1Rus 22:12 - Hdi

¹² Kweŋkweŋ ná, ka vlagha vla Yawe ta ndanu ɗina nda mahizl, ka dihaghata tsi ta ghəŋa la Israʼila, ŋa ŋanatá gha ta zlaha Yawe, Lazglafta gha.

1Rus 22:12 Referans Kwoze

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

2Rus 1:10

Vliha vla tama ta ɗifil nda mahizl, kada snaŋta yu ta gá mgham ta ghəŋa na mnduha na! Ka haɗ tsi mantsa wu, wa dzaʼa laviŋtá gá mgham ta ghəŋa mnduha gha, na mnduha dagala na na? » kaʼa.

1 Yuhwana 2:3

Ka ta magay mu ta skwi ta mnamata Lazglafta katsi ná, tsaya ta maramaŋta kazlay: Nda sna mu kahwathwata ta Lazglafta kəʼa.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

Vrafta ta zlahu 4:6

Ka ŋanata kuni, ka maga kuni ta slna nda həŋ. Tsaya dzaʼa naghunafta ka gwal nda ɗifil, nda mahizl ta wa ira sanlaha ma mnduha dzaʼa snaŋtá inda tsa zlahuha ya. Ka həŋ dzaʼazlay na: “Kahwathwata, mndəra na mnduha dagala na ná, mndəra gwal nda ɗifil da həŋ, nda ya nda mahizl da həŋ, həŋ” ka həŋ dzaʼazlay.

1Mgh 2:3

Ka ŋanata ka ta skwiha ya mnaghaf Yawe, Lazglafta gha, ka mbaɗa ka ta mbaɗa ta tviha ni, ka maga ka ta slna nda gwaɗaha ni, nda zlahuha ni, nda tva tagha skwa ni, nda tva dva mnda ni, manda ya nda vinda ma zlaha Musa. Mantsa tama dzaʼa katsay ka ta inda skwi dzaʼa ka magay nda inda vli dzaʼa ka da lagha,