1Mgh 22:22 - Hdi

²² Kaʼa zlghanaftá wi mantsa: “Ta dzaʼa yu, dzaʼa nzakway yu ka sulkuma tsakalawi ma wa inda anabiha ni,” kaʼa. Ka Yawe nda tsi mantsa: “Kahwathwata ná, dzaʼa gataf gata ka, dzaʼa katsay ka. La ka magata ka manda tsaya!” » kaʼa.

1Mgh 22:22 Referans Kwoze

Gwal tsa guma 9:23

Ka ghunagatá Lazglafta ta ghwaɗaka sulkum da taba i Avimelek nda maliha la Səkem. Ka ganavatá maliha la Səkem ta sidi ta Avimelek.

1Sam 19:9

Ma sana fitik, ta nzaku Sawulu ma həga ni nda ŋatá gupa ni ma dzvu, ka saha ghwaɗaka sulkum ghunaga Yawe suw ta ghəŋa Sawulu. Nda ŋatá kəzliŋkəzliŋ ni Dawuda ta dzay dzay.

1Sam 16:14

Ka saghu Sulkuma Yawe ma Sawulu, ka saha ghwaɗaka sulkum ghunaf Yawe da ghuya ghəŋa ni.

Suna Yuhwana 20:10

Ka gi klaftá lu ta tsa halaway ta nana həŋ ya ka vzaghata da duda vu ghandand ma vli hada tsa nimtak nda ghwaɗaka anabi ya, ŋa giri ŋa taŋ hada nda fitik tani, nda rviɗik tani ha ŋa kɗekedzeŋ.

Suna Yuhwana 13:14

Ka nanaghatá tsi ta inda mnduha ma ghəŋa haɗik nda skwa ndərmimay ya vlaŋ lu ta tvi ŋa magay ta kəma tsa taŋtaŋa nimtak ya. Kaʼa nda mnduha ma ghəŋa haɗik mantsa: « Magafwa maga ta skwa wuyay ŋa vlaŋtá glaku ta taŋtaŋa nimtak si balana lu manda skwi ŋa dzata, ka mbafta tsi ya, » kaʼa.

1Mgh 22:20

Ka Yawe mnata na: “Wa mndu dzaʼa gataftá Ahav ŋa lafa ni da vulu ma Ramut ma Gilghat, ka dzata lu na?” kaʼa. Ka zlghaftá həŋ ta wa ni, tskəm ka ya nda ŋa ni, tskəm ka ya nda ŋa ni.

1Sam 18:10

Ga mahtsima ni, ka saha ghwaɗaka sulkum suw ghunaga Lazglafta ta ghəŋa Sawulu, ka gi lam tsi da mna wayəm ma həga ga taŋ. Ta dzay dzay Dawuda ta kəzliŋkəzliŋa ni manda ya ma tsa sana fitikha ya kay. Nda ŋatá gupa ni Sawulu ma dzvu.

Suna Yuhwana 20:7

Manda kɗatá tsa vaku dəmbuʼ ya, ŋa pligiŋtá halaway ma gamaka ni,

Suna Yuhwana 20:3

Ka vzaghatá tsi da tsa gudzuvruŋ ya, ka hunustá tsi ta wa tgha ni ka ŋərzlafta, kada kwala tsi ta nangəltá mnduha ta ghəŋa haɗik ha ka hɗatá tsa vaku dəmbuʼ ya. Tahula tsaya, ŋa zligiŋta ŋa vaku kwitikw.

Suna Yuhwana 17:17

Mantsa ya ná, Lazglafta ta fanamta həŋ ma ndana taŋ ŋa magata taŋ ta skwi ya ta kum tsi. Ka sagha ndana taŋ ka skwa turtuk, ka vlaŋtá həŋ ta ga mghama taŋ ta tsa nimtak ya ha ka sagha fitika dzatá ghəŋa gwaɗa Lazglafta.

1 Yuhwana 4:6

Amu ná, zwana Lazglafta mu. Mndu nda sna ta Lazglafta ná, ta snay ta skwi ta mnə ŋni. Ka Zwaŋa Lazglafta a mndu wu katsi ná, fa a ta sləməŋ ka sna skwi ta mnə ŋni wa. Mantsa ya ta tsatsafta mu ta gwal nda vərɗa Sulkum ma həŋ nda gwal nda sulkuma nana mndu ma həŋ.

1Tim 4:1

Tsaliŋ tsala Sulkum nda ghuɓa kazlay: Ma kɗavakta fitik ná, dzaʼa zlanava zla sanlaha ta zlghay nda ŋuɗufa taŋ, ka laghu da sna ŋa sulkumha ta nana mndu, nda tagha skwi ya ta klagapta ghwaɗaka sulkumha kəʼa.

Yuhwana 8:44

Da ghuni ná, halaway ya. Ta kumay kuni ta maganatá skwi ta zɗəganata. Nda nza tsatsi ka mnda dzata mndu daga ma zlrafta. Ta walaŋ a ta sladafta ta kahwathwata wu, kabga haɗ kahwathwata da tsi wa. Vərɗa ŋa ni ma gwaɗa ta gwaɗagapta ná, tsakalawi ya, kabga tsakalawi tsatá fwa tsatsi. Da ni ma tsakalawi tsatsi guli.

1Mgh 22:21

Ama ka lagha sana sulkum da maravata ta kəma Yawe, kaʼa mantsa: “Iʼi dzaʼa gatafta,” kaʼa. Ka Yawe nda tsi mantsa: “Kinawu ká ka dzaʼa magay?” kaʼa.

2Mgh 3:13

Ka Ilisa nda mghama la Israʼila mantsa: « Nahgani ya mataba ɗa nda kagha na? La slanaghatá anabiha da gha, nda anabiha ma gha, » kaʼa. Ama ka mghama la Israʼila nda tsi mantsa: « Mantsa a wu, Yawe ta hagaftá na aŋni mghamha hkən na ŋa vlata ma dzva la Muwav, » kaʼa.

1Mgh 13:18

Ka tsa halata anabi ya nda tsi mantsa: « Iʼi guli ná, anabi yu manda va kagha, duhwala Lazglafta ta mnihatá gwaɗa Yawe, kaʼa nda iʼi na: “Vranak vra mista gha da ghuni, ka zaʼata tsi ta skwa zay, ka saʼata tsi ta skwa say,” » kaʼa. Tsaw tsakalawi tsa tsakalana tsi.