1Rus 24:2 - Hdi

² Ka rwutá i Nadav nda Avihuʼ ka tiŋlaghuta da taŋ, yaya a həŋ ta zwani wa. Ka vlaŋtá lu ta slna dra skwi ŋa Lazglafta ta i Ilghazar nda Itamar.

1Rus 24:2 Referans Kwoze

La Levi 10:2

Ka sab vu da Yawe, ka dəghwaɗutá həŋ, ka rwutá həŋ ta kəma Yawe.

Mbsak 26:61

Ka rwutá i Nadav nda Avihuʼ ma play taŋ ta ghəŋ ta kəma Yawe nda dzibata vu.

Mbsak 3:4

Ama ka rwutá i Nadav nda Avihuʼ ta kəma Yawe, ma kladaghata taŋ ta dzibata vu ta kəma Yawe ta mtaka Sinay. Ya a həŋ ta zwaŋ wa. Tsaya tama, i Ilghazar nda Itamar yeya ta maga slna dra skwi ŋa Lazglafta ta ira da taŋ Haruna.

Mbsak 18:7

Kagha nda zivira gha dzaʼa maga slna dra skwi ŋa Lazglafta ta nghanatá inda slna gwir, nda ya ta hula zlala. Tsaya slna ghuni. Ta vlaghuna vla yu ta slna dra skwi, tsaya slna mbəhaghuna yu nda tsi. Ama dzibata mndu dzaʼa gavadaghata ná, dzaʼa dza dza lu, » kaʼa.

La Levi 10:12

Ka Musa nda i Haruna nda zwana ni ya ta pɗaku, i Ilghazar nda Itamar mantsa: « Klafwa kla ta mbəha nimaya ta pɗaku ma skwa pla ghəŋ ŋa dray ta vu ŋa Yawe, ka magata kuni ta buradi kul haɗ is mida, ka zuta kuni ta vata gwir. Skwi ta ghuɓuta katakata ya.

Sabi 29:9

Ka habanata ka ta huɗi ta i Haruna nda zwana ni nda biwir, wawanamta ka ta gwambar ma ghəŋ ta həŋ, ŋa gɗata taŋ ta maga slna dra skwi ŋa ɗa ŋa ɗekɗek. Mantsa ya dzaʼa pghamta ka ta i Haruna nda zwana ni da slna taŋ.

Sabi 24:9

Tahula tsa, ka laf Musa ta ghwá nda i Haruna, nda Nadav, nda Avihuʼ, nda tsa la galata mnduha ndəfáŋ mbsak mataba la Israʼila ya.

Sabi 24:1

Ka Yawe nda Musa mantsa: « Safwa sa da iʼi, kaghuni nda Haruna, nda Nadav, nda Avihuʼ, nda sanlaha ma la galata mndu ndəfáŋ mbsak mataba la Israʼila. Ka tsəlɓakta kuni diʼiŋ.

Sabi 6:23

Ka klaftá Haruna Iliseba, makwa Ghaminadav, makuma ni ma Nahsuŋ. Ka yayanatá tsi ta i Nadav, nda Avihuʼ, nda Ilghazar, nda Itamar.

Mbsak 3:2

Wya hga zwana Haruna: Zumali ná, Nadav ya, ka fiŋtá Avihuʼ, nda Ilghazar, nda Itamar.