1Rus 29:23 - Hdi

²³ Ka nzaftá Salumuŋ ta dughurukwa Yawe, ŋa nzakw ka mgham ma vla da ni Dawuda. Ka dzaʼa tsi ta kəma ta kəma, ka snə inda la Israʼila ta gwaɗa da tsi.

1Rus 29:23 Referans Kwoze

1Rus 28:5

Mataba inda zwana ɗa, kabga vliha vla Yawe ta ndəghata zwani, ka zbaptá tsi ta zwaŋa ɗa Salumuŋ ŋa nzanafta ta dughurukwa gá mghama Yawe ta ghəŋa la Israʼila.

1Mgh 2:12

Ka nzatá Salumuŋ ta dughurukwa ga mghama da ni Dawuda, daga ma tsa fitik ya dihatá ga mghama ni.

La Ruma 13:1

Ka haniŋhana inda mndu ta ghəŋ mista ŋumna, kabga inda mndu ta ga mgham ná, Lazglafta ta vlaŋtá həŋ, Lazglafta ta fata ŋumna.

1Rus 22:11

Ndana tama, ka nza Yawe kawadaga nda kagha zwaŋa ɗa, kada katsafta ka ta baftá həga Yawe, Lazglafta gha, manda ya mnaŋ tsi ta ghəŋa kagha!

1Mgh 1:46

Ka nzaftá vərɗa Salumuŋ ta dughurukwa ga mgham.

1Rus 29:24

Ka haniŋtá inda maliha, nda gwal ka bikwira vulu, nduk nda inda zwana mgham Dawuda ta ghəŋ mista mgham Salumuŋ.

2Rus 9:8

Rfu da Yawe, Lazglafta gha zɗəgana ka, ka faghaftá tsi ta dughurukwa ni manda mgham ka ŋa Yawe, Lazglafta gha! Dabga ɗvuta Yawe, Lazglafta gha ta la Israʼila, ta kumay guli ta gɗavata taŋ ŋa ɗekɗek, kəl tsi ka faftá kagha ka mgham ta ghəŋa taŋ ŋa tsay gha ta guma nda rakwa ni tɗukwa, » kaʼa.

Vrafta ta zlahu 34:9

Nda ndəgha Yəhusuwa, zwaŋa Nuŋ nda Sulkuma ɗifil, kabga fanagha fa Musa ta dzvu. Ka snə la Israʼila ta gwaɗa da tsi, ka maga skwi ya mnanaf Yawe ta Musa.

1Mgh 1:13

La da mgham Dawuda, ka ka dazlay nda tsi na: “Kagha rveri, mghama ɗa a ta waɗihata iʼi kurɗa gha kazlay na: Zwaŋa ɗa Salumuŋ dzaʼa ga mgham tahula gha, tsatsi dzaʼa nzafta ta dughurukwa ga mghama gha kəʼa kay ra? Kabgawu kəl Aduniya ka nuta ka mgham na?” ka ka dzaʼazlay.

1Mgh 1:30

Gita u na, dzaʼa maga maga yu manda ya waɗagha yu nda hga Yawe, Lazglafta la Israʼila kazlay na: “Zwaŋa gha Salumuŋ, dzaʼa ga mgham tahula ɗa, tsatsi dzaʼa nzata ta dughurukwa ɗa ma vla ɗa, kəʼa ya,” » kaʼa.

1Mgh 1:35

Ka vragafta kuni mista ni, ka sagha tsi nzafta ta dughurukwa ga mghama ɗa, tsatsi dzaʼa ga mgham ma vla ɗa, tsatsi mnaf yu ŋa nzakway ka mali ta ghəŋa la Israʼila nda la Yuda, » kaʼa.

2Mgh 11:19

Ka hlaftá tsi ta maliha ta ghəŋa bakwa gwal vulu dərmək dərmək (100), nda la Kari, nda gwal ta ngha həga mgham, nda inda mnduha ta tsa haɗik ya tani. Ka klagatá həŋ ta mgham ma həga Yawe, ka ɓhadaghatá həŋ da həga gá mgham nda ta wa tgha gwal ta nghapta. Ka nzaftá Yuʼas ta dughurukwa gá mgham.

2Rus 1:1

Ka dihanatá Salumuŋ zwaŋa Dawuda kahwathwata ta gá mghama ni. Ka nzatá Yawe, Lazglafta ni kawadaga nda tsi, ka kapanafta katakata.

2Rus 1:8

Ka Salumuŋ nda Lazglafta mantsa: « Magana maga ka ta zɗaku dagala ta da ɗa Dawuda, ka famtá ka ta iʼi ka mgham ma vla ni.

2Rus 9:30

Fwaɗ mbsak vaku maga Salumuŋ ta gá mgham ma Ursalima ta ghəŋa inda la Israʼila.

2Rus 23:20

Ka hlaftá tsi ta maliha ta ghəŋa bakwa gwal vulu dərmək dərmək (100), nda mnduha dagaladagala, maliha ta ghəŋa mnduha, nda inda mnduha ta tsa haɗik ya tani. Ka klagatá tsi ta mgham ma həga Yawe, ka ɓhadaghatá həŋ da həga mgham nda ta vərɗa wa tgha, ka nzanaftá həŋ ta mgham ta dughurukwa gá mgham.