

Ama ka Sawulu mantsa: « Haɗ mndu dzaʼa lu da dzata ma mndərga na fitik na wu, kabga gita zanata Yawe ta ghwa ta la Israʼila, » kaʼa.