1Rus 15:25 - Hdi

²⁵ Mantsa tama, ma tsa rfu ya, ka laghu i Dawuda nda la galata mnduha la Israʼila, nda maliha ta ghəŋa bakwa gwal vulu dəmbuʼ dəmbuʼ ŋa kladaftá akwata dzratá wa Yawe daga ga Ghuvetʼidum.

1Rus 15:25 Referans Kwoze

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Izra 6:16

Ka fata la Israʼila, ta nzakway ka gwal dra skwi ŋa Lazglafta, nda la Levi, nda ya nda inda mndu si hlagha lu ta həŋ ta vradaghata ya, ta fitika skalu nda rfa batá tsa həga Lazglafta ya.

1Mgh 8:1

Tahula tsa, ka tskanatá mgham Salumuŋ ma Ursalima, ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila ta vata ni, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

1Sam 22:7

Ka Sawulu nda tsa kwalvaha ta sladu ta vata ni ya mantsa: « Fawa fa ta sləməŋ la Biŋyamiŋ! Dzaʼa valaghuna vala Dawuda zwaŋa Yisay ta na kaghuni na demdem ta vwahha, nda inabiha ra? Dzaʼa pgha pgha ta kaghuni demdem ka maliha ta ghəŋa gwal vulu dəmbuʼ dəmbuʼ (1.000), ka nda ya dərmək dərmək (100) a tsi ra?

1Sam 10:19

Ama kaghuni gita, ka vziŋtá kuni ta Lazglafta ghuni, ya ta mbaghunafta ma inda ɗaŋwaha ghuni, nda inda skwi ta ga zləŋ ŋa ghuni. Ka kuni nda tsi na: “Vlaŋna vla ta mghama ŋni!” ka kuni. Ndanana, sladawa slada ta kəma Yawe, ka mndəra mndu ka mndəra mndu, ka uʼa ka uʼa, » kaʼa.

1Sam 8:12

Dzaʼa hlay ta həŋ ŋa nzakwa taŋ ka maliha ta ghəŋa sludziha dəmbuʼ, ka maliha ta ghəŋa sludziha hutaf mbsak. Dzaʼa hlay ta həŋ ŋa hva vwahha ni, ŋa tska skwi ta vwahha ni, ka ŋa slara huzla vulu ni, nda huzla mwata plisha ni a tsi.

Vrafta ta zlahu 16:15

Ka skala kuni ta tsa skalu ya ka fitik ndəfáŋ ŋa Yawe, Lazglafta ghuni ma vli ya dzaʼa zbapta Yawe, kabga dzaʼa tfaghunagha tfa Yawe, Lazglafta ghuni ta wi ta ghəŋa inda skwi tska kuni ta vwaha ghuni nda inda slnaha dzva ghuni, ŋa va rfay ghuni ta rfu.

Vrafta ta zlahu 16:11

Ka rfa kuni ta rfu ta kəma Yawe, Lazglafta ghuni ma vli ya dzaʼa zbapta Yawe, Lazglafta ghuni ŋa nzakwa hga ni hada, kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda la Levi ta nzakw ma luwaha ghuni, nda matbayha ta nzakw ma səla ghuni, nda tawakriha, nda wadguha mataba ghuni.

Vrafta ta zlahu 12:18

Ta kəma Yawe, Lazglafta ghuni kweŋkweŋ dzaʼa za kuni, ma vli ya dzaʼa zbap Yawe, Lazglafta ghuni. Ka za kuni kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda mnda la Levi ma luwaha ghuni. Ka rfa kuni ta rfu ta kəma Yawe, Lazglafta ghuni ta ghəŋa inda slna maga kuni nda dzva ghuni.

Vrafta ta zlahu 12:7

Hada ta kəma Yawe, Lazglafta ghuni dzaʼa za kuni ta skwa zaya rfu kawadaga nda la ga ghuni, ka rfay ghuni ta magatá inda slna dzva ghuni, kabga tfaghunagha tfa Yawe, Lazglafta ghuni ta wi.

Vrafta ta zlahu 1:15

Mantsa tama, ka hlaftá yu ta maliha ma inda mndəra ghuni, gwal nda ɗifil, gwal snaŋ lu ta həŋ, ka pghatá həŋ ka maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha, ka gwal ta nghapta ma inda mndəra ghuni a tsi.

Mbsak 31:14

Ka ɓasanavatá Musa ta ŋuɗuf ta maliha ta ghəŋa bakwa gwal vulu, maliha ta ghəŋa dəmbuʼ, nda ya ta ghəŋa dərmək ta vrakta ma vla vulu.

2Rus 1:4

Ama ghada ghada Dawuda ta klaftá akwata Lazglafta ma Kiriyatʼyegharim, ka kladafta da Ursalima da tsa vli payanaf tsi ya, kabga dzugwana dzugwa ta tumpul hada.

2Rus 5:2

Ka tskanatá Salumuŋ ma Ursalima ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.