1Sam 10:1 - Hdi

¹ Ka klaftá Samuyel ta hwaraka rɗi, ka pghəganatá Sawulu ma ghəŋ. Ka brusatá tsi. Kaʼa mantsa: « Yawe ta zbaptá kagha nda ma pghaghaghatá rɗi ŋa nzakwa gha ka mali ta ghəŋa mnduha ni, la Israʼila skwa za həga ni.

1Sam 10:1 Referans Kwoze

1Sam 16:13

Ka klaftá Samuyel ta dula rɗi, ka pghəganatá Dawuda ma ghəŋ ta wa ira zwana ma ni, ka saha Sulkuma Yawe suw ta ghəŋa ni daga baɗ tsaya. Tahula tsa, ka sliʼaftá Samuyel ka vraghuta da Rama.

1Sam 9:16

« Mahtsim ta na luwa ná, dzaʼa ghundaghagha ghuna yu ta sana mnda la Biŋyamiŋ, ka famta ka nda ma pghanaghatá rɗi ŋa nzakwa ni ka mali ta ghəŋa mnduha ɗa la Israʼila. Dzaʼa mbanaf mba ta mnduha ɗa ma dzva la Filisti, kabga nda ngha yu ta ksakwa taŋ ka hiɗahiɗa, ɓhiɗagha ɓha waha taŋ, » kaʼa.

Slna gwal ghunay 13:21

Ka ɗawu həŋ ta fanamtá mghama taŋ ta həŋ. Ka fanamtá Lazglafta ta həŋ ta Sawul zwaŋa Kis, ta sabi ma mndəra la Biŋyamiŋ. Fwaɗ mbsak vakwa ni ta ga mgham ta ghəŋa taŋ.

1Sam 26:11

Nziya nza tsi, nda hga Yawe, haɗ yu ta walaŋtá faftá dzva ɗa ta mndu ya zbaf Yawe nda ma pghanaghatá rɗi wa! Hlaghu hla ta tsa gupa, nda beŋwbeŋwa imi ndusa nda ghəŋa ni ya, ka laghwa u, » kaʼa.

Vrafta ta zlahu 32:9

Mayaka Yawe ná, mnduha ni ya. Yakubu tsa mayaka skwa za həga ni ya.

2Mgh 20:5

« Vra mnanatá Hizkiya, mala mnduha ɗa kazlay: “Wya ka Yawe, Lazglafta dzidza gha Dawuda mnata: Nda sna yu ta duʼa gha, nda ngha yu ta ima tawa gha. Dzaʼa mbaghaf mba yu. Baɗima ya, ka ŋladafta ka da həga Yawe.

2Mgh 9:1

Ka hgaŋtá anabi Ilisa ta sani mataba guyatá ghəŋa anabiha, kaʼa nda tsi mantsa: « Hba ta vgha, ka klafta ka ta hwaraka rɗi, ka dzaʼa ka da Ramut ma Gilghat.

Suna Yuhwana 5:8

Manda zlghafta tsa Zwaŋa Tuwak ya ta tsa defteri ya, ka zləmbata tsa skwiha fwaɗ nda hafu mida, nda tsa galata mnduha hisambsak fwaɗ mida ya ta kəma ni. Inda taŋ, nda ŋaŋatá htimbil, nda ndaghatá leghwaha dasu nda urdi ta nzakway ka duʼa gwal nda ghuɓa, ma dzva taŋ.

Hebru 2:10

Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.

1Tes 5:26

Ka ganaghata kuni ta zgu ta zwana ma nda ɗvaftá vgha hmətət.

1Mgh 19:18

Ama dzaʼa zlana zla yu ta mnduha dəmbuʼ ndəfáŋ (7.000) ma Israʼila, inda gwal kul tsəlɓaŋtá tsəlɓu ta kəma Baghal, kul walaŋta brusata nda wubisima taŋ ya, » kaʼa.

2Sam 19:39

Ka mgham mantsa: « Ka pgha Kimham ta iʼi, dzaʼa magana maga yu ta skwi ya ta zɗəgaghata. Inda skwi ya dzaʼa ɗawaŋta ka da iʼi, dzaʼa maga gha maga yu, » kaʼa.

2Sam 5:2

Ghalya, ma fitika nzakwa Sawulu ka mghama ŋni ná, kagha si ta kla kəma ŋa la Israʼila ma vulu, kagha ta vranaktá həŋ. Ka Yawe mnaghata na: “Kagha dzaʼa nghapta ka mnduha ɗa la Israʼila, kagha dzaʼa nzakway ka mala taŋ,” kaʼa » ka həŋ.

1Sam 24:6

Ama tahula tsaya, ka snə Dawuda ta babamakwa ŋuɗufa ni, kabga vəl tsaʼata ni ta wa sɗakwa Sawulu.

1Sam 13:14

Ama ndanana, haɗ ga mghama gha dzaʼa gɗavata wu. Zbaf zba Yawe ta mndu taɓta ya ta kum ŋuɗufa ni, ka fatá tsi ŋa nzakway ka mali ta ghəŋa mnduha ni. Dzaʼa magaku mantsa, kabga maga a ka ta skwi mnaghaf Yawe wu, » kaʼa.

1Sam 8:19

Ka kwalaghutá həŋ ta sna gwaɗa Samuyel. « Kaya! Mgham ta kum aŋni,

1Sam 8:9

Ndana tama, snana sna ta həŋ. Ama ka snanamta ka ɗina ta həŋ. Mnana mna ta həŋ ta skwiha ta raŋtá tsa mgham dzaʼa ga mgham ta ghəŋa taŋ ya, » kaʼa.

1Sam 2:10

Dzaʼa hurɓu hurɓa ghumaha Yawe, dzaʼa ŋəzla ŋəzla Yawe ta luwa ta ghəŋa taŋ. Dzaʼa tsanagha tsa ta guma ta ghəŋa haɗik tender. Dzaʼa vlaŋ vla ta mbraku ta mgham ya zbap tsi, ta ŋlanaf ŋla manda ghwá ta mndu ya pahap tsi nda ma pghanaghatá rɗi, » kaʼa.

Sabi 30:23

« Ka klafta ka ta urdiha ta zɗuta katakata ka ta nzakway ka: Mur ka imi ka kiluʼ mkuʼ, nda kinamuŋ ka kiluʼ hkən, nda kuzuŋ zɗu ziʼakwa ni ka kiluʼ hkən,

1Sam 9:27

Ta laha həŋ ta kuraghwa tsa luwa ya, ka Samuyel nda Sawulu mantsa: « Mnana mna ta kwalva gha ka laba tsi ta kəma, ka sladava kagha ka snaghamta yu ta gwaɗa Lazglafta, » ka Samuyel. Ka lab tsa kwalva ya ta kəma.

1Sam 12:3

Wana yu ta kəma ghuni! Ka mamu skwi magaghuna yu kul raku, mnihawa mna ta kəma Yawe, nda ya ta kəma na mgham fam tsi nda ma pghanaghatá rɗi na. Mamu mndu klaghu yu ta sla ni, ka kəɗiha ni a tsi ra? Wa ya tsaghu yu? Wa ya ganap yu tiri? Wa mndu ya zlghaf yu ta sməɗ da tsi ŋa haftá iri ta ghəŋa ghwaɗaka slna ni na? Ta vravaghuna vra yu, » kaʼa.

1Sam 15:1

Ka Samuyel nda Sawulu mantsa: « Iʼi ghunaf Yawe ŋa fatá kagha nda ma pghaghaghatá rɗi ŋa nzakwa gha ka mgham ta ghəŋa mnduha ni, la Israʼila. Ndanana tama, sna ta gwaɗaha mna Yawe.

1Sam 16:1

Ka Yawe nda Samuyel mantsa: « Dzaʼa gɗata ta tawa Sawulu ka ra? Wuɗiŋ wuɗa vərɗa iʼi, nzəgla a ka mghama la Israʼila wa. Ndəgham ndəgha ta rɗi ma dula gha, ka dzaʼa ka. Ta ghuna kagha yu da Yisay, mnda la Betʼlehem, kabga nda ngha yu mataba zwana ni ta mgham ta kum yu, » kaʼa.

1Sam 26:9

Ka Dawuda nda Avisay mantsa: « Ma dza ka! Wa dzaʼa faftá dzvu ta mndu ya zbaf Yawe nda ma pghanaghatá rɗi, ŋa kwala dmaku ksafta na? » kaʼa.

2Sam 1:14

Ka Dawuda nda tsi mantsa: « Waká zləŋ kwal ksaftá kagha ka kapaftá dzvu ka dzatá mndu ya nda fa ka ŋa Yawe nda ma pghanaghatá rɗi na? » kaʼa.

1Mgh 1:34

Hada, ka pghanaghata i Tsaduk, mnda dra skwi ŋa Lazglafta, nda anabi Nataŋ ta rɗi ŋa famta ka mghama la Israʼila, ka vyata kaghuni ta duli nda hla wi kazlay: “Ta mblam ka hafa mgham Salumuŋ!” kəʼa.

1Sam 15:17

Ka Samuyel mantsa: « Aŋ mndani, haɗ hayhaya ɗa wu ka kagha si ta ngha ghəŋa gha, nza a ka ka mali ta ghəŋa mndəra la Israʼila wu ra? Zbap a Yawe ta kagha nda ma pghaghatá rɗi ŋa nzakwa gha ka mgham ta ghəŋa la Israʼila wu ra?

2Sam 20:19

Aŋni ná, tekw aŋni mataba gwal ka ŋərma mndu ta kuma zɗaku ma Israʼila, ama ka zba kagha ta zaɗanatá luwa ta nzakway manda na ma Israʼila! Kabgawu dzaʼa zaɗanata ka ta skwa za həga Yawe na? » kaʼa.

2Mgh 9:12

Ka həŋ nda tsi mantsa: « Bukwaʼa gha ya! Mnaŋna mna ta skwi ta maguta, » ka həŋ. Ka Yehu zlghaftá wi mantsa: « Wya skwi mniha tsi: “Wya ka Yawe mnata: Nda ma pghaghatá rɗi, fa fa yu ta kagha ka mghama la Israʼila,” kaʼa, » kaʼa.