1Rus 28:7 - Hdi

⁷ Dzaʼa dihana diha yu ta gá mghama ni ŋa ɗekɗek, ka ndiʼaf ndiʼa tsi ta vgha ta zlahuha ɗa nda tva skwiha ŋa magay, ka ksa slna nda həŋ, manda va na ta mag tsi gita na,” kaʼa.

1Rus 28:7 Referans Kwoze

1Rus 22:13

Mantsa tama, dzaʼa katsay ka ka ŋana ŋa ka kahwathwata ta tva skwiha ya ŋa magay mnanaf Yawe ta Musa ŋa la Israʼila. Mbra ta vgha, ka ŋavata ka! Yaha ka da zləŋ, yaha ka da ghudzaku.

1Mgh 8:61

Ka nza ŋuɗufa ghuni nda ndiʼa kahwathwata ta Yawe, Lazglafta mu, ŋa ksa tva skwi ya ŋa magay nda ya ŋa snatá zlahuha ni, manda na nzakwa ni gita na, » kaʼa.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

1Rus 28:10

Ngha ndanana ɓa, zbap zba Yawe ta kagha ŋa banaftá həga ka vla ni nda ghuɓa. Ŋava ŋa, ka maga ka ta slna! » kaʼa.

1Mgh 11:4

Ma fitika haluta Salumuŋ, ka mbəɗiŋtá tsa miʼaha ya ta ŋuɗufa ni təv sanlaha ma lazglaftaha, fəglana a tɗukwa ta hya hya ŋuɗufa ni ta Yawe, Lazglafta ni, manda ŋa da ni Dawuda wa.

1Rus 28:8

Ndanana, ta wa ira inda la Israʼila, guyatá ghəŋa mnduha Yawe, nda ya ta kəma Lazglafta mu, ŋanawa ŋa ɓurkuts ta inda zlahuha Yawe, Lazglafta ghuni, kada nzakwa na haɗik ɗina na ka ŋa ghuni, ŋa zlanaŋta ghuni ka haɗika za həga ŋa ɗekɗek ta zwana ghuni tahula kaghuni.

1Mgh 3:14

Ka ta mbaɗa ka ta tviha ɗa nda ma ŋanatá zlahuha ɗa, nda skwiha ta mnafta yu manda da gha Dawuda katsi, dzaʼa slranagha slra yu ta hafa gha, » kaʼa.