1Rus 11:17 - Hdi

¹⁷ Ka dzə ndala ta Dawuda, kaʼa mantsa: « Wa suɗustá a imi ma vavrəm ta wi tgha Betʼlehem a ɓa! » kaʼa.

1Rus 11:17 Referans Kwoze

Yuhwana 4:14

ama mndu dzaʼa sa na imi dzaʼa vlaŋta yu na ná, walglaŋta a ndala ta kuzlaŋta wa. Tsa imi dzaʼa vlaŋta yu ya ná, dzaʼa nuna ka dzuɓay, ŋa mbəzagapta hafu ŋa kɗekedzeŋ mida, » ka Yesu nda tsi.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

1Rus 11:16

Ma tsa fitik ya, ma vla ɗifa ni Dawuda, ta fatá la Filisti ta sana bakwa vula taŋ ma Betʼlehem.

1Rus 11:18

Mantsa tama, ka lam tsa mnduha hkən ka bikwira vulu ya ka mbraku da ghuɓa la Filisti, ka tagistá imi ma tsa vavrəm ta wi tgha Betʼlehem ya. Ka kladaghatá həŋ ka vlaŋtá Dawuda. Ama ka kwalaghutá tsi ta say, ka pghiŋtá tsi ka skwa mbəhu ŋa Yawe.