1Rus 13:6 - Hdi

⁶ Ka laghu Dawuda nda inda la Israʼila da luwa Baghala, tsaya Kiriyatʼyegharim ta haɗika Yuda ŋa vradanaftá akwata Lazglafta, tsa akwati tsaf lu tida ta hga Yawe ta nzaku ma takataka kerubaha ya.

1Rus 13:6 Referans Kwoze

Yəhusuwa 15:9

Daga ta bɗəma tsa ghwá ya kuragata lu ta tsa mukuma ya dikw da dzuɓayha Neftuwah, ka lab tsi nda ma luwaha ndusa nda ghwá Ghefruŋ. Ka lab nda ma Baghala ta hgə lu ka Kiriyatʼyegharim ya.

2Mgh 19:15

Ka mag Hizkiya ta duʼa ta kəma Yawe, kaʼa mantsa: « Ar Yawe, Lazglafta la Israʼila, kagha ta nzamta mataba kerubaha, kagha turtuktuk Lazglafta inda gá mghamha ta ghəŋa haɗik, kagha ta magaftá luwa nda haɗik.

Sabi 25:22

Hada ta ghəŋa tsa paɗuwa vla pla dmaku ya dzaʼa guyakwa u ma takataka tsa kerubaha his ta tsa akwata dzratá wi ya. Hada dzaʼa mnaghata yu ta inda zlahuha ɗa ŋa la Israʼila. »

1Sam 4:4

Ka ghunaftá mnduha ta gwal ghunay da Silu, ka klagaghatá həŋ ta akwata dzratá wa Yawe mghama gwal vulu ta nzamta mataba kerubaha. Hada tsa zwana Iliya his, i Hufni nda Pinhas ya kawadaga nda akwata dzratá wa Lazglafta.

Yəhusuwa 15:60

Mamu Kiriyatbaʼal guli ta hgə lu ka Kiriyatʼyegharim, nda Raba: Luwaha his, nda zwana luwaha taŋ tani.

1Mgh 8:16

“Daga baɗ hlagapta ɗa ma Masar ta mnduha ɗa la Israʼila, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu, ama zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

Mbsak 7:89

Ta lam Musa da tumpula guyaku ŋa gwaɗa nda Yawe, ta snay tsi ta lwi ta gwaɗagapta ka tsatsi nda ta ghəŋa paɗuwa vla pla dmaku ta akwata dzratá wi, ma takataka kerubaha his. Mantsa ya ta gwaɗa tsi ta gwaɗa nda tsi.

Mbsak 6:27

Mantsa ya dzaʼa hga həŋ ta hga ɗa ŋa tfa wi ŋa la Israʼila, iʼi dzaʼa tfanaghatá wi ta həŋ, » kaʼa.

Sabi 23:21

Ka fanata kuni ta sləməŋ, ka sna kuni ta gwaɗa ni. Yaha kuni da təŋanaftá ghəŋ, ya haɗ dzaʼa plaghunatá dmakwa ghuni wu, kabga mamu hga ɗa ma tsatsi.

Sabi 20:24

Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Yəhusuwa 9:17

Mantsa tama ka sliʼaftá la Israʼila ka mbaɗa, ka ɓhadaghatá həŋ baɗ mahkən da luwaha tsa mnduha ya, ta nzakway ka Givghuŋ, nda Kəfira, nda Bəʼerut, nda Kiriyatʼyegharim.

1Sam 6:21

Ka ghunaftá həŋ ta gwal ghunay da la Kiriyatʼyegharim, ŋa mnanatá həŋ: « Vraganagha vra la Filisti ta akwata Yawe, sawa sa da klay, ka kladafta kuni da kaghuni, » ka həŋ.