1Sam 14:11 - Hdi

¹¹ Ka sab həŋ bɗaŋay his his ta wa ira la Filisti. Ka la Filisti mantsa: « Waʼa la Hebru ta sabi ta ɗifa ma ghurum, » ka həŋ.

1Sam 14:11 Referans Kwoze

1Sam 13:6

Nghay la Israʼila ná, nda ratsa həŋ, ndusanava ndusa lu ta həŋ, ka laghu həŋ da ɗifa ma galighaha, nda mubukha, nda ya ta ghurumha, nda ya ma dzaŋha, nda ya ma gudzuvruŋha, nda ya ma vavrəmha.

1Sam 14:22

Ka snaŋtá inda tsa la Israʼila si ta ɗifaghuta ma kwakwar ta ghwá la Ifrayim ya kazlay ta hwaya la Filisti kəʼa, ka liŋtá həŋ ta həŋ guli ka pslatá həŋ.

Gwal tsa guma 6:2

Ka sunustá la Midyaŋ ta ima zgi katakata ta la Israʼila. Ka hwayaghutá la Israʼila dabga la Midyaŋ da ɗifa ta ghwáha, nda ya ma galighaha, nda ya ma dzaŋ ta pyam.

2Sam 22:46

Nda rwa vgha la mayəm, nda ghudzaku nda ghudzaku ta saba həŋ ma vla ɗifa taŋ.

1Sam 29:3

Ka maliha la Filisti mantsa: « Nahgani ta mag la Hebru hadna na? » ka həŋ. Ka Ahis nda həŋ mantsa: « Dawuda, kwalva Sawulu, mghama la Israʼila a wu ra! Nda kɗa fitika ni kawadaga nda iʼi, ta slanagha a yu nda skwi ŋa dvanaghata ka yawu sagha ni ha ka sagha ta gita wu, » kaʼa.