1Mgh 21:5 - Hdi

⁵ Ka lagha markwa taŋ Izabel slanaghata, kaʼa nda tsi mantsa: « Nya kəl ka ka nzata suʼanaka, za a ka ta skwa zay wu na? » kaʼa nda tsi.

1Mgh 21:5 Referans Kwoze

Asta 4:5

Ka hgaftá Asta ta Hatak sani mataba mapslaha mgham fa tsi ŋa maganatá slna. Ka ghunaftá tsi ŋa ɗawaŋta da Murduhay ta skwi ta magaku, nda ya ka kabgawu kəl tsi ka magaku mantsa ya.

Nəhemiya 2:2

Ka mgham nda iʼi mantsa: « Kabgawu kəl ka nzata sgwama na? Wana má ta ɗughwana ka. Nahgani ya ta ŋuɗufa gha? » kaʼa. Ka ksafta tsi ta iʼi ka zləŋ katakata.

1Mgh 21:25

Haɗ mndu ɗekɗek taɓta Ahav ta skwaptá ghəŋa ni ŋa maga ghwaɗaka skwi ta wa ira Yawe, kabga gagafta markwa taŋ Izabel wa.

1Mgh 19:2

Ka ghunaftá Izabel ta mnda ghunay da Iliya ŋa mnanata: « Ka tsiɗagha tsa lazglaftaha ta guma katakata, ka mahtsim, ta va na luwa na, ka magagha a yu ta skwi ya magana ka ta tsa anabiha ya! » kaʼa.

1Mgh 18:4

Ma fitika zaɗay Izabel ta anabiha Yawe ná, ka hlaftá Ghuvadiya ta anabiha dərmək, ka laghwi ɗifanatá həŋ ka bakwa mnduha hutaf mbsak hutaf mbsak ma galighaha, ka vla skwa zay nda imi ŋa taŋ.

1Mgh 16:31

Ta slaghu a tsa vlatá ghəŋ ŋa dmakuha Yaruvgham, zwaŋa Nəvat ya wu kəʼa, ka klaftá tsi ka marakw ta Izabel, makwa Itbaghal, mghama la Tsiduŋ, ka laghu tsi da maganatá slna ta Baghal, ka tsəlɓu tsi ta tsəlɓu ta kəma ni.

2Sam 13:4

Ka ɗawaŋtá tsi da tsi, kaʼa mantsa: « Kabgawu ta kəl kagha ka nzata sgwama inda sərɗək, ta kagha ta nzakway ka zwaŋa mgham katək na? Va a ka ta mnay ŋa ɗa ra? » kaʼa. Ka Amnuŋ mantsa: « Tamar, makuma ni ma zwaŋa da ɗa Avsalum, ta tɗaghatá ŋuɗufa ɗa, » kaʼa.

Zlrafta 3:6

Tahula snaŋta tsa marakw ya ta tsa gwaɗa ya, kəʼa kaʼa nghanavatá yakwa tsa fu ya ná, zəɗ ka zay, ta taɗaku iri tida, dzaʼa vlay ta ndanu ŋa guna ghunislak guli. Ka sliʼaftá tsi ka tsaʼatá yakwa tsa fu ya ka zuta, vlaŋha ta zəʼala taŋ ta nzaku ta vata ni ya, ka zutá tsaya guli.

1Mgh 21:4

Ka laghu Ahav dzagha ni nda gufatá ŋuɗuf, nda gatá sidi, dabga tsa gwaɗa mnana Navut mnda la Yizrəghel ya: « Haɗ yu dzaʼa vlaghatá skwa za həga ɗa daga ta dzidzíha ɗa wu! » kəʼa ya. Ka hanatá tsi ta ghəzləŋa ni, ka mbəɗaghatá kuma nda təv vata həga, ka kwalaghutá za skwa zay.

1Mgh 21:6

Kaʼa zlghanaftá wi mantsa: « Gwaɗa ya gwaɗgana yu ta Navut mnda la Yizrəghel, ka yu nda tsi na: “Zlaɗiŋ zla ta na vwaha inaba gha na ka skwata yu nda tsedi, ka ta kumay ka guli, vlaghaha yu ta sana vwaha inabi ŋa da manaka ni,” ka yu nda tsi. Ama kaʼa zlghaɗiftá wi na: “Haɗ yu ta vlaghatá vwaha inaba ɗa wu,” kəʼa, » kaʼa.