1Sam 1:19 - Hdi

¹⁹ Ga mahtsima ni, ka tsavaftá Ilkana nda la ga taŋ wrək sərɗək, ka tsəlɓata ta kəma Yawe. Tahula tsa, ka vraghutá həŋ dzagha taŋ ma Rama. Ka lam Ilkana da markwa taŋ Hana, ka havaptá Yawe ka tsa marakw ya.

1Sam 1:19 Referans Kwoze

Zlrafta 21:1

Ka maganatá Yawe ta zɗaku ta Sara manda ya mna tsi. Ka maganatá tsi ta skwi ya tanaf tsi ta imi ta sləməŋ.

1Sam 1:11

Ka fatá tsi ta waɗu. Kaʼa mantsa: « Ari Yawe mghama gwal vulu, ka nghaga ngha ka ka ghuya ɗaŋwa kurɗa gha, ka havap hava ka ka iʼi, ka zanap a ka ta kurɗa gha wu, ka vlaŋtá ka ta kurɗa gha ta zwaŋa zgun katsi ná, dzaʼa vlaŋ vla yu ta Yawe ha kɗavakta hafa ni. Haɗ paka dzaʼa lafi ta ghəŋa ni wu, » kaʼa.

Zlrafta 30:22

Ka havaptá Lazglafta ka Rasel, ka snanatá Lazglafta ta tawa ni, ka gunanatá tsi ta marɓa ni.

Zlrafta 4:1

Ka lam Adamu da markwa taŋ Hawa. Ka zlghaftá tsi ta huɗi, ka yatá tsi ta zwaŋ ka tsanaftá tsi ta hga ni ka Kayinu, kaʼa mantsa: « Nda zɗakatahuɗa Yawe mutsaf mutsa yu ta zwaŋ, » kaʼa.

Lukwa 23:42

Kaʼa tahula tsa guli mantsa: « Ka havapta ka ka iʼi baɗu saghar ka da ga mgham, » kaʼa nda Yesu.

Markus 1:35

Na tsaɗakwa vli ta tsughbura sərɗək, ka sliʼaftá *Yesu, ka laghu da mtak. Ka ndəɓu tsi ta dzvu hada.

1Sam 9:26

Ka tsavaftá həŋ ta tsughbura sərɗək. Watata vli, ka hgaŋtá Samuyel ta Sawulu ta dədəmatá ghəŋa həga. Kaʼa nda tsi mantsa: « Sliʼaf sliʼa gha ka pghadaghata yu, » kaʼa. Ka sliʼaftá Sawulu, ka sab həŋ his his, nda Samuyel nda tsatsi.

Zlrafta 8:1

Ka havaptá Lazglafta ka Nuhu, nda inda nimtak, nda inda rini kawadaga nda tsi ma tsa mghama kwambalu ya. Ka viygiŋtá tsi ta falak ta haɗik, ka swiʼaku tsa imi ya.

1Sam 2:11

Ka vraghatá Ilkana dzagha ni ma Rama, ama ka zlanatá tsi ta tsa zwaŋ ya ŋa maganatá slna ta Yawe mista Iliya mnda dra skwi ŋa Lazglafta.

1Sam 1:1

Mamu sana mnda la Tsuf ma Rama ta ghwá la Ifrayim, Ilkana hga ni, zwaŋa Yəruham, zigha Ilihu, zigha ndindliŋa Tuhu, zigha papaha Tsuf. Mnda la Ifrata ya.

1Sam 7:17

Ta vradagha vra dzagha ni ma Rama, vla tsay ni guli ta guma ŋa la Israʼila. Hada guli banafta tsi ta gwir ta Yawe.

Yəhusuwa 18:25

Nda Givghuŋ, nda Rama, nda Bəʼerut,

1Sam 8:4

Ka tskavatá inda galata mnduha la Israʼila, ka lagha slanaghatá Samuyel ma Rama.

1Sam 15:34

Ka vraghatá Samuyel da Rama, ta vraghatá Sawulu dzagha ni ma Givgha Sawulu.

1Sam 16:13

Ka klaftá Samuyel ta dula rɗi, ka pghəganatá Dawuda ma ghəŋ ta wa ira zwana ma ni, ka saha Sulkuma Yawe suw ta ghəŋa ni daga baɗ tsaya. Tahula tsa, ka sliʼaftá Samuyel ka vraghuta da Rama.

1Sam 19:18

Mantsa ya hwayaghuta Dawuda ka ndaghuta, ka ɓhadaghatá tsi da Samuyel ma Rama, ka snanamtá tsi ta inda skwi maga Sawulu. Ka laghu tsi kawadaga nda Samuyel da nzata ma Nayut.

1Sam 25:1

Ka mtutá Samuyel. Ka tskavatá inda la Israʼila, ka tawamta. Ka paɗamtá lu ma luwa ni ma Rama. Ka sliʼaftá Dawuda ka laha ta mtaka Paraŋ.

2Mgh 4:17

Ka zlghaftá tsa marakw ya ta huɗi, gə kɗaghalama ni, ka yatá tsi ta zwaŋa zgun ta va tsa luwa ya manda ya si mnana Ilisa.