1Rus 16:35 - Hdi

³⁵ Mnawa mna kazlay: « Mbaŋnaf mba, a Lazglafta mbakwa ŋni, tskaŋnak tska, katap kata ta aŋni da mndəra sanlaha ma mnduha, ŋa rfay ŋni ta hga gha nda ghuɓa, ŋa ghərɓay ŋni ta ghərɓaku, ka zləzləva kagha.

1Rus 16:35 Referans Kwoze

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

Afisus 1:12

kada zləzlva mnduha ta glakwa ni ma aŋni ta faftá ghəŋa ŋni ta Yesu Kristi daga taŋtaŋ ya.

1Kwa 1:31

Tsaya tama, « ka ta kumay mndu ta ghərɓaku katsi, ka ghərɓa tsi ta ghəŋa skwi kɗiŋ Mgham ta magata, » manda ya nda vinda ma defteri.

Slna gwal ghunay 26:17

Da la ghuni nda ya da gwal kul nzakway ka la *Yahuda ta ghuna yu ta kagha, dzaʼa katay yu ta kagha guli.

Vrafta ta zlahu 30:3

Dzaʼa vranaf vra Yawe, Lazglafta ghuni ta nzakwa ghuni ka tawata hiɗahiɗa ta kaghuni, ka tskəglaghunakta mataba inda mndəra mnduha ya si wutsaghunam Yawe, Lazglafta ghuni ya.